NC 23 ఎంత వరకు వచ్చిందంటే..

నాగ చైతన్య హీరోగా చందూ మొండేటి దర్శకత్వంలో గీతా ఆర్ట్స్ 2లో తెరకెక్కనున్న NC23 మూవీ ప్రీప్రొడక్షన్ వర్క్ శరవేగంగా సాగుతోంది. చైతూ కెరియర్ లోనే అత్యధిక బడ్జెట్ తో పాన్ ఇండియా లెవల్ లో ఈ చిత్రాన్ని నిర్మించబోతున్నారు. సుమారు 60 కోట్ల వరకు ఖర్చు పెట్టబోతున్నారంట. సాయి పల్లవి హీరోయిన్ గా ఈ చిత్రంలో నటించబోతోంది.

రీసెంట్ గా ఆమె కన్ఫర్మ్ అయ్యింది. భారీ బడ్జెట్ తో రియలిస్టిక్ సంఘటనలని బేస్ చేసుకొని చేస్తోన్న చిత్రం కావడంతో ముందుగా శ్రీకాకుళం, విశాఖ జిల్లాలకి దర్శకుడు చందూ, హీరో చైతూ వెళ్లి అక్కడ మత్స్యకారులతో మాట్లాడారు. వారి అనుభవాలని కూడా తెలుసుకున్నారు. ఇప్పుడు వాటితో బలమైన కథనాన్ని సిద్ధం చేసే పనిలో చందూ ఉన్నారు. మూవీ ప్రీప్రొడక్షన్ వర్క్ జరుగుతుందంట.

అలాగే రిహార్శల్స్ కూడా చేస్తున్నారని తెలుస్తోంది. పక్కా ప్లానింగ్ తో షూటింగ్ కి వెళ్లాలని అనుకుంటున్నారు. నవంబర్ లో సెట్స్ పైకి వెళ్ళే ఆలోచనలో ఉన్నారంట. షూటింగ్ లో వెళ్ళేలోపు చైతన్య బర్త్ డే ఉండటంతో మూవీ నుంచి ప్రీ షూటింగ్ గ్లింప్స్ లాంటిది రిలీజ్ చేయాలని అనుకుంటున్నారంట. ఈ గ్లింప్స్ తో సినిమాపై ఇంటెన్సన్ క్రియేట్ చేయాలని కూడా ఆలోచిస్తున్నట్లు టాక్.

మజిలీ చిత్రం తర్వాత నాగ చైతన్య నుంచి ఇప్పటి వరకు సాలిడ్ సక్సెస్ రాలేదు. థాంక్యూ మూవీ డిజాస్టర్ అయ్యింది. హిందీలో అమీర్ ఖాన్ తో చేసిన లాల్ సింగ్ చద్దా కూడా ఫ్లాప్ అయ్యింది. ఈ నేపథ్యంలో NC23 మూవీ విషయంలో ఎలాంటి పొరపాటు జరగకూడదని అనుకుంటున్నారంట.

సాయి పల్లవి కూడా విరాటపర్వం తర్వాత సుదీర్ఘ గ్యాప్ తీసుకొని NC23కి గ్రీన్ సిగ్నల్ ఇచ్చింది. చైతూ, సాయి పల్లవి కాంబోలో శేఖర్ ఖమ్ముల దర్శకత్వంలో లవ్ స్టొరీ మూవీ వచ్చి హిట్ టాక్ తెచ్చుకున్న బ్లాక్ బస్టర్ అనిపించుకోలేదు. అయితే NC23 మాస్ టచ్ తో ఉండే మూవీ కాబట్టి కచ్చితంగా కమర్షియల్ సక్సెస్ అందుకుంటుందని అంచనా వేస్తున్నారు.