గుంటూరు కారం మిడ్ నైట్ షోస్ అప్డేట్ ఏంటి..?

సూపర్ స్టార్ మహేష్ త్రివిక్రం కాంబోలో 12 ఏళ్ల తర్వాత వస్తున్న సినిమా గుంటూరు కారం. అతడు, ఖలేజా తర్వాత త్రివిక్రం తో మహేష్ సినిమా చేయాలని అనుకున్నా కుదరలేదు. ఫైనల్ గా గుంటూరు కారంతో అది సెట్ అయ్యింది. ఈ సినిమా విషయంలో మేకర్స్ భారీ ప్లానింగ్ తోనే ఉన్నారు. సంక్రాంతికి మోస్ట్ ఎవైటెడ్ మూవీగా వస్తున్న గుంటూరు కారం సినిమా మిడ్ నైట్ షోస్ ప్లానింగ్ లో ఉన్నారు మేకర్స్. తెలుగులో ఉన్న స్టార్ హీరోల్లో ఒకరైన మహేష్ సినిమా అంటే రెండు రాష్ట్రాల్లో హంగామా తెలిసిందే. అందుకే మహేష్ సినిమా అంటే మిడ్ నైట్ నుంచి ప్రీమియర్స్ ప్లాన్ చేస్తారు.

కోవిడ్ లాక్ డౌన్ తర్వాత స్టార్ సినిమాలకు కూడా మిడ్ నైట్ షోలకు పర్మిషన్ ఇవ్వలేదు. అయితే ఈమధ్య మళ్లీ ఆ సందడి మొదలైంది. అభిమాన హీరో సినిమా ఎర్లీ మార్నింగ్ లేదా మిడ్ నైట్ షో చూస్తేనే చూసినట్టుగా భావిస్తారు వీరాభిమానులు. వారి కోసమే సింగిల్ స్క్రీన్స్, మల్టీ ప్లెక్స్ లో మిడ్ నైట్ షోస్ ప్లాన్ చేస్తారు. గుంటూరు కారం విషయానికి వస్తే ఫస్ట్ ఆట మహేష్ సొంత థియేటర్ ఏ.ఎం.బి మాల్ లో ఉంటుందని టాక్.

ఆ తర్వాత తెలుగు రాష్ట్రాల్లో సెలెక్టెడ్ థియేటర్స్ లో మిడ్ నైట్ షోస్ ఉంటాయని తెలుస్తుంది. ఈ షోస్ విషయంలో జనవరి 9 కల్లా క్లారిటీ వస్తుందని టాక్. దర్శక నిర్మాతలు మాత్రం మాక్సిమం నెంబర్స్ ఎర్లీ షోస్ పడేలా ప్లాన్ చేస్తున్నారట. మిడ్ నైట్ షోస్ తో పాటుగా ఎర్లీ మార్నింగ్ 4 గంటల షోస్ కూడా కొన్ని ప్లానింగ్ లో ఉన్నాయని తెలుస్తుంది.

మహేష్ త్రివిక్రం కాంబో మీద ఉన్న అంచనాలు.. మహేష్ నుంచి వస్తున్న ఊర మాస్ సినిమాగా రాబోతున్న గుంటూరు కారం మీద భారీ హైప్ తీసుకొచ్చాయి. సినిమా ప్రచార చిత్రాలు ఇప్పటికే సూపర్ క్రేజ్ తీసుకు రాగా త్వరలో రిలీజ్ కాబోతున్న ట్రైలర్ తో సినిమా రేంజ్ పెంచాలని చూస్తున్నారు మేకర్స్. గుంటూరు కారం సినిమాలో శ్రీలీల, మీనాక్షి చౌదరిలు హీరోయిన్స్ గా నటించారు. సినిమాకు ఎస్.ఎస్. థమన్ మ్యూజిక్ అందించారు.