శ్రీకాకుళం తండేల్స్ చైత‌న్య రియ‌ల్ హీరోలు!

నాగ‌చైత‌న్య‌, సాయి ప‌ల్ల‌వి జంట‌గా చందు మొండేటి ద‌ర్శ‌క‌త్వంలో తెర‌కెక్కిన ` తండేల్` పాన్ ఇండియా లో రిలీజ్ కి రెడీ అవుతోన్న సంగ‌తి తెలిసిందే. ఇప్ప‌టికే రిలీజ్ అయిన ప్ర‌చార చిత్రాల‌తో అంచ‌నాలు పీక్స్ కు చేరాయి. మ‌రోవైపు యూనిట్ పెద్ద ఎత్తున ప్ర‌చారం నిర్వ‌హిస్తుంది. రిలీజ్ కి ఇంకా వారం రోజులే స‌మ‌యం ఉండ‌టంతో అన్ని మీడియా సంస్థ‌ల్ని యూనిట్ చుట్టేస్తోంది. నిన్నరోజున చెన్నైలో త‌మిళ వెర్ష‌న్ ట్రైల‌ర్ ను హీరో కార్తీ రిలీజ్ చేసాడు.

అక్క‌డా మంచి రెస్పాన్స్ వ‌స్తోంది. ట్రైల‌ర్ సోష‌ల్ మీడియాలో ట్రెండింగ్ లో నిలిచింది. సినిమాపై యూనిట్ అంతా చాలా ధీమాగా ఉంది. నాగ‌చైత‌న్య దుల్ల‌గొట్ట‌స్తానంటున్నాడు. ఈ సినిమాతో చైత‌న్య 100 కోట్ల క్ల‌బ్ లో చేర‌డం ఖాయమంటూ అక్కినేని అభిమానులు ధీమా వ్య‌క్తం చేస్తున్నారు. మేక‌ర్స్ కూడా అంతే ధీమాగా ఉన్నారు. అయితే చైత‌న్య చెన్నై ఈవెంట్ లో కొన్ని ఆస‌క్తిక‌ర వ్యాఖ్య‌లు చేసాడు. శ్రీకాకుళం తండేల్స్ నా రియ‌ల్ హీరోలు అంటూ చైత‌న్య వ్యాఖ్యానించాడు.

ఈ సందర్భంగా స్టోరీ కూడా రివీల్ చేసాడు. `శ్రీకాకుళం నుంచి కొంత మంది జాల‌ర్లు గుజ‌రాత్ కు వెళ్లి అక్క‌డ నుంచి అనుకోకుండా పాకిస్తాన్ బోర్డ‌ర్ లో కి ఎంట‌ర్ అవుతారు. ఆ త‌ర్వాత అక్క‌డ అరెస్ట్ అవ్వ‌డం...త‌ప్పించుకుని రావ‌డం చాలా ఎగ్జైటింగ్ గా ఉంటుంది. ఇదంతా చాలా పెద్ద క‌థ‌. స్టోరీ విన‌గానే చాలా ఎగ్జైటింగ్ అయ్యాను. శ్రీకాకుంళం జాల‌ర్ల‌తో నేరుగా వెళ్లి మాట్లాడాను. వాళ్లు ఎలా ఉంటారో? వాళ్ల ఆహార్యం ప్ర‌తీది తెలుసుకున్నాను.

వాళ్ల‌ను చాలా క్లోజ్ గా స్ట‌డీ చేసి చేసిన చిత్ర‌మిది. వాళ్లే నా రియ‌ల్ హీరోలు. ఇలాంటి సినిమా నాతో చేయ‌డం అన్న‌ది నేను చేసుకున్న అదృష్టం గా భావిస్తున్నాను` అని అన్నారు. `తండేల్` ఫిబ్ర‌వ‌రి 7న రిలీజ్ అవుతుంది. అల్లు అర‌వింద్ స‌మ‌ర్ప‌ణ‌లో బ‌న్నీ వాసు నిర్మిస్తున్నాడు.