100 కోట్ల దర్శకుడితో చైతూ థ్రిల్లర్ ప్లాన్

అక్కినేని హీరో నాగ చైతన్య ప్రస్తుతం గీతా ఆర్ట్స్ 2లో ‘తండేల్’ మూవీ చేస్తున్నాడు. ఈ చిత్రంలో చైతన్యకి జోడీగా సాయి పల్లవి నటిస్తోంది. రియలిస్టిక్ సంఘటనల స్ఫూర్తితో ఈ సినిమా కథని చందూ మొండేటి తెరపై ఆవిష్కరించే పనిలో ఉన్నారు. కచ్చితంగా ఈ సినిమాతో బ్లాక్ బస్టర్ అందుకుంటాననే నమ్మకంతో నాగ చైతన్య ఉన్నాడు. బన్నీ వాస్ ఈ చిత్రాన్ని భారీ బడ్జెట్ తో నిర్మిస్తున్నారు. హీరో కెరీర్ లోనే ఇది అత్యధిక బడ్జెట్ తో తెరకెక్కుతున్న మూవీ. ఇక దేవిశ్రీ ప్రసాద్ ఈ సినిమాకి మ్యూజిక్ అందిస్తున్నారు.

దీని తర్వాత నాగ చైతన్య ఎలాంటి సినిమాతో వస్తాడో తెలుసుకోవాలనే ఆసక్తి అందరిలో ఉంది. ఇదిలా ఉంటే చైతూ నెక్స్ట్ సినిమా కన్ఫర్మ్ అయినట్లు తెలుస్తోంది. ‘విరూపాక్ష’ సినిమాతో 100 కోట్ల బ్లాక్ బస్టర్ సక్సెస్ అందుకున్న కార్తీక్ దండు దర్శకత్వంలో చైతన్య థ్రిల్లర్ జోనర్ లో మూవీ చేయబోతున్నాడంట. గతంలోనే కార్తీక్ చైతన్యకి స్టోరీ నేరేషన్ ఇచ్చాడు. రీసెంట్ గా ఫైనల్ డ్రాప్ కథని కూడా చెప్పాడంట.

మూవీ స్క్రిప్ట్ చైతన్యకి నచ్చడంతో ఈ సినిమాని త్వరలో సెట్స్ పైకి తీసుకొని వెళ్లాలని డిసైడ్ అయినట్లు టాక్ వినిపిస్తోంది. ప్రస్తుతం ఈ మూవీ ప్రీప్రొడక్షన్ వర్క్ జరుగుతోంది. యాక్షన్ థ్రిల్లర్ గా ఈ మూవీ కథ ఉంటుందని సమాచారం. డిసెంబర్ 11న ఈ సినిమా ప్రారంభోత్సవం ఉంటుందంట. బీవీఎస్ఎన్ ప్రసాద్ ఈ చిత్రాన్ని భారీ బడ్జెట్ తో నిర్మించబోతున్నారు. త్వరలో ఈ సినిమాకి సంబందించిన ఎనౌన్స్ మెంట్ వస్తుందని తెలుస్తోంది.

ఇప్పటికే టెక్నీకల్ టీమ్ మొత్తాన్ని కార్తీక్ దండు ఫైనల్ చేసారంట. వచ్చే ఏడాది మూవీ రెగ్యులర్ షూటింగ్ స్టార్ట్ అవ్వొచ్చని అనుకుంటున్నారు. హీరోయిన్ ఎవరనేది ఇంకా ఖరారు చేయలేదు. అయితే పూజా హెగ్డే పేరు ఎక్కువగా వినిపిస్తోంది. గతంలో చైతన్య, పూజా హెగ్డే కాంబినేషన్ లో ఆమె కెరియర్ ఆరంభంలో ఒక లైలా కోసం సినిమా వచ్చింది. ఈ మూవీ పెద్దగా మెప్పించలేదు.

మరల ఇన్నేళ్ల తర్వాత వీరిద్దరూ జత కట్టబోతున్నారని ఇండస్ట్రీలో అనుకుంటున్నారు. త్వరలో క్యాస్టింగ్ అండ్ క్రూకి సంబందించిన అఫీషియల్ ప్రకటన ఇస్తారని సమాచారం. విరూపాక్షతో సాయి దుర్గా తేజ్ కి కెరియర్ లోనే బిగ్గెస్ట్ బ్లాక్ బస్టర్ ని కార్తీక్ దండు ఇచ్చాడు. మరోసారి అలాంటి జోనర్ లోనే యాక్షన్ మిక్స్ చేసి చైతూతో మ్యాజిక్ చేయాలని చూస్తున్నాడు. మరి అతను చేయబోయే సినిమా ఎలా ఉండబోతోందనేది చూడాలి. ‘తండేల్’ రిలీజ్ కంటే ముందే ఈ చిత్రాన్ని నాగ చైతన్య సెట్స్ పైకి తీసుకొని వెళ్లొచ్చనే మాట వినిపిస్తోంది.