NC23 కోసం బీస్ట్ మోడ్‌లోకి
గెలుపు కోసం పంతం ప‌ట్టుద‌ల చాలా అవ‌స‌రం. ఇక్క‌డ నాగచైతన్య కొత్త అవ‌తారం చూస్తుంటే అత‌డిలో ప‌ట్టుద‌ల 1000 గిగాబైట్స్ స్పీడ్ తో పంప్ అవుతున్న‌ట్టే క‌నిపిస్తోంది.
By: Tupaki Desk | 5 Nov 2023 7:42 AM GMT
గెలుపు కోసం పంతం ప‌ట్టుద‌ల చాలా అవ‌స‌రం. ఇక్క‌డ నాగచైతన్య కొత్త అవ‌తారం చూస్తుంటే అత‌డిలో ప‌ట్టుద‌ల 1000 గిగాబైట్స్ స్పీడ్ తో పంప్ అవుతున్న‌ట్టే క‌నిపిస్తోంది. బాడీని ఫుల్ గా న‌లుగు ప‌ట్టేస్తున్నాడు. మునుప‌టితో పోలిస్తే చైతన్య ర‌ఫ్ గా మారాడు. దానికోసం జిమ్ లో తీవ్రంగా శ్ర‌మిస్తున్నాడు. మ‌జిల్స్ ప‌వ‌ర్ ని అమాంతం పెంచాడు. ఆ గుబురు గ‌డ్డం కోర‌మీసం చూస్తుంటే
నిజానికి నాగచైతన్య లుక్ ప‌రంగా సెన్సిటివ్ అని భావించేవారికి ఇది సిస‌లైన షాకింగ్ మేకోవ‌ర్ అని చెప్పాలి. తదుపరి ఎన్.సి 23లో అత‌డు పోషిస్తున్న పాత్ర తీరుతెన్నులు అలాంటివి. మ‌త్స్య‌కారుని లైఫ్ స్టోరి ఆధారంగా రూపొందుతున్న ఈ సినిమా కోసం నాగచైతన్య తన లుక్ ని అమాంతం మార్చాల్సి ఉంద‌ని అర్థ‌మ‌వుతోంది. యువసామ్రాట్ @chay_akkineni తన తదుపరి #NC23 కోసం బీస్ట్ మోడ్‌లోకి మారాడు. నాగచైతన్య జిమ్‌లో భారీ వర్కవుట్ సెషన్‌లతో ఫిట్నెస్ గోల్స్‌ను సెట్ చేసాడు! అంటూ టీమ్ ఈ వీడియోని రిలీజ్ చేసింది. చైతన్య హార్డ్ వ‌ర్క్ కి సంబంధించిన ఈ వీడియో క్ష‌ణాల్లో అంత‌ర్జాలంలో వైర‌ల్ గా మారింది. ఈ మూవీ కోసం చైతన్య మ‌జిల్స్ పెంచ‌డ‌మే కాదు, పొడ‌వాటి జుత్తును కూడా పెంచాడు. గుబురు గ‌డ్డం పెరిగింది. దీంతో ఇలాంటి మేకోవ‌ర్ కోసం చందు మొండేటి పంతం ప‌ట్టి చైతూని మార్చేశాడ‌ని అర్థ‌మ‌వుతోంది.
అక్కినేని ఫ్యామిలీ హీరోల్లో నాగార్జున్ ఫిట్నెస్ ఫ్రీక్.. అత‌డు ద‌శాబ్ధాల పాటు తన రూపంలో కించిత్ మార్పు లేకుండా ప‌ర్ఫెక్ట్ ఫిజిక్ ని మెయింటెయిన్ చేసారు. ఆ త‌ర్వాత అఖిల్ అక్కినేని కూడా ఫిట్నెస్ కోసం తీసుకునే జాగ్ర‌త్త‌లు అన్నీ ఇన్నీ కావు. అత‌డు తన గ‌త చిత్రం ఏజెంట్ కోసం బీస్ట్ అవ‌తార్ లోకి మారాడు. ఇప్పుడు తన సోద‌రుడు అఖిల్ ని మించే రూపానికి చైతన్య మారుతాడో లేదో తెలీదు కానీ, ప్ర‌స్తుతానికి తీవ్ర‌మైన క‌స‌ర‌త్తుల‌తో చై ఆశ్చ‌ర్య‌ప‌రుస్తున్నాడు.
దర్శకుడు చందూ మొండేటితో నాగ చైతన్య పాన్ ఇండియా చిత్రం #NC23 ప్రీ-ప్రొడక్షన్ పనులు శరవేగంగా జరుగుతున్నాయని క‌థ‌నాలొచ్చాయి. దాదాపు నెల రోజుల క్రితమే ప్రీ ప్రొడక్షన్ పనులు ప్రారంభించిన టీమ్ త్వరలోనే సినిమా షూటింగ్‌ని ప్రారంభించేందుకు ప్లాన్ చేస్తోంద‌ని చ‌ర్చ సాగింది.
బన్నీ వాసు ఈ చిత్రాన్ని నిర్మిస్తుండగా, అల్లు అరవింద్ - గీతా ఆర్ట్స్ స‌మ‌ర్పిస్తోంది. యదార్థ సంఘటనల ఆధారంగా తెరకెక్కుతున్న ఈ భారీ చిత్రంలో కథానాయికగా సాయి పల్లవి న‌టించ‌నుంద‌ని ప్ర‌చారం సాగుతోంది. వీరిద్దరూ గతంలో సూపర్ హిట్ `లవ్ స్టోరీ`లో కలిసి పనిచేశారు. ఎన్.సి23 సినిమాలో మ‌రోసారి అద్భుత‌మైన కెమిస్ట్రీతో ఉర్రూతలూగిస్తార‌ని అభిమానులు అంచ‌నా వేస్తున్నారు. #NC23 నాగ చైతన్య - చందూ మొండేటి ఇద్దరికీ అత్యంత భారీ బడ్జెట్ చిత్రం అవుతుంది. హై ప్రొడక్షన్, టెక్నికల్ స్టాండర్డ్స్‌తో గ్రాండ్‌గా ఈ సినిమా రూపొందనుంది. కేవలం ప్రీ ప్రొడక్షన్ పనులకే నిర్మాతలు మంచి బడ్జెట్‌ను వెచ్చిస్తున్నారని టాక్ వినిపిస్తోంది. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలో ప్రకటిస్తారని స‌మాచారం.
