మ్యూజిక్ షాప్ మూర్తి.. ఇంట్రెస్టింగ్ ఫస్ట్ లుక్ పోస్టర్..!

కంటెంట్ ఉన్న సినిమాలకు తెలుగు ఆడియన్స్ ఎప్పుడు పెద్దపీట వేస్తారు. సరైన కథతో వస్తే బడ్జెట్టు, స్టార్ కాస్ట్ ఇవేవి అవసరం లేదు అని ఈమధ్య వచ్చిన సినిమాలు ప్రూవ్ చేశాయి. ఈ క్రమంలో మరోసారి అలాంటి వెరైటీ కంటెంట్ తో ఆడియన్స్ ని ఎంటర్టైన్ చేసేందుకు వస్తున్నారు దర్శకుడు శివ పాలడుగు.

ప్రస్తుతం సినిమాల్లో విలన్ పాత్రలతో పాటుగా కామెడీ రోల్స్ కూడా చేస్తూ వస్తున్న అజయ్ ఘోష్ లీడ్ రోల్ లో ఫ్లై హై సినిమాస్ బ్యానర్ లో వస్తున్న సినిమా మ్యూజిక్ షాప్ మూర్తి. ఈ సినిమాను హర్ష గారపాటి నిర్మిస్తున్నారు. సినిమాకు సంబంధించిన ఫస్ట్ లుక్ పోస్టర్ రిలీజ్ చేశారు. స్కూటర్ మీద మొత్తం మ్యూజిక్ బ్యాండ్ నే వేసుకుంటూ వస్తున్న అజయ్ ఘోష్ పోస్టర్ ఇంట్రెస్టింగ్ గా ఉంది.

ఈ సినిమాలో చాందిని చౌదరి ఫిమేల్ లీడ్ గా నటిస్తుంది. అజయ్ ఘోష్ తో చాందిని చౌదరి కాంబినేషన్ కూడా చాలా కొత్తగా ఉండబోతుంది. మ్యూజిక్ షాప్ మూర్తి పోస్టర్ అయితే ఆసక్తికరంగా తీర్చిదిద్దారు. పోస్టర్ తోనే సినిమాపై ఒక పాజిటివ్ అప్పీల్ కలిగేలా చేశారు.

ఈమధ్య సినిమాల్లో ఎక్కువగా సందడి చేస్తున్న అజయ్ ఘోష్ లీడ్ రోల్ తో వస్తున్న సినిమాగా ఈ ప్రాజెక్ట్ పై క్రేజ్ ఏర్పడింది. ప్రస్తుతం ఈ సినిమా షూటింగ్ దశలో ఉండగా త్వరలో సినిమాను పూర్తి చేసి రిలీజ్ చేస్తామని చెబుతున్నారు చిత్ర యూనిట్. అజయ్ ఘోష్ క్యారెక్టర్ కంప్లీట్ ఎంటర్టైనర్ గా ఉండబోతుంది. ఈ సినిమాకు పవన్ మ్యూజిక్ అందిస్తుండగా శ్రీనివాస్ బెజుగం సినిమాటోగ్రఫీ అందిస్తున్నారు. దని తెలుస్తుంది. ఇంతకీ అసలు ఈ మ్యూజిక్ షాప్ మూర్తీ కథ ఏంటి.. అజయ్ భోష్, చాందిని చౌదరి మధ్య రిలేషన్ ఏంటి. ఆడియన్స్ ని ఎంటర్టైన్ చేసేందుకు ఈ మూర్తి ఎలాంటి కథతో వస్తున్నాడు అన్నది ఆసక్తికరంగా మారింది.