18 ఏళ్ల తర్వాత మిల్కీ బ్యూటీ హిట్...!
మిల్కీ బ్యూటీ తమన్నా 2005 సంవత్సరంలో సినీ రంగ ప్రవేశం చేసింది. హిందీ సినిమాతో ఎంట్రీ ఇచ్చిన ఏడాదిలోనే తెలుగు సినిమా లో కూడా నటించింది. ఆ రెండు సినిమాలు నిరాశ పరిచాయి.
By: Tupaki Desk | 13 Nov 2023 4:26 AM GMT
మిల్కీ బ్యూటీ తమన్నా 2005 సంవత్సరంలో సినీ రంగ ప్రవేశం చేసింది. హిందీ సినిమాతో ఎంట్రీ ఇచ్చిన ఏడాదిలోనే తెలుగు సినిమా లో కూడా నటించింది. ఆ రెండు సినిమాలు నిరాశ పరిచాయి. అయినా తమిళ్‌ లో ఆఫర్‌ దక్కింది. అక్కడ కూడా తమన్నాకి పెద్దగా కలిసి రాలేదు. కానీ 2007 లో హ్యాపీడేస్ సినిమా లో నటించి వెనక్కి తిరిగి చూసుకోకుండా హీరోయిన్ గా చేసింది.. ఇంకా చేస్తూనే ఉంది.
ఈ 18 ఏళ్లలో హిందీ, తెలుగు, తమిళ్‌, కన్నడం మరియు మరాఠీ భాషల్లో నటించింది. కానీ సౌత్‌ లో మలయాళ సినిమాలో మాత్రం ఈమె నటించలేదు. కెరీర్ ముగింపు దశకు వచ్చింది..మలయాళ సినిమాలో తమన్నా ఇంకా నటించలేదు. దాంతో చాలా మంది ఆమె ఫిల్మోగ్రఫీ లో మలయాళ సినిమాలు ఉండవని భావించారు. కానీ ఎట్టకేలకు మలయాళ సినిమా లో తమన్నా నటించింది.
దిలీప్ ప్రధాన పాత్రలో నటించిన మలయాళ చిత్రం 'బాంద్రా' లో తమన్నా హీరోయిన్ గా నటించింది. పెద్దగా అంచనాలు లేకుండా ఈ సినిమా మొన్న శుక్రవారం ప్రేక్షకుల ముందుకు వచ్చింది. అనూహ్యంగా ఈ సినిమాకు మలయాళి ప్రేక్షకుల నుంచి పాజిటివ్‌ టాక్‌ వచ్చింది. భారీ ఓపెనింగ్స్ కూడా ఈ సినిమాకు నమోదు అయినట్లు అక్కడి బాక్సాఫీస్ వర్గాల ద్వారా సమాచారం అందుతోంది.
సినీ రంగ ప్రవేశం చేసిన 18 ఏళ్ల తర్వాత మిల్కీ బ్యూటీ తమన్నా మలయాళ సినీ ఇండస్ట్రీ లో నటించింది. నటించిన ఒక్కగానొక్క సినిమా కూడా మంచి విజయాన్ని సొంతం చేసుకోవడంతో ఆమె కి మరియు ఆమె ఫ్యాన్స్ ఆనందానికి అవధులు లేవని చెప్పాలి.
మిల్కీ బ్యూటీ తమన్నా హిందీతో పాటు అన్ని భాష ల్లో కూడా విజయాలను సొంతం చేసుకున్న ఘనత సాధించినట్లు అయిందని ఆమె అభిమానులు మాట్లాడుకుంటున్నారు. హీరోయిన్ గా తెలుగు మరియు హిందీ భాషల్లో బిజీగా లేని సమయంలో మలయాళంలో హిట్ పడటంతో అక్కడ ఓ అయిదు సంవత్సరాల పాటు తమన్నా కుమ్మేయడం ఖాయం అనిపిస్తుంది.
