క్లిక్‌క్లిక్‌ : చైతూ బర్త్‌డే వేడుకలో శోభిత
తాజాగా నాగ చైతన్య పుట్టిన రోజు జరుపుకున్నాడు. చైతూ బర్త్‌డే వేడుకలో శోభిత పాల్గొంది. ఆ ఫోటోలను సుశాంత్‌ సోషల్‌ మీడియా ద్వారా షేర్‌ చేశారు.
By: Tupaki Desk | 27 Nov 2024 3:57 AM GMT
నాగ చైతన్య, శోభిత దూళ్లిపాళ పెళ్లి పీటలు ఎక్కబోతున్నారు. డిసెంబర్‌ 4న వీరి వివాహం అన్నపూర్ణ స్టూడియోలో జరగబోతున్నట్లుగా ఇప్పటికే అక్కినేని ఫ్యామిలీ నుంచి అధికారిక ప్రకటన వచ్చింది. సమంత నుంచి విడి పోయిన తర్వాత కొన్నాళ్ల వరకు సింగిల్‌గా ఉన్న నాగ చైతన్య ఆ తర్వాత శోభిత పరిచయంతో ఆమె ప్రేమలో పడ్డాడు. ఇద్దరి మధ్య ప్రేమకు ఇరు కుటుంబాల నుంచి గ్రీన్ సిగ్నల్‌ లభించింది. దాంతో అక్కినేని ఇంట శోభిత కోడలుగా అడుగు పెట్టబోతుంది. సోషల్‌ మీడియాలో వీరిద్దరికి సంబంధించిన ఫోటోలు, వీడియోలు తెగ వైరల్‌ అవుతున్నాయి.
తాజాగా నాగ చైతన్య పుట్టిన రోజు జరుపుకున్నాడు. చైతూ బర్త్‌డే వేడుకలో శోభిత పాల్గొంది. ఆ ఫోటోలను సుశాంత్‌ సోషల్‌ మీడియా ద్వారా షేర్‌ చేశారు. నాగ చైతన్య, శోభిత కలిసి పుట్టిన రోజును గ్రాండ్‌గా జరుపుకున్నారని ఇంతకు ముందు వచ్చిన ఫోటోలను చూస్తే అర్థం అవుతుంది. నాగ చైతన్య, శోభితలు ఈమధ్య కాలంలో రెగ్యులర్‌గా మీడియా ముందుకు వస్తూనే ఉన్నారు. ఇటీవల గోవాలో జరుగుతున్న ఇంటర్నేషనల్‌ ఫిల్మ్‌ ఫెస్టివల్‌ ఆఫ్ ఇండియాలోనూ పాల్గొన్నారు. ఆ సమయంలో నాగార్జున, అమలతో పాటు వీరిద్దరూ ఉన్నారు.
మేడ్‌ ఇన్ హెవెన్‌తో హిందీ ప్రేక్షకులను అలరించి, అక్కడ పలు సినిమాలు, సిరీస్‌ల్లో నటించిన ముద్దుగుమ్మ శోభిత తక్కువ సమయంలోనే మంచి గుర్తింపు దక్కించుకుంది. తెలుగులోనూ నటించడం ద్వారా ఈమెకు గుర్తింపు లభించింది. తెలుగు అమ్మాయిలకు తెలుగు సినిమాల్లో ఆఫర్లు రావని అంతా భావిస్తూ ఉంటే ఈమె ఏకంగా బాలీవుడ్‌లో స్టార్‌ హీరోల సినిమాల్లో నటించింది. అంతే కాకుండా కోలీవుడ్‌లో వచ్చిన ప్రతిష్టాత్మక మూవీ పొన్నియిన్‌ సెల్వన్‌ లోనూ కీలక పాత్రలో శోభిత నటించిన విషయం తెల్సిందే. నటిగా ఇప్పటికే తనకంటూ ప్రత్యేక గుర్తింపు దక్కించుకున్న ఈమె ప్రస్తుతం బాలీవుడ్‌లో బిజీ బిజీగా ఉంది.
పెళ్లి తర్వాత కూడా వరుసగా సినిమాలు, సిరీస్‌లు చేస్తానంటూ ఆ మధ్య ఒక ఇంటర్వ్యూలో శోభిత చెప్పుకొచ్చింది. ఇక నాగ చైతన్య సినిమాల విషయానికి వస్తే తండేల్‌ సినిమాను చేస్తున్నాడు. సాయి పల్లవి హీరోయిన్‌గా రూపొందుతున్న తండేల్‌ సినిమాకు చందు మొండేటి దర్శకత్వం వహిస్తున్నారు. అల్లు అరవింద్‌ సమర్పణలో బన్నీ వాసు నిర్మిస్తున్న ఈ భారీ బడ్జెట్‌ మూవీ వచ్చే ఏడాది ఫిబ్రవరి 7న ప్రేక్షకుల ముందుకు రాబోతుంది. ఇటీవల వచ్చిన బుజ్జి తల్లి పాటకు మంచి స్పందన దక్కింది. సోషల్‌ మీడియాలో ప్రస్తుతం ఈ పాట తెగ వైరల్‌ అవుతోంది.
