మిస్టర్ అండ్ మిస్.. క్యాలరీలు ఖర్చు చేసేందుకు రెడీ..!

సౌత్ లో స్టార్ స్టేటస్ తెచ్చుకున్న రకుల్ ప్రీత్ సింగ్ కొన్నాళ్లుగా బాలీవుడ్ యాక్టర్ ప్రొడ్యూసర్ జాకీ భగ్నానితో ప్రేమలో ఉండి ఈమధ్యనే వారిద్దరు పెళ్లి బంధంతో ఒకటయ్యారు. లాస్ట్ మంత్ వీరి పెళ్లి జరిగిన విషయం తెలిసిందే. వెల్ విషర్స్, ఫ్యామిలీ మెంబర్స్ సమక్షంలో వీరి మ్యారేజ్ జరిగింది. పెళ్లి తర్వాత అలా తీర్ధ యాత్రలకు తిరిగి వచ్చిన ఈ కొత్త జంట ఇప్పుడు తమ క్యాలరీలు ఖర్చు చేసేందుకు రెడీ అయ్యారు.

పెళ్లి టైం లో సెలబ్రేషన్స్, ఎక్కువ మొత్తం లో ఫుడ్ ఇలా వారి రెగ్యులర్ డైట్ ప్లాన్ ని డిస్టర్బ్ చేశాయి కాబట్టి ఇక వాటిని బర్న్ చేసేందుకు మిస్టర్ అండ్ మిస్ రకుల్ ప్రీత్ జిమ్ లో అడుగు పెట్టారు. భర్తతో కలిసి క్యాలరీలు ఖర్చు పెట్టేందుకు రెడీ అంటూ తన సోషల్ మీడియాలో పోస్ట్ పెట్టింది అమ్మడు. రకుల్ తండ్రి ఆర్మీ ఆఫీసర్ కాబట్టి ఫుడ్ విషయంలో ఆమెకు చిన్నప్పటి నుంచి కొన్ని ఆంక్షలు ఉన్నాయని.. ఫిట్ నెస్ విషయంలో పేరెంట్స్ చాలా స్ట్రిక్ట్ అని అప్పట్లో చెప్పింది రకుల్.

అయితే పెళ్లి టైం లో ఫిట్ నెస్ కోసం సరైన టైం కేటాయించే అవకాశం ఉండదు. అంతేకాదు ఆ టైం లో తినే ఆహారం మీద కూడా ఆంక్షలు పెట్టుకోలేరు. అందుకే మ్యారేజ్ టైం లో చేయలేని వర్క్ అవుట్స్ ని కొద్దిపాటి గ్యాప్ తర్వాత మొదలు పెట్టారు రకుల్ జోడీ. ఇక ఆఫ్టర్ మ్యారేజ్ రకుల్ కెరీర్ లో ఎలాంటి స్పీడ్ బ్రేక్స్ ఉండదని తెలుస్తుంది. ఆల్రెడీ కమిటైన సినిమాలు పూర్తి చేసే ఆలోచనలో ఉన్న రకుల్ కొత్త వాటికి తాను రెడీ అనేస్తుంది.

బాలీవుడ్ లో పెళ్లైన భామలు ఇప్పటికీ తమ స్టార్ డం కొనసాగిస్తున్నారు. వారి దారిలో రకుల్ కూడా సినిమాల్లో నటిస్తుందని చెప్పొచ్చు. ప్రస్తుతం రకుల్ ఇండియన్ 2 సినిమాలో నటిస్తుంది. ఈ సినిమా రిలీజ్ తర్వాత ఆమె సౌత్ లో కూడా తిరిగి మళ్లీ బిజీ అవుతుందని చెప్పుకుంటున్నారు. తెలుగులో కొండపొలం తర్వాత అవకాశాలు అందుకోని రకుల్ బాలీవుడ్ తో పాటు టాలీవుడ్ పై కూడా గురి పెట్టింది. మరి అమ్మడికి ఆఫ్టర్ మ్యారేజ్ అయినా లక్ కలిసి వస్తుందా లేదా అన్నది చూడాలి.