టెంప్టేష‌న్ మౌని హైద‌రాబాద్ విజిట్ దేనికో

డేటింగ్ రియాలిటీ షో టెంప్టేషన్ ఐలాండ్ భారతీయ వెర్షన్‌ బ్యాంగ్‌తో ప్రారంభ‌మైంది. ఇది మాన‌వ సంబంధాలు ప్రేమాయ‌ణాల నేప‌థ్యంలోని రియాలిటీ షో. త‌మ‌ సంబంధాలను పరీక్షించుకునేందుకు చాలామంది పాపుల‌ర్ జంటలు ఈ షోలో పాల్గొన్నారు. నవంబర్ 3న జియో సినిమాలో లాంచ్ అయిన ఈ షోకి మౌని రాయ్ - కరణ్ కుంద్రా సహ-హోస్ట్ లుగా ఉన్నారు. షో ఇప్ప‌టికే ర‌స‌కందాయంలో ప‌డింది. కానీ ఇంత‌లోనే మౌని హైద‌రాబాద్ విజిట్ నుంచి కొన్ని ఫోటోల‌ను షేర్ చేయ‌గా అవి వైర‌ల్ గా మారాయి.

రియాలిటీ షో విష‌యానికి వ‌స్తే.. ఈ షోలో పాల్గొన్న‌ జంటలలో చేష్టా భగత్ - అర్జున్ అనేజా వారి సంబంధంలో సవాళ్లను ఎదుర్కొన్నారు, ఇద్దరూ ఒకరిపై ఒకరు శారీరక హింసకు పాల్పడ్డారని ఆరోపించుకున్నారు. అయితే క్వీన్ ఆఫ్ హార్ట్స్ మౌని రాయ్ ఈ సమస్యను పరిష్కరించడానికి ప్ర‌య‌త్నించారు. ఎవ‌రైనా జంట రిలేష‌న్‌లో ఉన్న‌ప్పుడు ప‌క్క చూపులు చూడ‌టం స‌రికాద‌ని మౌని వాదించారు.

మౌని రాయ్ షో చాలా సీరియ‌స్ నేప‌థ్యం ఉన్న రియాలిటీ షో. ఈ షోలో ర‌క‌ర‌కాల‌ సంఘర్షణలు ర‌క్తి క‌ట్టిస్తున్నాయి. షో ప్రారంభంలోనే స‌భ్యుడు చేష్టా భగత్ వేరొకరిపై తన భావాలను గురించి తెలుసుకున్న తర్వాత తన భాగస్వామి అర్జున్ అనెజాను చెంపదెబ్బ కొట్టినట్లు తెలిసింది. అదే సమయంలో నిఖిల్ మెహతాతో చేష్టా సంబంధాన్ని ఏర్పరుచుకున్నప్పుడు ఆమె అర్జున్ నుండి శారీరక వేధింపులకు కూడా గురైంది. తాను చేష్టా చర్యలపై స్పందించ‌డం వ‌ల్ల‌నే చెంప దెబ్బ కొట్టానని అర్జున్ తనను తాను సమర్థించుకున్నాడు. ఈ కార్యక్రమం హోస్ట్ మౌని రాయ్ ఈ విషయంపై మాట్లాడుతూ, హింసను ఆశ్రయించడం అనేది ఎవరికీ ఎప్పటికీ పరిష్కారం కాదని పేర్కొంది. మౌని మాట్లాడుతూ, ``అందరూ తప్పులు చేస్తారు. మనమంతా అంగీకరిస్తాము. కానీ ఎవరినైనా కొట్టడానికి చేయి ఎత్తడం తప్పు! అది అబ్బాయి అయినా, అమ్మాయి అయినా తప్పు తప్పు! ప్రతి చర్యకు నిర్దిష్ట ప్రతిచర్య ఉంటుందని మేం అర్థం చేసుకున్నాము. కానీ తరచుగా మీ ప్రతిచర్యలు వాస్త‌వ చర్య కంటే పెద్దవిగా మార‌తాయి`` అని వ్యాఖ్యానించింది.

