నాగ చైతన్య దూత వస్తున్నాడా..?

కస్టడీ తర్వాత తన నెక్స్ట్ సినిమా చందు మొండేటితో ప్లాన్ చేసుకున్న అక్కినేని హీరో నాగ చైతన్య ఆ సినిమా విషయంలో సూపర్ కాన్ ఫిడెంట్ గా ఉన్నాడు. చందు మార్క్ మూవీగా పాన్ ఇండియా వైడ్ సినిమా హంగామా చేస్తుందని అంటున్నారు చిత్ర యూనిట్. పీరియాడికల్ మూవీగా రాబోతున్న ఈ సినిమా రెగ్యులర్ షూటింగ్ త్వరలో మొదలవుతుంది. ఈ సినిమాకు ముందే కస్టడీ టైం లోనే విక్రం కె కుమార్ తో దూత వెబ్ సీరీస్ చేశాడు నాగ చైతన్య. విక్రం తో మనం, థాంక్యు సినిమాలు చేసిన నాగ చైతన్య దూతతో మరోసారి రాబోతున్నాడు.

ఈ వెబ్ సీరీస్ ను కరణ్ జోహార్ నిర్మించారు. అమేజాన్ ప్రైం రిలీజ్ చేస్తున్న ఈ వెబ్ సీరీస్ రిలీజ్ గురించి ఇప్పటివరకు ఏ క్లూ ఇవ్వలేదు. ఏదాది క్రితమే సీరీస్ నుంచి ఫస్ట్ పోస్టర్ రిలీజ్ చేసిన మేకర్స్ ఆమధ్య ముంబైలో ఒక ఈవెంట్ చేసి దూత పాత్రలను పరిచయం చేశారు. ఆ తర్వాత దూత వెబ్ సీరీస్ గురించి ఎలాంటి ఇన్ ఫర్మేషన్ ఇవ్వలేదు. ఆడియన్స్ కూడా దాదాపు ఈ వెబ్ సీరీస్ ను మర్చిపోయారు.

అయితే లేటెస్ట్ గా ఈ వెబ్ సీరీస్ ను రిలీజ్ చేయాలని అమేజాన్ ప్రైం ప్లాన్ చేస్తుందట. అక్టోబర్ లో రిలీజ్ ఉండొచ్చని టాక్. ఈ సీరీస్ తో ఎలాగైనా హిట్ కొట్టేలా విక్రం తగిన జాగ్రత్తలు తీసుకుంటున్నారట.

హర్రర్ జోనర్ లో వస్తున్న దూర వెబ్ సీరీస్ కు గ్రాఫిక్స్, వి.ఎఫ్.ఎక్స్ వర్క్ వల్లే ఇన్ని రోజులు టైం పట్టిందని తెలుస్తుంది. విక్రం కుమార్ తన బెస్ట్ వర్క్ అందిస్తున్నారట. ఈ సీరీస్ తో మరోసారి తన గురించి అందరు మాట్లాడుకునేలా చేయాలని చూస్తున్నారు. దసరాకి అమేజాన్ ప్రైం ఈ వెబ్ సీరీస్ రిలీజ్ ప్లాన్ చేస్తున్నారని టాక్.

ఆల్రెడీ నాగ చైతన్యతో మనం సెన్సేషనల్ హిట్ అందుకున్న విక్రం థ్యాంక్యు సినిమా ఫెయిల్యూర్ ని రికవర్ చేసేందుకు దూత సీరీస్ చేస్తున్నారు. నాగ చైతన్య కూడా దూతతో ఎలాగైనా హిట్ అందుకోవాలని చూస్తున్నారు. ఓటీటీ రిలీజ్ అంటే కలెక్షన్స్ లు ప్రాఫిట్ లాసులు ఉండవు కానీ ఓటీటీ టాక్ ను బట్టే నాగ చైతన్య నెక్స్ట్ సినిమా డిమాండ్ ఉంటుందని చెప్పొచ్చు. మరి నాగ చైతన్య విక్రం కుమార్ దూత వెబ్ సీరీస్ ప్రైం ఆడియన్స్ ను ఎంతమేరకు మెప్పిస్తుందో చూడాలి.