శెట్టిల బాక్సాఫీస్ లెక్క.. ఇంకా రావాల్సిందే..

నవీన్ పోలిశెట్టి అనుష్క శెట్టి జంటగా నటించిన మిస్ శెట్టి..మిస్టర్ పొలిశెట్టి సినిమా జవాన్ తో పోటీపడుతూ గట్టిగానే రిలీజ్ అయ్యింది. రెండు తెలుగు రాష్ట్రాల్లో కూడా ఈ సినిమాకు మొదటి రోజు పాజిటివ్ టాక్ అయితే వినిపించింది. అయితే బాక్స్ ఆఫీస్ వద్ద మాత్రం ఆశించిన స్థాయిలో అయితే ఓపెనింగ్ కలెక్షన్స్ అందుకోలేకపోయింది. అలాగని మరీ దారుణమైన కలెక్షన్స్ ఏమీ రాలేదు. ప్రమోషన్స్ కూడా పెద్దగా ఎక్కువ స్థాయిలో చేయకపోవడం ఈ సినిమాకు మైనస్ గా మారింది.

కేవలం హీరో నవీన్ పోలీస్ శెట్టి మాత్రమే అన్ని రకాలుగా సినిమాలకు హైప్ తీసుకువచ్చే ప్రయత్నం చేశాడు. కానీ చిత్ర నిర్మాణ సంస్థల నుంచి అలాగే మిగతా టెక్నీషియన్స్ నుంచి కూడా ఈ సినిమాకు పెద్దగా బజ్ అయితే పెరగలేదు. ముఖ్యంగా మ్యూజిక్ అనుకున్నంత స్థాయిలో క్లిక్ కాకపోవడం కూడా ఈ సినిమాకు కొంత దెబ్బ పడింది.

ఏది ఏమైనప్పటికి కూడా సినిమాలో కంటెంట్ మాత్రం ఓ వర్గం వారిని బాగానే ఆకట్టుకుంటుంది. దర్శకుడు మహేష్ విభిన్నంగా నవీన్ అనుష్కల మధ్యలో చూపించిన కెమిస్ట్రీ బాగానే హైలెట్ అయింది. అలాగే నవీన్ కామెడీ కూడా ఈ సినిమాకు మేజర్ ప్లస్ పాయింట్. దీంతో సినిమాకు రెండవ రోజు డీసెంట్ కలెక్షన్స్ లభించాయి.

రెండు తెలుగు రాష్ట్రాల్లో కూడా ఈ సినిమా మొదటి రోజు 1 కోటి 30 లక్షలకు పైగా షేర్, ఆ తర్వాత రెండో రోజు కూడా దాదాపు అదే రేంజ్ లో షేర్ కలెక్షన్స్ సొంతం చేసుకోవడం విశేషం. ఇక రెండు రోజుల్లో ఈ సినిమా ఏ స్థాయిలో కలెక్షన్స్ అందుకుంది అనే వివరాల్లోకి వెళితే ఇప్పటివరకు నైజాం లో 1.48 కోట్లు సీడెడ్ లో 21 లక్షలు ఆంధ్రాలో 87 లక్షలు షేర్ కలక్షన్స్ రాబట్టింది.

మొత్తంగా ఈ రెండు రోజుల్లో ఆంధ్రప్రదేశ్ తెలంగాణలో సినిమాకు 2.51 కోట్లు షేర్, 4.60 కోట్లు గ్రాస్ లభించింది. ఇక కర్ణాటక రెస్ట్ ఆఫ్ ఇండియా చూసుకుంటే అటువైపు నుంచి 30 లక్షలు ఓవర్సీస్ నుంచి 2.40 కోట్లు షేర్ దక్కింది ఇలా మొత్తంగా చూసుకుంటే ఈ సినిమా రెండు రోజుల్లో ప్రపంచ వ్యాప్తంగా 5.26 కోట్లు షేర్ 10.5 కోట్లు గ్రాస్ రాబట్టింది. మిస్ శెట్టి..మిస్టర్ పొలిశెట్టి మార్కెట్లో థియేట్రికల్ గా చేసిన బిజినెస్ 12.50 కోట్లు, ఈ టార్గెట్ అందుకోవాలి అంటే ఇంకా సినిమా 8.24 కోట్లు షేర్ రాబటాల్సిన అవసరం ఉంది. మరి ఈ టార్గెట్ ను ఎన్ని రోజుల్లో పూర్తి చేస్తుందో చూడాలి.