ఆ రెండు సెంటిమెంట్లు కలిసి వస్తే నా సామి రంగ...!

నాగార్జున హీరోగా రూపొందిన నా సామి రంగ సినిమా ఈ సంక్రాంతికి ప్రేక్షకుల ముందుకు రాబోతుంది. మరో పది రోజుల్లో విడుదల అవ్వబోతున్న నా సామి రంగ సినిమా పై పాజిటివ్‌ బజ్ క్రియేట్‌ చేయడంలో చిత్ర యూనిట్‌ సభ్యులు సఫలం అయ్యారనే చెప్పాలి.

ఈ సినిమాలోని నాగార్జున లుక్ మరియు ఇతర విషయాలు చాలా వరకు సినిమా పై ప్రేక్షకుల్లో ఆసక్తిని మరియు అంచనాలు పెంచుతున్నాయి అనడంలో సందేహం లేదు. నా సామి రంగ సినిమా ను సంక్రాంతి కానుకగా విడుదల చేయబోతున్న నేపథ్యం లో సెంటిమెంట్‌ వర్కౌట్ అవ్వడం ఖాయంగా కనిపిస్తోంది.

గతంలో సంక్రాంతి కానుకగా వచ్చిన సోగ్గాడే చిన్ని నాయన మరియు బంగార్రాజు సినిమాలు విజయాన్ని సొంతం చేసుకున్నాయి. ఆ సెంటిమెంట్‌ నా సామి రంగ కి తప్పకుండా వర్తిస్తుంది.. తప్పకుండా విజయం దక్కించుకుంటుంది అనే నమ్మకం వ్యక్తం అవుతోంది.

మరోవైపు నాగార్జున ఇప్పటి వరకు చాలా మంది కొత్త దర్శకులతో సినిమాలు చేశాడు. చాలా మంది దర్శకులను ఇండస్ట్రీకి పరిచయం చేశాడు. వాటిల్లో మెజార్టీ సినిమాలు హిట్ అయ్యాయి. కొత్త వారితో చేసిన సినిమాల్లో ఎక్కువ హిట్‌ అవ్వడంతో నా సామి రంగ కూడా హిట్ అయ్యే అవకాశాలు ఉన్నాయి అంటూ కొందరు ఫ్యాన్స్ ధీమాతో ఉన్నారు.

నా సామి రంగ సినిమాను ప్రముఖ కొరియోగ్రాఫర్‌ విజయ్ బిన్నీ రూపొందించాడు. దర్శకుడిగా మొదటి సారి అయినా కూడా ఈ సినిమాను అద్భుతంగా రూపొందించాడు అన్నట్లుగా యూనిట్‌ సభ్యులు ఆయనపై ప్రశంసలు కురిపిస్తున్నారు.

నాగార్జునతో పాటు ఈ సినిమాలో అల్లరి నరేష్ మరియు రాజ్ తరుణ్ లు కీలక పాత్రల్లో కనిపించబోతున్నారు. ముగ్గురు హీరోల సినిమా అవ్వడంతో అసలైన సంక్రాంతి వినోదాల విందును కచ్చితంగా నా సామిరంగ మాత్రమే అందిస్తుంది అనే నమ్మకం వ్యక్తం అవుతోంది. మరి ఫలితం ఎలా ఉంటుంది.. ఈ రెండు సెంటిమెంట్లు వర్కౌట్‌ అయ్యేనా చూడాలి.