మైత్రీమూవీ మేక‌ర్స్ లో స‌ల్మాన్ మేన‌కోడ‌లు ఎంట్రీ!

మైత్రీమూవీ మేక‌ర్స్ లో స్టార్ హీరో స‌ల్మాన్ ఖాన్ మేన‌కోడలు ఎంట్రీ ఇస్తుందా? స‌ల్మాన్ తో మైత్రీ బ్యాన‌ర్ ఈ చిత్రం తెర‌కెక్కిస్తోందా? అంటే అవున‌నే తెలుస్తోంది. తెలుగు నిర్మాణ సంస్థ‌లో మైత్రీమూవీ మేక‌ర్స్ బ్యాన‌ర్ స్థానం గురించి చెప్పాల్సిన ప‌నిలేదు. అగ్ర‌గామి సంస్థ‌ల్లో ఒక‌టిగా కొన‌సాగుతోంది. వ‌రుస విజ‌యాల‌తో బ్యాన‌ర్ దూసుకుపోతుంది. స్టార్ హీరోలే టార్గెట్ గా సినిమాలు చేస్తుంది. ఈ మ‌ధ్య కాలంలో కొత్త మేక‌ర్స్ ని ప్రోత్స‌హిస్తూ సినిమాలు చేస్తోంది.

'పుష్ప' సినిమాతో స‌ద‌రు బ్యాన‌ర్ కి పాన్ ఇండియాలోనూ గుర్తింపు ద‌క్కింది. 'పుష్ప‌-2' తో రేంజ్ ని పెంచుకోవాల‌ని త‌హ‌త‌హ‌లాడుతుంది స‌ద‌రు బ్యాన‌ర్ . స‌రిగ్గా ఇదే స‌మ‌యంలో సల్మాన్ మేన‌కోడ‌లు బాధ్య‌త‌లు మైత్రీ తీసుకున్న‌ట్లు తెలుస్తోంది. వివ‌రాల్లోకి వెళ్తే మైత్రీ మేకర్స్ ఇప్పుడు బాలీవుడ్‌లో అడుగుపెట్టింది. 'ఫ‌ర్రే' అనే చిత్రాన్ని స‌ల్మాన్ భాగ‌స్వామ్యంలో నిర్మిస్తుంది.

ఈ సినిమాతో సల్మాన్ ఖాన్ మేనకోడలు అలిజే సినిమాలోకి ఎంట్రీ ఇస్తోంది. తాజాగా ఈ సినిమా టీజర్ కూడా రిలీజ్ అయింది. స్కూల్ బ్యాక్డ్రాప్‌లో సస్పెన్స్ థ్రిల్లర్‌గా ఈ చిత్రాన్ని రూపొందించారు. టీజర్ ఇంట్రస్టింగ్ గా వుంది. ఇందులో ప్రధాన పాత్ర పోషించిన అలిజే సల్మాన్ మేనకోడలు కావడంతో ఆమె గురించి నెటిజన్స్ తెగ సెర్చ్ చేస్తున్నారు. అయితే ఆమె మరెవరో కాదు.. సల్మాన్ సోదరి అల్వీరా ఖాన్, ప్రముఖ నిర్మాత అతుల్ అగ్నిహోత్రి కుమార్తె అలిజే అగ్నిహోత్రి.

ప్రస్తుతం ఈ టీజర్ సోషల్ మీడియాలో వైరల్ గా మారింది. వాస్త‌వానికి మైత్రీ బ్యాన‌ర్ బాలీవుడ్ లో అడుగు పెడుతుంద‌ని ఆ మ‌ధ్య వార్తొచ్చాయి. కానీ అది కేవ‌లం ప్ర‌చార‌మ‌నే అనుకున్నారంతా. తెలుగులో బిజీగా ఉన్న సంస్థ బాలీవుడ్ వ‌ర‌కూ వెళ్లి ఎందుకు సినిమాలు చేస్తుంద‌ని గాలి వార్త‌లా కొట్టి పారేసారు. నిర్మాత‌లు కూడా దీనిపై ఎలాంటి క్లారిటీ ఇవ్వ‌లేదు. అయితే తాజాగా సినిమా పోస్ట‌ర్ పై మైత్రీ బ్యాన‌ర్ పేరు క‌నిపిచండంతో బాలీవుడ్ లో కూడా షురూ చేస్తుంద‌ని క్లారిటీ వ‌చ్చింది. ఈ సినిమా నవంబర్ 24న ఈ సినిమా విడుదల చేస్తున్నారు.