మౌని కూడా చేష్టతో ఇలా వ్యాఖ్యానించారు. ``మీరు మీ భాగస్వామితో శారీరక ఘర్షణకు బదులు మీ భావాలను వ్యక్తం చేసి ఉంటే, మీరు సరిగ్గానే ఉండేవారు! మీరు హింసను ఆశ్రయించిన క్షణం, ఆ తర్వాత మీరు తప్పు చేసిన వ్య‌క్తిగా నిలబడవచ్చు! మీ చర్యలు మీ గురించి చాలా వివరిస్తాయి.. అని అన్నారు. గౌరవం లేనిచోట సంబంధం కొనసాగదు.. ఇది సున్నితమైన అంశం.. మ‌నం దానిపై సున్నితంగా వ్యవహరించాలి!`` అని పేర్కొంది. ఐదు జంటలు వారి సంబంధాల బలాన్ని అంచనా వేయడానికి టెంప్టర్‌లతో ప్రత్యేక విల్లాలలో వసతి పొందారు. ప్రదర్శన ఆరు వారాల పాటు కొనసాగింది. ఇప్పుడు దాని ముగింపుకు సిద్ధమవుతోంది. షో చివరి ఎపిసోడ్ 15 డిసెంబర్ 2023న ప్రసారం కానుందని అంచనా.

మౌని రాయ్ త్వరలో దిల్జిత్ దోసాంజ్‌తో స్క్రీన్ షేర్ చేసుకోనున్నారు. ఇటీవల తన ఇన్‌స్టాగ్రామ్ హ్యాండిల్‌లో పంజాబీ సూపర్‌స్టార్‌తో ఉన్న ఒక ఫోటోని షేర్ చేసింది. అలాగే దిల్జీత్ తో క‌లిసి మౌని త‌దుప‌రి మ్యూజిక్ వీడియోల‌లో ఒకదానిలో కనిపించనుంది.

ఏక్తా కపూర్ `క్యుంకీ సాస్ భీ కభీ బహు థీ`తో టెలివిజన్ రంగంలోకి ప్రవేశించినప్పటి నుండి మౌని రాయ్ చాలా ఎత్తుకు ఎదిగారు. నాగిన్‌లో నటించిన తర్వాత బాగా పాపుల‌రైంది. మౌని 2018లో అక్షయ్ కుమార్ గోల్డ్ చిత్రంతో బాలీవుడ్‌లోకి అడుగుపెట్టింది. గత సంవత్సరం అయాన్ ముఖర్జీ భారీ చిత్రం బ్రహ్మాస్త్రలో కనిపించింది. ఇటీవల ఆమె జుబిన్ నౌటియాల్‌తో కలిసి `డోటరా` అనే మ్యూజిక్ వీడియోలో కూడా కనిపించింది. మౌని రాయ్ చివరిసారిగా వెబ్ సిరీస్ `సుల్తాన్ ఆఫ్ ఢిల్లీ`లో కనిపించింది.

ఇటీవలి ఇంటర్వ్యూలో మౌని సుల్తాన్ ఆఫ్ ఢిల్లీ .. బ్రహ్మాస్త్ర వంటి ప్రాజెక్టులు తనలోని న‌టి విష‌య‌మై ప్ర‌జ‌ల‌ అభిప్రాయాన్ని మార్చాయని అంది. `బ్రహ్మాస్త్ర` పూర్తిగా భిన్నమైనది. మీరు గోల్డ్, రా .. మేడ్ ఇన్ చైనా చూసినప్పుడు నేను చాలా ఇండియ‌నైజ్డ్ పాత్రలను పోషించాను. నాగిన్ - సతి తర్వాత ప్రజలు నన్ను చీర కట్టుకున్న భారతీయ పాత్రలో మాత్రమే చూడగలిగారు. `బ్రహ్మాస్త్ర` విడుదల కాని సమయంలో మిలన్ సర్ నన్ను ఈ క్యాబరే డాన్సర్ నయనతార అని భావించాడట. ఫిలిం మేకర్స్ న‌న్ను విభిన్న పాత్రల్లో చూపించగలిగే స్థాయికి ఎదిగాన‌ని న‌మ్ముతున్నాను. వారు అంత గొప్ప పాత్ర‌లు రాస్తున్నారు. నేను నిజంగా ఎగ్జ‌యిట్ అవుతున్నాను అని మౌని అన్నారు.