వాటితో సరిపెడుతున్న హీరోయిన్.. టైం బ్యాడ్ అంటే ఇదే..!

అదేంటో హిట్లు ఉన్నా కూడా ఒక హీరోయిన్ కు అవకాశాలు లేక ఇబ్బంది పడుతుంది. సక్సెస్ తోనే ఎవరైకైనా అవకాశాలు వస్తాయి కానీ అది లేక అమ్మడు సతమతమవుతుంది. ఇంతకీ ఎవరా బ్యూటీ అంటే బాలీవుడ్ లో సీరియల్స్ తో మొదలైన మృణాల్ ఠాకూర్ నటనా ప్రయాణం అక్కడ నుంచి సిల్వర్స్ స్క్రీన్ కి షిఫ్ట్ అయ్యింది. ఐతే ఆ బాలీవుడ్ లో సినిమాలు చేస్తూ వస్తున్న మృణాల్ హను రాఘవపుడి దృష్టిలో పడింది. సీతారామం సినిమాలో ఛాన్స్ అందుకున్న అమ్మడు ఆ సినిమాతో సూపర్ హిట్ కొట్టింది.

తెలుగులో మరో స్టార్ హీరోయిన్ అవతరించింది అనుకునే లోగా అమ్మడు ఎందుకో డల్ అయ్యిపోయింది. సీతారామం తో హ్యూజ్ ఫ్యాన్ ఫాలోయింగ్ ఏర్పరచుకున్న అమ్మడు సెకండ్ మూవీ హాయ్ నాన్నతో కూడా హిట్ అందుకుంది. ఐతే రెండు హిట్లు పడ్డాక ఒక్క ఫ్లాప్ మృణాల్ కి ఒక మచ్చ లాగా పడింది. విజయ్ దేవరకొండతో అమ్మడు చేసిన ఫ్యామిలీ స్టార్ షాక్ ఇచ్చింది. సినిమాలో మృణాల్ తన పాత్ర వరకు బాగానే చేసినా సినిమా వర్క్ అవుట్ కాకపోయే సరికి ఆ ఎఫెక్ట్ అమ్మడి మీద పడింది.

ప్రస్తుతం తెలుగులో మృణాల్ ఒక్క సినిమా కూడా సైన్ చేయలేదు. ఆఫర్లు రావట్లేదా లేదా అమ్మడికి సరైన కథ దొరక్క ఆమె కాదంటుందా అన్నద్ తెలియాల్సి ఉంది. మృణాల్ ఠాకూర్ నెక్స్ట్ సినిమా కోసం ఫ్యాన్స్ అంతా కూడా ఎదురుచూస్తున్నారు. ఐతే బాలీవుడ్ లో ఒకటి రెండు ప్రాజెక్ట్ లు చేస్తుంది మృణాల్. తెలుగులో అవకాశాలు లేకపోయినా తన ఫోటో షూట్స్ తో అమ్మడు ఆకట్టుకుంటుంది. మృణాల్ ఠాకూర్ చేస్తున్న ఈ ఫోటో షూట్స్ ఆమె గురించి డిస్కషన్స్ ఏర్పడేలా చేస్తున్నాయి.

ఐతే ఫోటో షూట్స్ తోనే సరిపెడుతుందా అనుకుంటే సరైన ఛాన్స్ వస్తే మరోసారి తన సత్తా చాటాలని చూస్తుంది అమ్మడు. తెలుగులో చేసిన 3 సినిమాలో రెండు హిట్ కాగా మరో సినిమా ఆఫర్ కోసం ఎదురుచూస్తుంది. ఐతే రీసెంట్ గా అమ్మడికి కోలీవుడ్ నుంచి కూడా పిలుపు వచ్చినట్టు తెలుస్తుంది. సో అక్కడ కూడా మృణాల్ యాక్టింగ్ టాలెంట్ చూపించాలని ఫిక్స్ అయ్యింది. మృణాల్ ఠాకూర్ కథల విషయంలో ముఖ్యంగా తన పాత్రల విషయంలో చాలా కేర్ తీసుకుంటుంది. ఐతే ఇవి ఒక్కోసారి ఆమె గ్యాప్ కి కారణాలు అవుతున్నాయి.