500 రోజులకు పైగా.. ఘనత బాలయ్యదే: M మోహ‌న్ బాబు

ఎన్బీకే 50 వేడుక‌ల్లో సినీదిగ్గ‌జాలు మెగాస్టార్ చిరంజీవి స‌హా ప‌లువురు త‌మ‌దైన శైలిలో మాట్లాడారు. బాల‌య్య‌కు స‌మ‌కాలికుడు అయిన క‌లెక్ష‌న్ కింగ్ మంచు మోహన్ బాబు వేదిక‌పై మాట్లాడుతూ-``చిన్నతనం నుండి నటుడిగా విభిన్నమైన, విశిష్టమైన నటుడు బాలయ్య. 500 రోజులకు పైగా ఒక సినిమా ఆడటం అనే ఘనత బాలయ్యదే. 3 సార్లు హిందూపూర్ ఎంఎల్ఏగా ఎన్నికవ్వ‌డం చాల ఆనందకరం. మీరు క్షేమంగా ఆరోగ్యంగా ఉండాలని దేవుడిని ప్రార్థిస్తున్నాను. భారత దేశంలో నలుమూలల నుండి వచ్చిన అందరికీ నమస్కారం`` అని అన్నారు.

విక్ట‌రీ వెంకటేష్ మాట్లాడుతూ-``ఎన్టీఆర్ గారి కుటుంబం నుండి వచ్చి తనకంటూ ఒక ప్రత్యేక స్థానం సంపాదించుకున్నారు బాలయ్య బాబు. ఆయనకు ఒక ప్రత్యేకత ఉంది. 50 సంవత్సరాల మీ ప్రయాణం ఎంతో మంది కొత్త వారికి ఆదర్శం`` అని అన్నారు. అలాగే బాల‌య్య డైలాగ్ ని చెప్పి వెంకీ న‌వ్వించారు. ఫ్లూట్ జింక ముందు ఊదండి.. సింహం ముందు కాదు! అంటూ స‌ర‌దాగా లైట‌ప్ చేసారు వేదిక‌ను.

పెమ్మసాని మాట్లాడుతూ-``రికార్డులు బద్దల కొడుతూ 50 సంవత్సరాలు పూర్తి చేసుకున్న బాలయ్య గారికి కృత్ఞతలు. మిమ్మల్ని చూస్తూ పెరిగాం. మీరే మా ఇన్స్పిరేషన్. కుటుంబంతో ప్రేమగా మెలగడంలో, వయసు పెరుగుతున్న కూడా తరానికి తగ్గట్లు మారడంలో మీరు మాకు ఒక ఆదర్శం`` అని అన్నారు.