సౌత్ హీరోల కోసం MS ధోని బ‌యోపిక్ వ‌దులుకుంది!
అందివ‌చ్చిన ఒక అరుదైన అవ‌కాశాన్ని అందిపుచ్చుకోవ‌డంలో రకుల్ త‌డ‌బ‌డింది.. కానీ, ఆ ఒక్క ఛాన్స్ ఒడిసిప‌ట్టి ఉంటే ఇప్పుడు తన స్టార్ డ‌మ్ ఆకాశాన్ని తాకేదే!
By: Tupaki Desk | 14 Jan 2024 5:26 AM GMT
అదృష్టాన్ని దుర‌దృష్టాన్ని మ‌ధ్య ఒక స‌న్న‌ని లైన్ విభ‌జిస్తుంది. చాలా మంది కెరీర్ దిశా గ‌మ‌నాన్ని మార్చేసే రేఖ ఇది. అలాంటి ఒక దుర‌దృష్ట నాయిక‌గా రకుల్ మిగిలిపోయిందా? అంటే అవున‌నే అనాలి. ఈ భామ ఈపాటికే బాలీవుడ్ లో అగ్ర క‌థానాయిక హోదాను అందుకుని ఉండాల్సింది. కానీ దుర‌దృష్టం త‌న‌ను వెంటాడింది. అందివ‌చ్చిన ఒక అరుదైన అవ‌కాశాన్ని అందిపుచ్చుకోవ‌డంలో రకుల్ త‌డ‌బ‌డింది.. కానీ, ఆ ఒక్క ఛాన్స్ ఒడిసిప‌ట్టి ఉంటే ఇప్పుడు తన స్టార్ డ‌మ్ ఆకాశాన్ని తాకేదే!
`MS ధోని: ది అన్‌టోల్డ్ స్టోరీ`లో క్రికెటర్ మహేంద్ర సింగ్ ధోని పాత్రలో సుశాంత్ సింగ్ రాజ్‌పుత్ నటించిన సంగ‌తి తెలిసిందే. ఇందులో కియారా అద్వానీ, దిశా పటానీ కూడా నటించారు. ధోని ప్రియురాళ్లుగా వారు క‌నిపించారు. ఇప్పుడు ఆ ఇద్ద‌రి కెరీర్ రేంజ్ గురించి తెలిసిందే. బాలీవుడ్ స‌హా అన్ని ప‌రిశ్ర‌మ‌ల్లో మోస్ట్ వాంటెడ్ హీరోయిన్ల జాబితాలో ఆ ఇద్ద‌రూ ఉన్నారు.
నిజానికి ఆ అదృష్టం రకుల్ ప్రీత్ ని వ‌రించాల్సింది. కానీ చివ‌రి నిమిషంలో దుర‌దృష్టం వెన్నాడింది. నిజానికి మేక‌ర్స్ రకుల్ ప్రీత్ సింగ్ కూడా ఈ సినిమాలో భాగమవ్వాలని సంప్రదింపులు జరిపిన విష‌యం చాలా మందికి తెలియదు. కానీ ర‌క‌ర‌కాల కార‌ణాల‌తో రకుల్ ఈ బ‌యోపిక్ నుంచి తప్పుకోవాల్సి వచ్చింది. బాలీవుడ్ బబుల్‌కి ఇటీవల ఇచ్చిన ఇంటర్వ్యూలో రకుల్ ప్రీత్ సింగ్ ఇదే విష‌యంపై మాట్లాడింది.
హిందీ ప‌రిశ్ర‌మ, దక్షిణ భారత ప‌రిశ్ర‌మ‌ల్ని బ్యాలెన్స్ చేయడం త‌న‌కు స‌వాల్ గా మారింద‌ని రకుల్ తెలిపారు. తన మొదటి హిందీ చిత్రం `దే దే ప్యార్ దే` చేయడానికి ముందు నాలుగేళ్ల మునుపు `MS ధోని: ది అన్‌టోల్డ్ స్టోరీ` స‌హా చాలా ఇతర హిందీ చిత్రాలలో పాత్రలను తిరస్కరించాన‌ని తెలిపింది. దానికి కార‌ణం ఇరు ప‌రిశ్ర‌మ‌ల న‌డుమ కాల్షీట్ల స‌మ‌స్య‌ల‌ను అధిగ‌మించ‌లేక‌పోవ‌డ‌మేన‌ని విచారం వ్య‌క్తం చేసింది.
అదే ఇంటర్వ్యూలో రకుల్ ప్రీత్ సింగ్ ఎంఎస్ ధోని: ది అన్‌టోల్డ్ స్టోరీ అవ‌కాశాన్ని ఎందుకు వదులుకోవాల్సి వచ్చిందో వివరించింది. తాను ఈ చిత్రానికి సంతకం చేశానని, అయితే సినిమా చిత్రీక‌ర‌ణ 20 రోజులు ఆలస్యమైందని రకుల్ పేర్కొంది. ఆ సమయంలో దక్షిణ భారత సినిమాలతో బిజీగా ఉన్నాను. నేను నటించిన ఓ క్రేజీ చిత్రం ఒకటి విడుదల కాబోతుంది. అదే సమయంలో రామ్ చరణ్- జూనియర్ ఎన్టీఆర్‌లతో ఏకకాలంలో రెండు చిత్రాలలో కూడా పని చేస్తున్నందున ఎం.ఎస్.ధోని బ‌యోపిక్ లో క‌థానాయిక పాత్రను తిరస్కరించవలసి వచ్చిందని వెల్ల‌డించింది. అయితే బాలీవుడ్ లో స్టార్ హీరోయిన్ కాలేక‌పోయిన రకుల్ ప్రీత్ ద‌క్షిణాదిన అగ్ర నాయిక హోదాను అందుకోవ‌డం నిజంగా అదృష్టం. కానీ అనూహ్యంగా ఇక్క‌డ అవ‌కాశాల్ని కోల్పోవ‌డం మ‌ళ్లీ తన పాలిట దుర‌దృష్టంగా మారింది. ఈ ఎగుడు దిగుడు కెరీర్ గురించి చాలా దూరం ఆలోచించిన రకుల్ దీపం ఉండ‌గానే జిమ్ లు, ఫిట్ నెస్ వ్యాపారంలోకి దిగిన సంగ‌తి తెలిసిందే.
ఇటీవల ప్ర‌ముఖ నిర్మాత, న‌టుడ జాకీ భగ్నానితో రకుల్ ప్రీత్ ల‌వ్ లైఫ్ గురించి రివీల్ చేసింది. ఈ జంట తమ ప్రేమను బహిరంగంగా అభిమానుల కోసం షేర్ చేస్తుంటారు. తరచుగా జంట లక్ష్యాలను నిర్దేశిస్తారు. ఈ జంట ఫిబ్రవరి 2024న గోవాలో ఒక ప్రైవేట్ వేడుకలో వివాహం చేసుకోబోతున్నట్లు ఇటీవల పుకార్లు వచ్చాయి. హిందీ మీడియా క‌థ‌నాల ప్రకారం.. వారు నూతన సంవత్సర వేడుకల్లో భాగంగా బ్యాంకాక్‌లో తమ బ్యాచిలర్ పార్టీని సెల‌బ్రేట్ చేసుకున్నారు. సాధ్య‌మైనంత తొంద‌ర్లోనే రకుల్ పెళ్లి క‌బురు అందుతుంద‌ని హింట్ కూడా దొరికింది.
