నాగ్.. ఇదేమి స్పీడ్ సామీ

కింగ్ నాగార్జున ఈ మధ్యకాలంలో ఆశించిన స్థాయిలో సక్సెస్ లు అందుకోవడం లేదు. గత కొన్నేళ్ళలో ఆయన నుంచి వచ్చిన సినిమాలలో ప్రేక్షకులకి రీచ్ అయ్యింది అంటే బంగార్రాజు మాత్రమే. ఆ తరువాత వచ్చిన ఆఫీసర్, ది ఘోస్ట్ సినిమాలు డిజాస్టర్ అయ్యాయి. భారీ బడ్జెట్ తో తెరకెక్కిన కూడా ప్రేక్షకులని ఏ మాత్రం మెప్పించలేకపోయాయి.

అందుకే కొంత గ్యాప్ తీసుకొని ఈ సారి ఎలా అయిన హిట్ కొట్టాలని ఒక రీమేక్ తో రెడీ అవుతున్నారు. మలయాళీ హిట్ మూవీని నా సామి రంగా టైటిల్ తో రీమేక్ చేస్తున్నారు. ఈ సినిమాతో కొరియోగ్రాఫర్ విజయ్ బిన్నీ దర్శకుడిగా పరిచయం అవుతున్నారు. నాగార్జున కంప్లీట్ మాస్ లుక్ లో ఈ చిత్రంలో కనిపించబోతున్నారు. ఇప్పటికే సాంగ్స్, హీరోయిన్ క్యారెక్టర్ గ్లింప్ రిలీజ్ చేశారు.

వీటితో సినిమాకి హైప్ తీసుకొచ్చే ప్రయత్నం చేస్తున్నారు. ఆషికా రంగనాథ్ ఈ చిత్రంలో హీరోయిన్ గా నటిస్తోంది. మూవీ షూటింగ్ దశలో ఉంది. సంక్రాంతికి ప్రేక్షకుల ముందుకి తీసుకురావడానికి సిద్ధం అవుతున్నారు. ఇప్పటికే డేట్ కూడా కన్ఫర్మ్ చేసేశారు. అయితే రిలీజ్ వాయిదా పడే అవకాశం ఉందని అందరూ భావించారు.

కాని ప్రస్తుతం మూవీ షూటింగ్ స్పీడ్ చూస్తుంటే సంక్రాంతికి రావడం ఖాయంగా కనిపిస్తోంది. ఈ మూవీకి సంబంధించి రెండు సాంగ్స్, ఒక ఫైట్ సీక్వెన్స్ పెండింగ్ లో ఉన్నాయంట. ఇవి కూడా కంప్లీట్ చేసే పనిలో ఉన్నారని తెలుస్తోంది. ఈ నెల 25కి ఫస్ట్ కాపీ రెడీ అయిపోతుందని ఇండస్ట్రీ వర్గాలలో వినిపిస్తోంది. ఆ సమయానికి ఫస్ట్ కాపీ సిద్ధం అయితే తరువాత కంప్లీట్ గా ప్రమోషన్స్ మీద దృష్టి పెడతారు.

ఇప్పటి వరకు వచ్చిన పిక్స్, సాంగ్స్ నాగార్జున లుక్స్ చూసుకుంటే నా సామిరంగా మూవీతో కింగ్ సూపర్ హిట్ కొట్టేలా ఉన్నాడనే టాక్ నడుస్తోంది. అక్కినేని అభిమానులు కూడా ఈ సినిమాపై చాలా కాన్ఫిడెంట్ గా ఉన్నారు.