శెట్టి పొలిశెట్టి.. టార్గెట్ ఫినిష్!

నవీన్ పోలిశెట్టి అనుష్క శెట్టి జంటగా నటించిన 'మిస్ శెట్టి మిస్టర్ పోలిశెట్టి' సినిమా బాక్స్ ఆఫీస్ వద్ద నాలుగవ రోజు ఊహించని స్థాయిలో రెస్పాన్స్ అందుకుంది. అసలు ఈ స్థాయిలో సినిమాకు రెస్పాన్స్ వస్తుంది అని ఎవరు ఊహించలేదు. ఎందుకంటే మొదటి రోజే సినిమాకు టాక్ బాగానే వచ్చినప్పటికీ మరో వర్గం ప్రేక్షకుల నుంచి కొంత నెగిటివ్ టాక్ కూడా వచ్చింది.

కానీ అవేమీ సినిమాపై ప్రభావం చూపలేదు. రెండవ రోజు నుంచే కలెక్షన్స్ పెరుగుతూ వచ్చాయి. కంటెంట్ కనెక్ట్ అయితే జనాలు మౌత్ టాక్ ద్వారానే థియేటర్లకు వస్తారు అని ఈ సినిమా మరోసారి రుజువు చేసింది. మిస్ శెట్టి మిస్టర్ పోలిశెట్టి సినిమా రొమాంటిక్ కామెడీ డ్రామాగా దర్శకుడు మహేష్ సినిమాలో కంటెంట్ ను చాలా స్మూథ్ గా ప్రజెంట్ చేయడం మేజర్ ప్లస్ పాయింట్ అని చెప్పవచ్చు.

ఇక ఈ సినిమా మొదటి మూడు రోజుల కంటే కూడా నాలుగవ రోజు ఎక్కువ స్థాయిలో కలెక్షన్స్ అందుకోవడం విశేషం. ఆంధ్ర ప్రదేశ్ తెలంగాణలో మొదటిరోజు అలాగే రెండో రోజు కోటి కి పైగా షేర్ కలెక్షన్ అందుకున్న ఈ సినిమా మూడవ రోజు మాత్రం ఒక్కసారిగా రెండు కోట్ల లోకి ప్రవేశించింది. ఇక 4వ రోజు 2.44 కోట్ల రేంజ్ లో షేర్ కలెక్షన్స్ అందుకోవడం ఆశ్చర్యాన్ని కలిగించింది.

ఇక మొత్తంగా 4 రోజుల్లో ఈ సినిమా ఏ మేరకు కలెక్షన్స్ అందుకుంది అనే వివరాల్లోకి వెళితే ముందుగా నైజం ఏరియాలో 4.02 కోట్లు, సీడెడ్ లో 65 లక్షలు ఆంధ్ర మొత్తంలో కూడా 2.41 కోట్లు షేర్ రాబట్టింది. ఇక ఆంధ్రప్రదేశ్ తెలంగాణలో నాలుగు రోజుల్లో ఈ సినిమా 7 కోట్లకు పైగానే షేర్ కలెక్షన్స్ రాబట్టింది.

కర్ణాటక రెస్ట్ ఆఫ్ ఇండియాలో 1.02 కోట్లు, ఓవర్సీస్ లో 5.10 కోట్లు షేర్ వచ్చింది. ఇక ప్రపంచవ్యాప్తంగా 13.20 కోట్లు షేర్ 25.65 కోట్లు గ్రాస్ అందుకుంది. ఇక ఈ సినిమా బ్రేక్ ఈవెన్ టార్గెట్ 13 కోట్లు కాగా ఇప్పటివరకు ప్రపంచవ్యాప్తంగా దాదాపు అదే స్థాయిలో షేర్ కలెక్షన్స్ అందుకొని టార్గెట్ అయితే పూర్తి చేసింది. ఇక సోమవారం నుంచి ఈ సినిమాకు వచ్చేవన్నీ కూడా ప్రాఫిట్సే.