మున్నాభాయ్-3 ఫ్యాన్స్ కి బ్యాడ్ న్యూస్!

సంజ‌య్ ద‌త్-రాజ్ కుమార్ హిరాణీ 'మున్నాభాయ్-3'కి స‌న్నాహాలు చేస్తున్న‌ట్లు నెట్టింట ప్ర‌చారం జోరుగా సాగుతోన్న సంగ‌తి తెలిసిందే. సంజ‌య్ ద‌త్ మున్నాభాయ్ లుక్..ఏటిఎం పాత్ర పోషించిన అర్ష‌ద్ వార్సి కూడా భాగ‌మ‌వ్వ‌డంతో మున్నాభాయ్ థ‌ర్డ్ ఇన్ స్టాల్ మెంట్ షురూ అయింద‌ని భావించారు. ప్ర‌స్తుతం ఆ ప్రాజెక్ట్ ప్రీ ప్రొడ‌క్ష‌న్ ద‌శ‌లో ఉంద‌ని...' డుంకీ 'త‌ర్వాత రాజ్ కుమార్ తెర‌కెక్కించే సినిమా ఇదే అవుతుంద‌ని అంతా భావిస్తున్నారు.

మెయిన్ స్ట్రీమ్ మీడియాలో సైతం ఈవిష‌యం తెర‌పైకి వ‌చ్చింది. దీంతో అభిమానుల ఆనందానికి అవ‌ధుల్లేవ్. బ్లాక్ బ‌స్ట‌ర్ చిత్రానికి థ‌ర్డ్ ఇన్ స్టాల్ మెంట్ వ‌స్తుందంటూ సోష‌ల్ మీడియా వేదిక‌గా సంతోషం...సంబ‌రాలు చేసుకున్నారు. కానీ అది ఎంతో సేపు నిల‌వ‌లేదు. ఇదంతా త‌ప్పుడు ప్ర‌చార‌మ‌ని తెలుస్తోంది. ప్ర‌స్తుతం రాజ్ కుమార్ హిరాణీ- షారుక్ ఖాన్ తో 'డుంకీ 'చిత్రాన్ని తెర‌కెక్కిస్తోన్న సంగ‌తి తెలిసిందే.

ఇందులో సంజ‌య్ ద‌త్ మున్నాభాయ్ అనే పాత్ర లో క‌నిపించ‌నున్నాడుట‌. అలాగే అర్ష‌ద్ వార్షి కూడా సినిమాలో న‌టిస్తున్నారుట‌. హిరాణీ మెచ్చే న‌టులు కావ‌డంతో ఇద్ద‌ర్నీ ఇష్ట‌ప‌డి సినిమాలో పెట్టిన‌ట్లు ..దానికి సంబంధించిన వీడియో డుంకీ సెట్ నుంచి లీక్ అయితే అది 'మున్నాభాయ్ -3'గా బ‌య‌ట ప్ర‌చారం సాగుతున్న‌ట్లు తెలుస్తోంది. డుంకీ లో సంజ‌య్ ద‌త్ పాత్ర పేరు కూడా అదే కావ‌డంతో ఈ ర‌క‌మైన గంద‌ర‌గోళం నెల‌కొంది.

వాస్త‌వానికి 'మున్నాభాయ్ -3' చేస్తున్న‌ట్లు చాలా కాలంగా ప్ర‌చారంలో ఉంది. కానీ అది ఇంత‌వ‌ర‌కూ సాధ్య‌ప‌డలేదు. దీనిపై ఏనాడు రాజ్ కుమార్ హిరాణీ కూడా వివ‌ర‌ణ ఇచ్చింది లేదు. తీస్తున్నామ నిగానీ..తీయ‌లేదు అని గానీ మీడియా ప్ర‌చారాన్ని ఖండించ‌లేదు. దీంతో ఆ ప్ర‌చారం అలా కంటున్యూ అవుతుంది. అది డుంకీ వ‌ర‌కూ దారి తీసింది. కార‌ణం ఏదైనా ఈ ప్ర‌చారం డుంకీ కి మాత్రం బాగానే క‌లిసొచ్చింది.