బాలయ్య పాత సినిమాతో అక్షయ్ న్యూ కంటెంట్?

బాలయ్య హీరోగా కోదండరామిరెడ్డి దర్శకత్వంలో 1993లో వచ్చిన డిజాస్టర్ మూవీ నిప్పురవ్వ. బొగ్గు గనుల్లో జరిగిన ఘోర ప్రమాదం నేపథ్యంలో ఆ చిత్రాన్ని అప్పట్లో తెరకెక్కించారు. అయితే కథకి కమర్షియల్ హంగులు జోడించి చెప్పడం వలన నిప్పురవ్వ సినిమా ప్రేక్షకులకి కనెక్ట్ కాలేదు. అయితే మంచి ప్రయత్నం అని విమర్శకుల ప్రశంసలు సొంతం చేసుకుంది.

రాణిగంజ్ అనే ప్రాంతంలో బొగ్గు గన్నులో 1989లో ఈ విపత్తు తలెత్తింది. ఆ సమయంలో మైనింగ్ ఇంజనీర్ గా ఉన్న జశ్వంత్ సింగ్ గిల్ చాలా రెస్క్యూ ఆపరేషన్ చేసి మెజారిటీ కార్మికులని రక్షించారు. ఆ ప్రమాదంలో ఆరుమంది చనిపోయారు. ఆ ఘటనని బేస్ చేసుకొని బాలకృష్ణతో నిప్పురవ్వ మూవీ చేశారు. అయితే ఇప్పుడు అదే స్టోరీని మిషన్ రాణిగంజ్ పేరుతో హిందీలో అక్షయ్ కుమార్ హీరోగా సిల్వర్ స్క్రీన్ పై ఆవిష్కరిస్తున్నారు.

అక్షయ్ కుమార్ కి రుస్తుం సినిమాతో హిట్ ఇచ్చిన టిను సురేష్ దర్శకత్వంలో ఈ సినిమా సిద్ధమవుతోంది. బయోపిక్ కథలకి కేరాఫ్ అడ్రెస్ అయిన అక్షయ్ కుమార్ ఈ సినిమాలో జశ్వంత్ సింగ్ గిల్ పాత్రలో కనిపించబోతున్నారు. అక్టోబర్ 6న ఈ చిత్రం రిలీజ్ కాబోతోంది. భారీ అంచనాల మధ్య ఈ మూవీ ప్రేక్షకుల ముందుకి రావడానికి సిద్ధమవుతోంది.

తాజాగా ఈ సినిమాకి క్యాప్షన్ గా ది గ్రేట్ ఇండియన్ రెస్క్యూ అనే ముందుగా పెట్టారు. తాజాగా ఇండియా పేరు భారత్ గా మారుస్తున్నట్లు విస్తృతంగా ప్రచారం జరుగుతున్న నేపథ్యంలో ఈ మూవీ క్యాప్షన్ కూడా ది గ్రేట్ భారత్ రెస్క్యూ అంటూ చేంజ్ చేసి కొత్త పోస్టర్ రిలీజ్ చేశారు. దీంతో ఈ మూవీ వార్తల్లోకి వచ్చింది.

అక్షయ్ కుమార్ తన ప్రతి సినిమాలోని భారతీయ కల్చర్, సనాతన ధర్మాన్ని రిప్రజెంట్ చేసే ప్రయత్నం చేస్తూ ఉంటారు. రీసెంట్ గా అక్షయ్ కుమార్ శివుడి పాత్రలో OMG 2 మూవీ ప్రేక్షకుల ముందుకి వచ్చి హిట్ టాక్ సొంతం చేసుకుంది. ఇప్పుడు మిషన్ రాణిగంజ్ తో రావడానికి సిద్ధం అవుతున్నారు. ఈ మూవీ నిప్పురవ్వకి అఫీషియల్ రీమేక్ కాకున్న ఒకే కథతో తెరకెక్కిన సినిమాలుగా మాత్రం ఉన్నాయి.