బూతు సిరీస్‌ కు ముహూర్తం ఫిక్స్‌

ఇండియాలో ఇప్పటి వరకు వచ్చిన వెబ్‌ సిరీస్ ల్లో అత్యధిక వీక్షణలు పొందిన వెబ్ సిరీస్ గా మిర్జాపూర్ నిలుస్తుంది అనడంలో సందేహం లేదు. అమెజాన్ ప్రైమ్‌ లో ఇప్పటి వరకు మీర్జాపూర్ రెండు సీజన్ లు స్ట్రీమింగ్‌ అవుతుంది. ఈ రెండు సీజన్‌ లకు కూడా విపరీతమైన వ్యూస్‌ వచ్చాయి.

మీర్జాపూర్‌ మొదటి సీజన్ ను అమెజాన్ ప్రైమ్ వారు 2018 లో స్ట్రీమింగ్‌ చేయడం జరిగింది. ఆ సమయంలో చాలా మంది వెబ్‌ సిరీస్ పై విమర్శలు చేశారు. ఎంత వెబ్ సిరీస్ అయితే మాత్రం మరీ ఇంత నీచంగా ఉండటం ఏంటి అంటూ అసహనం వ్యక్తం చేయడం జరిగింది.

ఎంత విమర్శలు వచ్చాయో అంతే వ్యూస్ కూడా దక్కాయి. 2020 లో మిర్జాపూర్ సీజన్ 2ను ప్రేక్షకుల ముందుకు తీసుకు వచ్చారు. మొదటి సీజన్ కి ఏమాత్రం తగ్గకుండా రెండో సీజన్ కూడా బూతుల మయం అయ్యింది. అందుకే యూత్‌ లో విపరీతమైన క్రేజ్‌ ను మీర్జాపూర్‌ దక్కించుకుంది.

ఇప్పటికే మీర్జాపూర్‌ సీజన్‌ 3 ని ప్రకటించారు. ఇటీవలే షూటింగ్‌ పూర్తి అయ్యింది. ఏమాత్రం ఆలస్యం చేయకుండా మీర్జాపూర్‌ సీజన్‌ 3 ని ప్రేక్షకుల ముందుకు తీసుకు వచ్చేందుకు ముహూర్తం ఫిక్స్ చేశారు. జులై 5వ తారీకున మీర్జాపూర్‌ సీజన్‌ 3 స్ట్రీమింగ్‌ అవ్వబోతుంది.

గత సీజన్ లకు ఏమాత్రం తగ్గకుండా మూడో సీజన్ ఉంటుంది అంటూ మేకర్స్ మరియు అమెజాన్ ప్రైమ్‌ వర్గాల వారు అంటున్నారు. సీజన్‌ 3 లో కూడా యూత్‌ కి నచ్చే కంటెంట్‌ ఉంటుందని, ప్రతి ఒక్కరు ఎంజాయ్ చేస్తారు అంటున్నారు. గత రెండు సీజన్‌ లు కూడా విమర్శల పాలు అయ్యింది. మరి మూడో సీజన్ అయిన కాస్త డీసెంట్‌ గా ఉంటుందేమో చూడాలి.