చిరు సినిమాకు హీరోయిన్ సమస్య..?

మెగాస్టార్ చిరంజీవి 156వ సినిమా తన కూతురు సుస్మిత ప్రొడక్షన్ లో చేస్తున్నారు. సోగ్గాడే చిన్ని నాయనా డైరెక్టర్ కళ్యాణ్ కృష్ణ ఈ సినిమాను డైరెక్ట్ చేస్తున్నారు. ఈ సినిమా అప్డేట్ రాలేదు కానీ మెగా 157 మూవీ వశిష్ట సినిమా నుంచి రీసెంట్ గా ఒక పోస్టర్ అయితే వచ్చింది. బింబిసారతో మొదటి సినిమానే సూపర్ హిట్ అందుకున్న వశిష్ట తన సెకండ్ సినిమాను చిరు తో ఫిక్స్ చేసుకున్నాడు. సినిమాను యువి క్రియేషన్స్ బ్యానర్ లో వంశీ ప్రమోద్ నిర్మిస్తున్నారు.

ఈమధ్య రీమేక్ సినిమాలు చేస్తూ మెగా ఫ్యాన్స్ ని అసంతృప్తికి గురి చేస్తున్న చిరు ఈసారి ఒరిజినల్ కథ అది కూడా రొటీన్ సినిమాలకు భిన్నంగా చేయాలని చూస్తున్నారు. ఈ క్రమంలో వశిష్ట తో సినిమా ఆడియన్స్ కి మంచి ఎక్స్ పీరియన్స్ ఇచ్చేలా చేస్తుందని అంటున్నారు. ప్రస్తుతం ఈ సినిమా ప్రీ ప్రొడక్షన్ వర్క్ జరుపుకుంటుండగా త్వరలోనే సినిమా రెగ్యులర్ షూటింగ్ మొదలవుతుందని తెలుస్తుంది.

ఈ సినిమా చిరు చేసిన జగదేక వీరుడు అతిలోక సుందరి సినిమాతో పోల్చుతున్నారు ఫిల్మ్ సర్కిల్స్. కమర్షియల్ సినిమాలు చేస్తూ మంచి ఫాం లో ఉన్న చిరు జగదేకవీరుడు అతిలోక సుందరి అనే ప్రయోగాత్మక సినిమా చేశారు. ఆ సినిమా అప్పట్లో సంచలన విజయం అందుకుంది. చాలా గ్యాప్ తర్వాత చిరు మరోసారి అడ్వెంచర్ ఫిక్షనల్ కథతో వస్తున్నారు. స్క్రిప్ట్ దశలోనే ఈ సినిమా పై భారీ క్రేజ్ ఏర్పడిందని తెలుస్తుంది.

వాల్తేరు వీరయ్య సక్సెస్ అందుకున్నా అంతకుముందు గాడ్ ఫాదర్ రీసెంట్ గా వచ్చిన భోళా శంకర్ సినిమాలు మెగా ఫ్యాన్స్ ని నిరాశపరిచాయి. అందుకే చిరు ఇక మీదట స్టోరీస్ విషయంలో కాంప్రమైజ్ అవకూడదని అనుకుంటున్నారు. ముఖ్యంగా రొటీన్ మసాలా సినిమాలు కాకుండా వెరైటీ కథలను ప్రేక్షకుల ముందుకు తెచ్చేలా ఆలోచిస్తున్నారు. మెగా 157 సినిమాలో కాస్టింగ్ ఇంకా ఫైనల్ కాలేదు. ముఖ్యంగా హీరోయిన్ విషయంలో ఇంకా వేట కొనసాగుతూనే ఉంది. సీనియర్ హీరోలతో కలిసి స్క్రీన్ షేర్ చేసుకునేందుకు యువ హీరోయిన్స్ ఆసక్తి చూపట్లేదు.

మెగా సినిమాలో హీరోయిన్ గా ఎవరిని తీసుకోవాలా అన్న సందిగ్ధంలో ఉన్నారట. ఆల్రెడీ నయనతార, తమన్నా లాంటి వారంతా కూడా చిరుతో కలిసి నటించారు. ఎలాగు ఫిక్షన్ కథ కాబట్టి కొత్త హీరోయిన్ అయితే బాగుంటుందని అంటున్నారు. మరి ఈ సినిమాలో హీరోయిన్ ఎవరు ఓకే అవుతారన్నది త్వరలో తెలుస్తుంది.