నా సామి రంగా టీజర్… పక్కా సంక్రాంతి మాస్

కింగ్ నాగార్జునకి సరైన కథ పడితే తనలోని పెర్ఫార్మెన్స్ తన్నుకుంటూ బయటకి వచ్చేస్తది అనే సంగతి అందరికి తెలిసిందే. సోగ్గాడే చిన్ని నాయనా సినిమాలో అల్లరి రొమాన్స్ లో ఇరగదీసిన కింగ్ తరువాత ఆ స్థాయిలో పెర్ఫార్మెన్స్ ఈ మధ్యకాలంలో చూపించలేదు. అవుట్ అండ్ అవుట్ మాస్ క్యారెక్టర్ పడితే నాగార్జున ఫ్యాన్స్ కి పూనకాలు తెప్పించేస్తాడని మరోసారి నా సామి రంగా హడావుడి ద్వారా హైలెట్ అవుతోంది.

విజయ్ బిన్నీ దర్శకత్వంలో తెరకెక్కుతోన్న ఈ మూవీ సంక్రాతి బరిలో రిలీజ్ కావడానికి సిద్ధం అవుతోంది. కింగ్ నాగార్జున కెరియర్ ఫుల్ మాస్ కమర్షియల్ ఎలిమెంట్స్ తో చాలా రోజుల తర్వాత ఈ సినిమా రాబోతోంది. తాజాగా మూవీ టీజర్ ని వదిలారు. ఈ చిత్రంలో ఆషికా రంగనాథ్ నాగార్జునకి జోడీగా నటిస్తోంది. వారిద్దరి మధ్య క్యూట్ రొమాంటిక్ లవ్ స్టోరీని టీజర్ లో చూపిస్తూ దానిని డిఫరెంట్ యాంగిల్ లో ప్రెజెంట్ చేశారు.

ఓ సారి నాగార్జున నరేష్, రాజ్ తరుణ్ కి తమ స్టోరీ నేరేట్ చేస్తే మరో సారి హీరోయిన్ ఆషికా రంగనాథ్ ఇద్దరితో మాట్లాడుతూ నాగార్జున గురించి అడుగుతున్నట్లు చూపించారు. హీరోయిన్ క్యారెక్టర్ కూడా పక్కా మాసివ్ గా ఆవిష్కరించారు. అదే సమయంలో మాస్ విలేజ్ బ్యాక్ డ్రాప్ యాక్షన్ ఎలిమెంట్స్ ని కూడా పెర్ఫెక్ట్ గా రిప్రజెంట్ చేసి టీజర్ ని ఫుల్ ప్యాక్ తో డిజైన్ చేశారు. టీజర్ అయితే మూవీ మీద అంచనాలు పెంచే విధంగానే ఉంది.

అలాగే సినిమాలోని డైలాగ్స్ మరీ హై రేంజ్ లో లేవు కానీ చూస్తుంటే లోకల్ మాస్ ను చాలా నటుగా ప్రజెంట్ చేయబోతున్నట్లు తెలుస్తోంది. ఇక స్టోరీ స్క్రీన్ ప్రెజెన్స్ పర్ఫెక్ట్ గా ఉంటే మ్యాజిక్ రిపీట్ అయ్యే అవకాశం ఉంటుంది. గతంలో సంక్రాంతి సెంటిమెంట్ గా వచ్చిన సోగ్గాడే చిన్న నాయన, బంగార్రాజు బాగా హైలెట్ అయ్యాయి. మరి సినిమా ఆ రేంజ్ లో క్లిక్ అవుతుందో లేదో చూడాలి.

అల్లరి నరేష్ మాస్ లుక్ లో కనిపిస్తుండగా మరోవైపు రాజ్ తరుణ్ ఈ చిత్రంలో డీసెంట్ రోల్ లో కనిపిస్తున్నాడు. ఎంఎం కీరవాణి ఈ సినిమాకి సంగీతం అందిస్తూ ఉండగా శ్రీనివాస సిల్వర్ స్క్రీన్ బ్యానర్ పై శ్రీనివాస్ చిట్టూరి నిర్మించారు. ప్రసన్న కుమార్ బెజవాడ స్టోరీ, డైలాగ్స్ అందించారు. నాగార్జున నుంచి ఫ్యాన్స్ ఎలాంటి కథని ఎక్స్ పెక్ట్ చేస్తున్నారో అలాంటి స్టోరీలైన్ తో నా సామి రంగా మూవీ సంక్రాతి కానుకగా వస్తోంది. మరి ఈ సినిమా కింగ్ కి ఎలాంటి హిట్ ఇస్తుందనేది వేచి చూడాలి.