అనుష్క - పొలిశెట్టి.. అదే జోరులో మరో రికార్డ్

నవీన్ పొలిశెట్టి హీరోగా, అనుష్క హీరోయిన్ గా వచ్చిన మిస్ శెట్టి మిస్టర్ పొలిశెట్టి మూవీ రిలీజ్ అయ్యి సూపర్ హిట్ టాక్ సొంతం చేసుకున్న సంగతి తెలిసిందే. మహేష్ దర్శకత్వంలో తెరకెక్కిన ఈ చిత్రం అవుట్ అండ్ అవుట్ ఎంటర్టైనర్ గా ప్రేక్షకుల ప్రశంసలు సొంతం చేసుకుంది. అనుష్క లాంటి స్టార్ హీరోయిన్ ఉన్నా కూడా ఈ చిత్రాన్ని నవీన్ పొలిశెట్టి తన పెర్ఫార్మెన్స్ తో వన్ మెన్ షో మూవీగా మార్చేసుకున్నాడు.

యూవీ క్రియేషన్స్ భారీ బడ్జెట్ తోనే ఈ చిత్రాన్ని తెరకెక్కించింది. నిర్మాతలకి మిస్ శెట్టి మిస్టర్ పొలిశెట్టి మంచి లాభాలు తీసుకొచ్చిందని చెప్పొచ్చు. అనుష్క ప్రమోషన్స్ కి రాకపోయిన కూడా తానే అన్ని దగ్గరుండి చూసుకొని చిత్రాన్ని జనాల్లోకి పంపించాడు. మంచి ఓపెనింగ్స్ వచ్చేలా చేసుకున్నాడు. ఇప్పటి వరకు ఈ చిత్రం వరల్డ్ వైడ్ గా 55 కోట్ల గ్రాస్ కలెక్ట్ చేసిందని తెలుస్తోంది.

నవీన్ పొలిశెట్టి ముందు సినిమా జాతిరత్నాలు 70 కోట్లకి పైగా వసూళ్లని కరోనా సమయంలో కలెక్ట్ చేసింది. ఆ సినిమా దగ్గరకి రాకపోయిన బ్రేక్ ఈవెన్ పరంగా చూసుకుంటే మంచి వసూళ్లని ఈ చిత్రం నమోదు చేసిందని చెప్పొచ్చు. ఈ మూవీతో హ్యాట్రిక్ హిట్స్ ని నవీన్ తన ఖాతాలో వేసుకున్నారు. ఇదిలా ఉంటే ఓవర్సీస్ లో కూడా ఈ ఏడాది అత్యధిక వసూళ్లు సాధించిన సినిమాల జాబితాలో మిస్ శెట్టి మిస్టర్ పొలిశెట్టి నాలువు స్థానంలో ఉంది.

వాల్తేర్ వీరయ్య, దసరా, ఆదిపురుష్ తర్వాత 1.824 మిలియన్ డాలర్ల వసూళ్లతో టాప్ లో నిలిచింది. చిన్న సినిమాకి ఈ స్థాయిలో కలెక్షన్స్ అంటే సినిమాకి ఎలాంటి రెస్పాన్స్ వచ్చిందో అర్ధం చేసుకోవచ్చు. మొత్తానికి ఈ మూవీ సక్సెస్ తో నవీన్ కి డిమాండ్ కూడా పెరిగిపోయింది. ప్రస్తుతం మైత్రీ మూవీ మేకర్స్ లో ఒక సినిమా చేయడానికి గ్రీన్ సిగ్నల్ ఇచ్చాడు.

అలాగే శ్రీ వెంకటేశ్వర క్రియేషన్స్, పీపుల్స్ మీడియా ఫ్యాక్టరీ, సితారా ఎంటర్టైన్మెంట్స్ లాంటి బడా నిర్మాణ సంస్థలు కూడా నవీన్ పోలిశెట్టికి అడ్వాన్స్ లు ఇచ్చినట్లు ఇండస్ట్రీ వర్గాలలో వినిపిస్తోంది. మిస్ శెట్టి మిస్టర్ పొలిశెట్టి సక్సెస్ తో ఊపు మీద ఉన్న నవీన్ నెక్స్ట్ ఎలాంటి ప్రాజెక్ట్ తో రాబోతున్నాడు అనేది ఇప్పుడు ఆసక్తికరంగా మారింది.