ఇలా జరుగుతుందని అస్సలు అనుకోలేదు..మృణాల్

సినీ ఇండస్ట్రీ ఓ రంగుల ప్రపంచం. కొందరికి ఇది చిన్నతనం నుంచి నరనరాల్లో జీర్ణించుకున్న కల.. అయితే కొందరు సినీ ఇండస్ట్రీలో అడుగు పెడతాము అన్న ఆలోచన కూడా లేకుండా సడన్గా ఎంట్రీ ఇస్తారు. అలా అనుకోకుండా సినిమాల్లోకి ఎంట్రీ ఇచ్చింది టాలీవుడ్ సీత.. మృణాల్ ఠాకూర్. తాజాగా ఈ భామ ఇచ్చిన ఓ ఇంటర్వ్యూలో తన సినీ ప్రవేశానికి సంబంధించి ఆసక్తికర విషయాలను పంచుకుంది.

సీతారామం చిత్రంతో తెలుగు సినీ ఇండస్ట్రీలో అడుగుపెట్టిన మృణాల్ ఠాకూర్.. తనకంటూ ప్రత్యేకమైన గుర్తింపు తెచ్చుకుంది. మొదటి సినిమా తోటే ప్రేక్షకుల మనసు దోచుకున్న ఈ ముద్దుగుమ్మ ఆ తర్వాత వరుస ప్రాజెక్టులతో బిజీ అయిపోయింది. 2012 లో వచ్చిన ‘ముజ్సే కుచ్ కెహెతి...ఏ ఖామోషియాన్’ అనే హిందీ సీరియల్ ద్వారా బుల్లితెరలో అడుగుపెట్టిన మృణాల్ ఆ తర్వాత ‘కుంకుమ్ భాగ్య ‘ సీరియల్ తో బాగా పాపులర్ అయింది. 2014లో 'విట్టి దండు' అనే మరాఠి సినిమా తో సినీ ఇండస్ట్రీ లోకి అడుగు పెట్టింది.

2022.లో వచ్చిన సీతా రామం మూవీ ఆమెకు తెలుగు ఇండస్ట్రీలో మొదటి సక్సెస్ తో పాటు మంచి గుర్తింపు కూడా తెచ్చింది. ఆ తర్వాత నాచురల్ స్టార్ నానితో నటించిన హాయ్ నాన్న చిత్రంలో మృణాల్ పోషించిన యష్నా పాత్ర తో యూత్ లో మంచి క్రేజ్ వచ్చింది. అయితే ముచ్చటగా మూడవసారి నటించిన ఫ్యామిలీ స్టాక్ చిత్రం మాత్రం కలెక్షన్స్ పరంగా కాస్త నిరాశ మిగిల్చింది. అందంతో పాటు అద్భుతంగా నటించే మృణాల్‌కి నటన అనేది చిన్ననాటి కల కాదట.

వినడానికి విచిత్రంగా ఉన్న ఈ విషయాన్ని స్వయంగా మృణాలే వెల్లడించింది. నటించడం అనేది నా చిన్ననాటి కల కాదు అని తేల్చి చెప్పిన మృణాల్ కేవలం విధి తనని ఈ రంగంలోకి అడుగుపెట్టేలా చేసింది అని క్లారిటీ ఇచ్చింది. ఆమె బాల్యం మొత్తం చాలా సిటీస్ తిరగడమే సరిపోయిందట.. సుమారు 10 నుంచి 11 స్కూల్స్ సరి ఉంటానేమో అని మృణాల్ పేర్కొంది. అంతేకాదు స్కూల్స్ ఇలా తరచూ మారినప్పుడు ఎదురయ్యే సమస్యలని ఎదుర్కోవడం అంత ఈజీ కాదు అంటుంది

మృణాల్.

“నేను నటిగా ఎదగాలి అని ఎప్పుడూ అనుకోలేదు. కేవలం విధి నన్ను ఈ డైరెక్షన్‌‌లో నడిపించింది. అందుకే నేను డిగ్రీలో బ్యాచిలర్ ఆఫ్ మాస్ మీడియా చేశానేమో.. అక్కడే నాకు నటన పట్ల ఉన్న అభిరుచిని నేను తెలుసుకోగలిగాను. ఆ తర్వాత ఆడిషన్స్ నాకు నటనపై మరింత ఆసక్తిని పెంచాయి. నా స్నేహితులు కూడా నేను సినీ ఇండస్ట్రీలో అడుగు పెట్టాలి అని ప్రోత్సహించేవారు

.” అంటూ మృణాల్ ఇండస్ట్రీలోకి రావడానికి కారణాన్ని చెప్పింది. నటనతోనే కాక మాటలతో కూడా ప్రేక్షకులను కట్టిపడేస్తున్న ఈ బ్యూటీ నెక్స్ట్ మూవీ కోసం అభిమానులు ఎదురుచూస్తున్నారు.