మృణాల్.. ఈ రేంజ్ లో క్లిక్కయితే..

సీతారామం సినిమాతో టాలీవుడ్ లోకి అడుగుపెట్టి మొదటి సినిమాతోనే నటిగా అందరికి చేరువ అయిన అందాల భామ మృణాల్ ఠాకూర్. బాలీవుడ్ లో ఇప్పటికే ఎస్టాబ్లిష్ హీరోయిన్ అయిన మృణాల్ ఠాకూర్ ఇప్పుడు సౌత్ పైన ఫోకస్ చేసింది. రీసెంట్ గా నేచురల్ స్టార్ నాని హాయ్ నాన్న మూవీతో సెకండ్ హిట్ ని తన ఖాతాలో వేసుకుంది. విజయ్ దేవరకొండకి జోడీగా ప్రస్తుతం ఫ్యామిలీ స్టార్ మూవీలో చేస్తోంది. ఈ సినిమాపైన పాజిటివ్ బజ్ ఉంది.

ఇవి కాకుండా మరిన్ని అవకాశాలు మృణాల్ ని వెతుక్కుంటూ వస్తున్నాయి. బుచ్చిబాబు, రామ్ చరణ్ సినిమాలో హీరోయిన్ గా మృణాల్ ఠాకూర్ ని తీసుకోవాలని అనుకుంటున్నారు. ఓ వైపు బాలీవుడ్ లో సినిమాలు, వెబ్ సిరీస్ లు చేస్తూనే సౌత్ లో మూవీస్ ని లైన్ అప్ చేస్తోంది. ఇప్పుడు ఏకంగా రెండు సినిమాలు ఆమె ఖాతాలోకి రాబోతున్నట్లు తెలుస్తోంది.

అది కూడా ఒకే హీరోతో ఈ రెండు సినిమాలు చేయబోతోందని టాక్. రాఘవ లారెన్స్ హీరోగా రమేష్ వర్మ శ్రీరామ రక్ష అనే మూవీ ప్లాన్ చేస్తున్నారు. ఈ మూవీలో హీరోయిన్ గా మృణాల్ ఠాకూర్ ని ఖరారు చేసారంట. తమిళంలో కెఎస్ రవికుమార్ లారెన్స్ తో ఓ మూవీ చేయబోతున్నారు. ఈ సినిమా కోసం మృణాల్ ఠాకూర్ పేరు పరిశీలిస్తున్నారంట.

రెండు సినిమాలని ఒకేసారి సెట్స్ పైకి తీసుకొని వెళ్లాలని లారెన్స్ అనుకుంటున్నారంట. ఇదే జరిగితే ఈ మధ్యకాలంలో ఇలాంటి ప్రయత్నం చేస్తోన్న హీరో, హీరోయిన్ గా లారెన్స్, మృణాల్ ఠాకూర్ నిలిచిపోతారు. గతంలో ఒకే హీరో, హీరోయిన్ ఇలా ఒకేసారి రెండు, మూడు సినిమాలు కలిసి ఏకకాలంలో చేసేవారు.

అయితే ప్రస్తుతం ఎవరూ అలాంటి ప్రయత్నం చేయడం లేదు. హీరోయిన్స్ కూడా ఒక సినిమా తర్వాత ఇంకో సినిమా కమిట్ అవుతున్నారు. హీరోలు కూడా సినిమా, సినిమాకి గ్యాప్ తీసుకుంటున్నారు. కాని మృణాల్ ఠాకూర్, లారెన్స్ మాత్రం మళ్ళీ ఒకే సారి రెండు సినిమాలు చేయడానికి ప్లాన్ చేస్తున్నారు. మరి ఇది ఎంత వరకు సాధ్యం అవుతుందనేది చూడాలి.