అలాంటి సీన్ల‌కు నో చెబితే ఇంట్లో కూచోవాలి: మృణాల్

సీతారామం- హాయ్ నాన్న - ది ఫ్యామిలీ స్టార్ చిత్రాల్లో న‌టించింది మృణాల్ ఠాకూర్. వ‌రుస చిత్రాల్లో త‌న‌దైన అద్భుత న‌ట‌న‌తో మెప్పించింది. ది ఫ్యామిలీ స్టార్ చిత్రం బాక్సాఫీస్ వద్ద అంతగా ఆడక‌పోయినా న‌టిగా త‌న‌కు పేరొచ్చింది. ఈ వారం అమెజాన్ ప్రైమ్ వీడియోలో ఈ చిత్రం స్ట్రీమింగ్ మొద‌లైంది. తాజా ఇంట‌ర్వ్యూలో ఈ ప్రతిభావంతురాలైన బ్యూటీ తన సినిమాలు, జీవితం, కెరీర్ గురించి చాలా నిక్కచ్ఛిగా మాట్లాడింది.

తాజా ఇంటర్వ్యూలో మృణాల్ ఠాకూర్ సినిమాల్లో ఇంటిమేట్ సీన్స్ చేయడం వల్ల తనకు ఎదురైన అసౌకర్యం గురించి మాట్లాడింది. అయితే ఆ కారణంగానే తాను సినిమాకు నో చెప్పలేనని గ్రహించాన‌ని కూడా తెలిపింది. ముద్దు స‌న్నివేశాలు, బెడ్ రూమ్ స‌న్నివేశాలు ఉన్నాయ‌ని సినిమాల‌కు నో చెబితే ఎప్ప‌టికీ అవ‌కాశాలు రావని అంది. స‌హ‌న‌టుడితో రొమాంటిక్‌గా సన్నిహితంగా ఉండే సన్నివేశాలు చేయడం నాకు అంత సౌకర్యంగా అనిపించ‌దు. నేను భయపడతాను.. సినిమాకి నో చెబుతాను.. కానీ ఎంతకాలం నో చెప్పగలను? నేను నా తల్లిదండ్రులతో కూర్చుని,.. పాపా నేను ఒక భాగాన్ని కోల్పోలేను.. ఎందుకంటే కొన్నిసార్లు ఆ సీన్స్ చేయాల్సి ఉంటుంది. అది నా ఎంపిక కాదు. నేను సినిమా చేయాలనుకున్నంత మాత్రాన ముద్దు సన్నివేశం ఉండడంతో డ్రాప్ అవ్వాల్సి వచ్చేది. కానీ ఒక న‌టిగా అన్నిటికీ సిద్ధంగా ఉండాలి. ఎందుకంటే కొన్నిసార్లు అది డిమాండ్ (దృశ్యం). సౌకర్యంగా లేకపోతే దాని గురించి మాట్లాడుతాం.. కానీ నేను దాని కారణంగా సినిమాలను కోల్పోయాను`` అని మృణాల్ అన్నారు.

తాజా ఇంటర్వ్యూలో .. కెరీర్ ప్రారంభంలో ఘాడ‌మైన స‌న్నిహిత‌ సన్నివేశాలకు తన తల్లిదండ్రులు ఓకే చెప్పేవారు కాదని మృణాల్ వెల్లడించారు. త‌న‌కు అలాంటి అవ‌కాశాలు వ‌చ్చిన‌ప్పుడు.. త‌న‌ నిర్ణయానికి తండ్రి మద్దతు ఇవ్వలేదు. అప్పట్లో మృణాల్ తన వృత్తిని, కాలేజీని రెండిటినీ బ్యాలెన్స్ చేసుకోవాల్సి ఉంది. అయితే న‌ట‌న‌లో కొన‌సాగ‌డం వ‌ల్ల‌ కళాశాల హాజరుపై ప్ర‌భావం ప‌డింది. కానీ త‌న తండ్రి `సూపర్ 30` లాంటి సినిమాల‌పైనా, న‌ట‌ ప్రదర్శనపై ఎక్కువ దృష్టి పెట్టమని చెప్పారని తెలిపింది.

`కుంకుమ్ భాగ్య` అనే టీవీ షోతో మృణాల్ పాపులారిటీ సంపాదించుకుంది. లవ్ సోనియా, సూపర్ 30, ధమాకా, జెర్సీ, సీతా రామం స‌హా వ‌రుస‌ చిత్రాలతో మరింత పాపులర్ అయ్యింది. విజయ్ దేవరకొండతో కలిసి ది ఫ్యామిలీ స్టార్‌లో కనిపించిన మృణాల్ ఠాకూర్ 2024లో మరో సినిమాతో ప్రేక్ష‌కుల ముందుకు రానుంది. `పూజా మేరీ జాన్` అనే హిందీ చిత్రంలో మృణాల్ న‌టించింది. నవజ్యోత్ గులాటి దర్శకత్వం వహించిన ఈ చిత్రంలో హుమా ఖురేషి, విక్రమ్ సింగ్ చౌహాన్, విజయ్ రాజ్ త‌దిత‌రులు నటించారు.