#NC23: చైతు డెడికేషన్ మాములుగా లేదు

టాలెంటెడ్ యువ హీరో అక్కినేని నాగచైతన్య ప్రస్తుతం డిఫరెంట్ సినిమాలను చేసేందుకు ఎక్కువగా ఆసక్తిని చూపిస్తున్నాడు. ఇటీవల కాలంలో అతను చేసిన సినిమాలన్నీ కూడా కమర్షియల్ ఫార్మాట్ కు భిన్నంగా వచ్చినవే. ఇక కస్టడీ సినిమా తర్వాత కొంత గ్యాప్ తీసుకున్న నాగచైతన్య ఇప్పుడు ఫ్రెష్ గా మరొక డిఫరెంట్ సినిమాను మొదలు పెట్టబోతున్నాడు.

కార్తికేయ 2 సినిమాతో బాక్సాఫీస్ వద్ద సెన్సేషన్ క్రియేట్ చేసిన దర్శకుడు చందు మండేటి దర్శకత్వంలో నాగచైతన్య సినిమా చేయబోతున్నట్లు ఇటీవల అధికారికంగా క్లారిటీ ఇచ్చారు. ఇక రెగ్యులర్ గా ఈ సినిమాకు సంబంధించిన చర్చల్లో పాల్గొంటూనే నాగచైతన్య క్యారెక్టర్ ను కూడా పూర్తిస్థాయిలో అర్థం చేసుకునేందుకు ప్రయత్నం చేస్తున్నట్లు అనిపిస్తోంది.

దర్శకుడు చందు ఈ సినిమా కథను ఒక మత్స్యకారుడి జీవిత ఆధారంగా తెరపైకి తీసుకురాబోతున్నట్లుగా తెలుస్తోంది. అయితే ఆ పాత్ర గురించి పూర్తిస్థాయిలో అవగాహనకు రావడానికి నాగచైతన్య ఎన్ని ప్రయత్నాలు చేయాలో అన్ని రకాల ప్రయత్నాలు చేస్తున్నాడు. అతను మత్స్యకారుల జీవితాలలోకి వెళ్లి మరి వారి అనుభవాలను గురించి తెలుసుకుంటున్నాడు. అంతేకాకుండా అతను ఏకంగా సముద్ర ప్రయాణాలు కూడా చేస్తూ ఉండడం ఆశ్చర్యాన్ని కలిగిస్తోంది.

ఇటీవల కాలంలో చాలామంది హీరోలు ఒకసారి కథను ఓకే చేస్తే ఫిజికల్ గా మెకోవర్ చేసుకుంటూ పాత్ర గురించి బాగా చదువుకుంటూ ఉంటారు. కానీ నాగచైతన్య మాత్రం ప్రాక్టికల్ గా ఏకంగా మత్స్యకారుల జీవితంలోకి వెళ్లే మరి ఒక అవగాహనకు వస్తున్నాడు. నాగచైతన్య శ్రీకాకుళంలోని ఒక గ్రామంలో నిన్న NC23 పై క్లారిటీ ఇచ్చాడు. అంతే కాదు, మత్స్యకారుల జీవనశైలిని అర్థం చేసుకునేందుకు టీమ్ తో విస్తృతంగా ప్రీ ప్రొడక్షన్ వర్క్ లో.పాల్గొంటున్నాడు.

నాగ చైతన్య తన దర్శకుడు చందూ మొండేటి నిర్మాత బన్నీ వాస్‌తో కలిసి వైజాగ్‌లో ఒక స్పెషల్ ట్రిప్ కు వెళ్లారు. సముద్రంలో తమ పడవ ప్రయాణాలు, చేపల వేట అనుభవాలను పంచుకున్న మత్స్యకారులతో కూడా సంభాషించారు. నాగ చైతన్య మత్స్యకారుడి పాత్రలోకి రావడానికి అన్ని ప్రయత్నాలు చేస్తున్నట్లు తెలుస్తోంది. మరోవైపు, దర్శకుడు చందూ మొండేటి మరియు నిర్మాత బన్నీ వాస్ ఈ సినిమాను పాన్ ఇండియా రేంజ్ కు తీసుకు రావడానికి గట్టిగానే ప్లాన్ చేస్తున్నారు. ఇక సినిమా రెగ్యులర్ షూట్ ను త్వరలోనే స్టార్ట్ చేయనున్నారు.