అక్కినేని ఇంట పెళ్లి ముహూర్తం ఫిక్స్..!

అక్కినేని ఇంట పెళ్లి బాజాలు మోగే సమయం ఆసన్నమైందా అంటే అవుననే అంటున్నాయి ఇండస్ట్రీ వర్గాలు. నాగ చైతన్య, శోభిత ఈమధ్యనే ఎంగేజ్మెంట్ జరుపుకున్నారు. వారి మ్యారేజ్ డేట్ ఎప్పుడని అక్కినేని ఫ్యాన్స్ అంతా ఆసక్తిగా ఉన్నారు. ఐతే వీరి పెళ్లి డేట్ ఫిక్స్ చేసినట్టు లేటెస్ట్ టాక్. డిసెంబర్ 4న నాగ చైతన్య, శోభితల పెళ్లి ముహూర్తం ఫిక్స్ చేశారని తెలుస్తుంది. ఈమధ్యనే పెళ్లికి సంబంధించిన కార్యక్రమాలు మొదలైనట్టు శోభిత తన సోషల్ మీడియాలో ఫోటోలు షేర్ చేసింది.

అఫీషియల్ గా పెళ్లి డేట్ చెప్పకపోయినా డిసెంబర్ 4న చైతన్య, శోభిత మ్యారేజ్ డేట్ ఫిక్స్ అని అంటున్నారు. నాగ చైతన్య, శోభిత కెరీర్ పరంగా ఎవరికి వారు సినిమాలు చేస్తున్నారు. చైతన్య ప్రస్తుతం చందు మొండేటి డైరెక్షన్ లో తండేల్ సినిమా చేస్తున్నాడు. గీతా ఆర్ట్స్ 2 బ్యానర్ లో వస్తున్న ఈ సినిమాపై భారీ అంచనాలు ఉన్నాయి.

నాగ చైతన్య తండేల్ సినిమా అతని కెరీర్ లోనే హైయెస్ట్ బడ్జెట్ తో తెరకెక్కుతుంది. ఈ సినిమా విషయంలో మేకర్స్ ఎక్కడ కాంప్రమైజ్ అవ్వట్లేదని తెలుస్తుంది. అంతేకాదు ఫస్ట్ టైం నాగ చైతన్య కూడా పాన్ ఇండియా లెవెల్ లో తన సినిమా రిలీజ్ చేస్తున్నారు. సినిమాలో చైతుకి జంటగా సాయి పల్లవి నటిస్తుంది. సినిమాలో ఆమె పాత్ర కూడా సర్ ప్రైజ్ చేస్తుందని అంటున్నారు. తండేల్ సినిమా దాదాపు పూర్తి కాగా డిసెంబర్ నాటికి ఫస్ట్ కాపీ సిద్ధం చేసేలా మేకర్స్ ప్లానింగ్ లో ఉన్నారు.

శోభిత తెలుగు, హిందీ సినిమాలతో పాటు హాలీవుడ్ సినిమాలు చేస్తుంది. తెలుగులో శోభిత అంటే కేవలం గ్లామర్ పరంగానే చూస్తారు కానీ అమ్మడికి నేషనల్ లెవెల్ లో క్రేజీ ఫాలోయింగ్ ఉంది. నాగ చైతన్యతో మ్యారేజ్ తర్వాత శోభిత సినిమాలకు గుడ్ బై చెబుతుందా లేదా అన్నది తెలియాల్సి ఉంది. చైతన్య మాత్రం కెరీర్ లో మరింత దూకుడు చూపించేలా ఉన్నాడు. తండేల్ రిలీజ్ అవ్వడమే ఆలస్యం తన నెక్స్ట్ సినిమా కథా చర్చలు ప్లాన్ చేస్తున్నాడు. చైతు, శోభిత మ్యారేజ్ అనంతరం కొద్ది పాటి గ్యాప్ తోనే మరో సినిమా మొదలు పెట్టాలని చూస్తున్నాడు చైతన్య.

తండేల్ తో తన రేంజ్ పెంచుకోవాలని చూస్తున్న చైతన్య అందుకు తగినట్టుగానే కష్టపడుతున్నట్టు తెలుస్తుంది. సినిమా కోసం తన ఫుల్ ఎఫర్ట్ పెట్టేస్తున్నారట . ఈమధ్యనే క ప్రీ రిలీజ్ ఈవెంట్ లో నిర్మాత ఎస్.కె.ఎన్ చైతన్యకు తండేల్ మొదటి 100 కోట్ల సినిమా అవుతుందని చాలా కాన్ఫిడెంట్ గా చెప్పారు.