అనిరుద్ "చిక్కాడు - దొరకడు"!

సౌత్ లో ప్రస్తుతం మోస్ట్ ట్రెండింగ్ మ్యూజిక్ డైరెక్టర్ గా అనిరుద్ ఉన్నారు. తాజాగా అతని నుంచి వచ్చిన జైలర్ మూవీ బ్లాక్ బస్టర్ హిట్ టాక్ తెచ్చుకుంది. ఈ మూవీ సక్సెస్ లో మేజర్ క్రెడిట్ మ్యూజిక్ డైరెక్టర్ అనిరుద్ కి దక్కడం విశేషం. `ఆర్దనరీగా అనిపించే సన్నివేశాలని కూడా తన బ్యాగ్రౌండ్ స్కోర్ తో ఆడియన్స్ కి అద్భుతంగా కనెక్ట్ చేశాడు. ప్రస్తుతం కోలీవుడ్ లో ఇళయదళపతి విజయ్ లియో సినిమాకి అనిరుద్ మ్యూజిక్ అందిస్తున్నారు.

దీంతో పాటుగా అజిత్ కుమార్, శింబు సినిమాలు లైన్ లో ఉన్నాయి. తెలుగులో కూడా అనిరుద్ కి డిమాండ్ భాగా పెరిగింది. అతని మ్యూజిక్ లో కొత్తదనం ఉండటంతో తెలుగు ఆడియన్స్ కనెక్ట్ అవుతున్నారని భావిస్తున్న దర్శక, నిర్మాతలు మ్యూజిక్ డైరెక్టర్ గా తీసుకోవడానికి ప్రయత్నాలు చేస్తున్నారు. ఇప్పటికే ఎన్టీఆర్ దేవర చిత్రానికి అనిరుద్ మ్యూజిక్ డైరెక్టర్ గా వర్క్ చేస్తున్నారు. అలాగే విజయ్ దేవరకొండ, గౌతమ్ తిన్ననూరి కాంబోలో తెరకెక్కుతోన్న చిత్రానికి కూడా అనిరుద్ మ్యూజిక్ డైరెక్టర్.

అయితే మరికొంత మంది దర్శకులు అనిరుద్ డేట్స్ కోసం ట్రై చేస్తున్నారు. తమ సినిమాలకి అతన్ని మ్యూజిక్ డైరెక్టర్ గా పెట్టుకుంటే ప్లస్ అవుతుందని భావిస్తున్నారు. అయితే అతను డిమాండ్ చేస్తోన్న రెమ్యునరేషన్ మాత్రం మీడియం రేంజ్ సినిమాలు చేసే దర్శకులకి షాక్ ఇస్తోంది. ప్రస్తుతం 12 నుంచి 15 కోట్ల వరకు రెమ్యునరేషన్ అనిరుద్ డిమాండ్ చేస్తున్నట్లు తెలుస్తోంది. మీడియం రేంజ్ సినిమాలు బడ్జెట్ 20 నుంచి 30 కోట్ల మధ్యనే ఉంటాయి.

అందులో మెజారిటీ మ్యూజిక్ డైరెక్టర్ కి ఇచ్చేస్తే ఇక సినిమా చేయడం కష్టం. దాంతో పాటు ఒక వేళ మ్యూజిక్ డైరెక్టర్ గా అతన్ని పెట్టుకున్న దర్శకులు డిమాండ్ చేసే పరిస్థితిలో లేరు. అతను ఎప్పుడు అవుట్ పుట్ ఇస్తా అంటే అంత వరకు వెయిట్ చేయాల్సిందే. దీంతో అనిరుద్ తో మ్యూజిక్ చేయించుకోవాలని మీడియం రేంజ్ హీరోలు ఆశపడుతున్న వారికి అందంత ఎంతుల్లో అతను ఉండటంతో కష్టం అవుతోంది.

పాన్ ఇండియా, భారీ బడ్జెట్ చిత్రాలకి తప్ప మినిమం రేంజ్ సినిమాలకి అనిరుద్ బడ్జెట్ పరంగా అస్సలు దొరకడం లేదని అర్ధమవుతోంది.