చిరు రెండో సారి కూడా ఆ తప్పు చేస్తే..?

గత నెలలో సూపర్ స్టార్ రజనీకాంత్​-మెగాస్టార్ చిరంజీవి తమ కొత్త చిత్రాలు జైలర్, భోళాశంకర్​తో ప్రేక్షకుల ముందుకు వచ్చిన సంగతి తెలిసిందే. భారీ అంచనాలతో వచ్చిన ఈ చిత్రాల్లో జైలర్​ వరల్డ్​ వైడ్​గా బ్లాక్ బస్టర్ హిట్ అవ్వగా.. భోళాశంకర్ చిరు కెరీర్​లోనే భారీ డిజాస్టర్​ టాక్​ను అందుకుంది. అయితే బ్లాక్​ బస్టర్​ జైలర్​ సినిమాలో హీరోగా చిరు నటిస్తే ఎలా ఉంటుంది? ఊహించుకోండి.. బాగుంది కదూ. వాస్తవానికి ఇదే జరగాల్సిందట.

అవును మీరు చదివింది నిజమే. ఈ కథ మొదట చిరు దగ్గరికే వెళ్లిందట. జైలర్ దర్శకుడు నెల్సన్ కుమార్​.. ఈ స్టోరీని చిరంజీవికి చెప్పారట. బీస్ట్​ సినిమా షూటింగ్​ సమయంలో.. నెల్సన్​ జైలర్ గురించి నెరేషన్ చేశారట. అయితే ఈ చిత్రంలో సాంగ్స్​, డ్యాన్స్​ ఏమీ లేకపోవడం ఆలోచించి చెబుతానని అన్నారట. ఆ తర్వాత బీస్ట్​ సినిమా రిలీజై ఫ్లాప్ అయిన సంగతి తెలిసిందే.

దీంతో చిరు సైలెంట్​గా ప్రాజెక్ట్​ను పక్కన పెట్టారట. తన దగ్గర ఉన్న ఇతర తెలుగు సినిమాల కమిట్​మెంట్స్​తో ముందుకెళ్లారు. ఇక నెల్సన్​.. రజనీతో జైలర్​ తీశారు. అది కాస్త బాక్సాఫీస్ వద్ద ఏకంగా లాంగ్​ రన్​ టైమ్​లో రూ.650కోట్లకు పైగా వసూళ్లను అందుకుని బాక్సాఫీస్​ను షేక్ చేసింది. అటు రజనీకి ఇటు నెల్సన్​కు గట్టి కమ్​ బ్యాక్ హిట్ ఇచ్చింది.

అయితే ఇప్పుడు.. దర్శకుడు నెల్సన్​ హైదరాబాద్​ రానున్నారని ప్రచారం సాగుతోంది. ఆయన మెగాస్టార్ చిరంజీవి, ఐకాన్​ స్టార్ అల్లు అర్జున్​ను కలవబోతున్నారట. మరి ఏమైనా కథ చెబుతారా లేదా అనేది తెలియాల్సి ఉంది. ఒకవేళ ఆయన చెప్పినా చెప్పకపోయినా.. చిరు మాత్రం నెల్సన్​ను లైన్​లో పెట్టడం మంచిదని పలువురు అభిమానులు అభిప్రాయపడుతున్నారు. చిరు ఈ రెండో సారి కూడా మిస్ అయ్యారా.. ఇది కచ్చితంగా చిరు తప్పే అవుతుందని అంటున్నారు. చూడాలి మరి ఏం జరుగుతుందో..

ఇకపోతే చిరు ప్రస్తుతం బింబిసార దర్శకుడు వశిష్ఠతో ఓ భారీ బడ్జెట్ సోషియో ఫాంటసీ సినిమా చేస్తున్నారు. అలాగే తన కూతురు నిర్మిస్తున్న ఓ చిత్రంలోనూ నటించనున్నారు. ఈ రెండు చిత్రాలు ఇంకా సెట్స్​పైకి వెళ్లలేదు. ఇక నెల్సన్​ కుమార్​ తన నెక్ట్స్ చిత్రం ఎవరితో చేస్తారనేది ప్రస్తుతం ఆసక్తికరంగా మారింది.