సంక్రాంతికే కింగ్ జాతర ఫిక్స్

కింగ్ నాగార్జున హీరోగా విజయ్ బిన్నీ దర్శకత్వంలో తెరకెక్కుతోన్న మూవీ నా సామి రంగా. చాలా రోజుల తర్వాత నాగ్ నుంచి ఈ మూవీ రాబోతోంది. ఆషికా రంగనాథ్ ఈ చిత్రంలో హీరోయిన్ గా నటిస్తోంది. అల్లరి నరేష్, రాజ్ తరుణ్ కీలక పాత్రలలో కనిపించనున్నారు. ఇప్పటికే వారి క్యారెక్టర్స్ ని రివీల్ చేశారు. కమర్షియల్ కామెడీ అండ్ యాక్షన్ జోనర్ లో ఈ మూవీ రాబోతోంది.

ఇదిలా ఉంటే ఈ సినిమా షూటింగ్ లేట్ కావడంతో సంక్రాంతి రేసు నుంచి తప్పుకుంటుందని అందరూ భావించారు. పోస్ట్ ప్రొడక్షన్ వర్క్ లేట్ అయ్యే అవకాశం ఉంటుందని సంక్రాంతికి టార్గెట్ ఫిక్స్ చేసిన కష్టం అనే మాట వినిపించింది. అయితే తాజాగా ఈ మూవీ రిలీజ్ డేట్ ని చిత్ర యూనిట్ అఫీషియల్ గా ఎనౌన్స్ చేసింది. జనవరి 14న ప్రపంచ వ్యాప్తంగా నా సామి రంగా రిలీజ్ కాబోతున్నట్లు పోస్టర్ తో కన్ఫర్మ్ చేశారు.

అలాగే నా సామి రంగా అంటూ సాగే టైటిల్ సాంగ్ ప్రోమో కూడా రిలీజ్ చేశారు. ఇప్పటికే మూవీ నుంచి వచ్చిన టీజర్, సాంగ్స్ ఆకట్టుకున్నాయి. టైటిల్ సాంగ్ కి 300 మంది క్రౌడ్ తో చిత్రీకరించారని సమాచారం. ఈ సాంగ్ కి దినేష్ మాస్టర్ కొరియోగ్రాఫ్ చేశారు. ఎంఎం కీరవాణి సంగీతం అందిస్తున్నారు. ఈ సాంగ్ 4:05 గంటలకి రిలీజ్ చేయనున్నారు.

సాంగ్ లో కింగ్ నాగార్జున, అల్లరి నరేష్ లుంగీలు కట్టుకొని ఉంటే రాజ్ తరుణ్ క్యాజువల్స్ లో కనిపిస్తున్నాడు. ఈ మాస్ బీట్ కూడా ప్రేక్షకులకి కనెక్ట్ అవుతుందని భావిస్తున్నారు. మొత్తానికి నా సామి రంగా సినిమా రిలీజ్ డేట్ అఫీషియల్ కన్ఫర్మేషన్ తో సంక్రాంతి రేసులో మిగిలిన నాలుగు సినిమాలతో పోటీ పడటం ఖాయం అయిపొయింది.

సోగ్గాడే చిన్ని నాయనా, బంగార్రాజు తరహాలోనే ఈ మూవీ కూడా కింగ్ నాగార్జున కెరియర్ బ్లాక్ బస్టర్ హిట్ అవుతుందని చిత్ర యూనిట్ భావిస్తోంది. ప్రసన్నకుమార్ కథలంటే ఎంటర్టైన్మెంట్ కి డోకా ఉండదనే అభిప్రాయం ఇండస్ట్రీలో ఉంది. ఈ సినిమాలో కూడా అలాంటి ఎంటర్టైన్మెంట్ కావాల్సినంత ఉందని టీజర్ తోనే క్లారిటీ వచ్చేసింది. శ్రీనివాస సిల్వర్ స్క్రీన్ బ్యానర్ పై శ్రీనివాస్ చిట్టూరి భారీ బడ్జెట్ తో నిర్మించిన ఈ సినిమా అతనికి ఎలాంటి రిజల్ట్ ఇస్తుందనేది చూడాలి.