నా సామిరంగ ట్రైలర్.. రొమాన్స్ లో మాస్ మోత

కింగ్ నాగార్జున నటిస్తున్న తాజా చిత్రం 'నా సామిరంగ' ఈ సంక్రాంతికి ప్రేక్షకుల ముందుకు వస్తున్న విషయం తెలిసిందే. ఎలాగైనా సంక్రాంతి సీజన్ లో తన సినిమా ఉండాలని పట్టుబట్టి మరి 'నా సామిరంగా' షూటింగ్ ని పరుగులు పెట్టించాడు ఈ సీనియర్ హీరో. నాగ్ కి సంక్రాంతి సీజన్ బాగా కలిసి వచ్చింది. అందుకే ఈసారి 'నా సామిరంగా' అంటూ థియేటర్స్ లో సందడి చేయబోతున్నాడు.

ప్రముఖ కొరియోగ్రాఫర్ విజయ్ బిన్నీ దర్శకుడిగా ఆరంగేట్రం చేస్తున్న ఈ సినిమాలో అల్లరి నరేష్, రాజ్ తరుణ్ ప్రధాన పాత్రలు పోషిస్తున్నారు. ఇప్పటికే సినిమా నుంచి రిలీజ్ అయిన టీజర్ సాంగ్స్ కి మంచి రెస్పాన్స్ రాగా ఈరోజు ట్రైలర్ రిలీజ్ చేశారు. తాజాగా విడుదలైన ఈ ట్రైలర్ టైటిల్ కు తగ్గట్టే మాస్ కమర్షియల్ హంగులతో ఆద్యంతం ఆకట్టుకునేలా ఉంది. ట్రైలర్ లో నాగార్జున మరోసారి తన మాస్ యాంగిల్ ను చూపించారు.

కామెడీ ఎలిమెంట్స్, యాక్షన్ ఎలిమెంట్స్ తో ఉన్న ట్రైలర్ లో యాక్షన్ సీన్స్, నాగార్జున మాస్ డైలాగ్స్ ఆకట్టుకున్నాయి. స్నేహం, ప్రేమ, రివెంజ్ డ్రామాతో ఈ సినిమా కథ సాగనున్నట్లు ట్రైలర్ చూస్తే అర్థమవుతుంది. ఇక ట్రైలర్లో నాగార్జున తర్వాత అల్లరి నరేష్ పాత్ర బాగా హైలైట్ అయింది. ట్రైలర్ లో ఆయన కూడా కొన్ని యాక్షన్ షాట్స్ లో కనిపించాడు. ఆ తర్వాత హీరోయిన్ ఆశిక రంగనాథ్, నాగార్జున మధ్య వచ్చే రొమాంటిక్ సీన్స్ చాలా బాగున్నాయి.

విలేజ్ నేటివిటికి సంబంధించిన విజువల్స్ ఆకట్టుకున్నాయి. ముఖ్యంగా ట్రైలర్ లో నా సామిరంగ అంటూ వచ్చే బ్యాగ్రౌండ్ స్కోర్ నెక్స్ట్ లెవెల్ లో ఉంది. గత సినిమాలతో పోలిస్తే నాగార్జున లుక్ ఈ సినిమాలో చాలా డిఫరెంట్ గా ఉంది. మొత్తంగా నా సామిరంగ గురించి చెప్పాలంటే ఈ పండక్కి ఆడియన్స్ అంతా హ్యాపీగా థియేటర్స్ లో ఎంజాయ్ చేసే స్టఫ్ అంతా ఈ సినిమాలో ఉందని ట్రైలర్ చూస్తే అర్థమవుతుంది.

కాగా ఈ మూవీ మలయాళ సూపర్ హిట్ మూవీ ‘పోరింజు మరియం జోస్’కి రీమేక్ గా తెరకెక్కింది. ఈ రీమేక్ లో రాజ్ తరుణ్ పాత్రని కొత్తగా జత చేశారు. తెలుగు నేటివిటికి తగ్గట్టుగా కొన్ని మార్పులు చేర్పులు చేసినట్లు ట్రైలర్ లోనే స్పష్టంగా కనిపిస్తోంది. శ్రీనివాస సిల్వర్ స్క్రీన్ బ్యానర్ పై చిట్టూరి శ్రీనివాస్ నిర్మిస్తున్న ఏ సినిమాకి ఎంఎం కీరవాణి సంగీతం అందిస్తున్నారు జనవరి 14న ఈ సినిమా ప్రేక్షకుల ముందుకు రాబోతోంది.