న‌భా స్టైల్ ఐకాన్ 2.0 .. ఎందుకో తెలుసా?

2022లో కార్ ప్ర‌మాదంలో తీవ్ర గాయాల‌పాలైన న‌భా న‌టేష్ ఆ త‌ర్వాత కోలుకోవ‌డం మిరాకిల్. ప్ర‌మాదంలో ఈ భామ భుజం విరిగింది. చాలా చోట్ల ప‌గుళ్లు ఏర్ప‌డ్డాయి. చాలా శ‌స్త్ర చికిత్స‌లు జ‌రిగాయి. అన్నిటి నుంచి కోలుకుని ఇప్పుడిలా వేడెక్కించే ఫోటోషూట్ల‌తో గుబులు రేపుతోంది. వ‌రుస‌గా సినిమాల్లో న‌టిస్తూ బిజీ అవుతోంది. ఇస్మార్ట్ శంక‌ర్ త‌ర్వాత చాలా గ్యాప్ వ‌చ్చింది. ఓటీటీ చిత్రం మ్యాస్ట్రోతో వ‌చ్చినా అంత‌గా గుర్తింపు ద‌క్క‌లేదు. ఇప్పుడు నిఖిల్ స‌ర‌స‌న స్వ‌యంభు లాంటి పాన్ ఇండియా చిత్రంలో అవ‌కాశం అందుకుంది. అభిషేక్ నామా ద‌ర్శ‌క‌త్వం వ‌హిస్తున్న‌ నాగబంధం అనే చిత్రంలో న‌టిస్తోంది. ఇందులో విరాట్ కర్ణ తన సహనటుడు కాగా అత్యంత భారీ బ‌డ్జెట్ తో తెర‌కెక్కుతోంది.

క‌రోనా మ‌హ‌మ్మారీ, యాక్సిడెంట్ లాంటి క‌ష్ట కాలం త‌న‌ను చాలా స‌రి చేసింద‌ని ఇప్పుడు తాను ఆలోచించే విధానం మునుప‌టితో పోలిస్తే పూర్తిగా మారింద‌ని కూడా న‌భా ఇటీవ‌లి ఇంట‌ర్వ్యూలో తెలిపింది. ఏది ఏమైనా కానీ నభా ఎప్ప‌టికీ సోష‌ల్ మీడియా క్వీన్ గా మెరిపిస్తూనే ఉంది. అద్భుత‌మైన కెరీర్ కోసం న‌భా ప‌రుగు ఇటీవ‌ల స్పీడందుకుంది. దానికి త‌గ్గ‌ట్టే సోష‌ల్ మీడియాల్లో లేటెస్ట్ ఫోటోషూట్ల‌తో విరుచుకుప‌డుతోంది.

తాజాగా న‌భా షేర్ చేసిన ఫోటోషూట్ ఇంట‌ర్నెట్‌ని షేక్ చేస్తోంది. న‌భా ఓ ప్ర‌యివేట్ పుర‌స్కారాల్లో స్టైల్ ఐక‌న్ అవార్డును అందుకుంది. ఈ సంద‌ర్భంలో ఖ‌రీదైన ఫైవ్ స్టార్ హోట‌ల్ ప్రాంగ‌ణంలో లైట్నింగ్ కాంతుల్లో న‌భా ఇచ్చిన ఫోజులు మ‌తులు చెడ‌గొడుతున్నాయి. న‌భా అల్ట్రా స్టైలిష్ ఫ్రాక్ లో క‌నిపించింది. బ్లాక్ ఫ్రాక్.. దానికి డిజైన‌ర్ ప‌ట్టీ జోడించి న‌భా న‌టేష్‌ లైట్ మేక‌ప్ తో కిల్ల‌ర్ లుక్ తో క‌నిపించింది. ప్ర‌స్తుతం ఈ ఫోటోషూట్ అంత‌ర్జాలంలో వైర‌ల్ గా మారుతోంది.