పిక్‌టాక్ : కొడుకుల కంటే హ్యాండ్సమ్‌గా కింగ్‌
ఎప్పుడూ నాగ చైతన్య, అఖిల్‌ కు అన్నగా కనిపిస్తున్నాడు అంటూ నాగార్జున గురించి ఫ్యాన్స్ మాట్లాడుకుంటూ ఉంటారు.
By: Tupaki Desk | 26 Nov 2024 9:30 AM GMT
టాలీవుడ్‌ కింగ్‌ నాగార్జున వయసు ఆరు పదులు దాటినా మూడు పదుల వయసు వాడి మాదిరిగానే కనిపిస్తూ ఉంటారు అనే విషయం ప్రత్యేకంగా చెప్పనక్కర్లేదు. ఇద్దరు కొడుకులు హీరోలుగా ఎంట్రీ ఇచ్చి చాలా కాలం అయినా ఇప్పటికీ నాగార్జున వారికి సోదరుడిగానే కనిపిస్తూ ఉంటారు. సాధారణంగా ఆరు పదుల వయసులో చాలా మంది సొంతంగా నడవలేక ఇబ్బంది పడుతూ ఉంటారు. అలాంటిది కింగ్‌ నాగార్జున మాత్రం ఏమాత్రం జోష్ తగ్గకుండా సినిమాల్లో నటిస్తూ, షో లు చేస్తూ సోషల్‌ మీడియా ద్వారా ఇలాంటి ఫోటో షూట్స్ ను రిలీజ్‌ చేయడం ద్వారా ఎంతో మందికి ఆదర్శంగా నిలుస్తూ ఉన్నారు.
ఎప్పుడూ నాగ చైతన్య, అఖిల్‌ కు అన్నగా కనిపిస్తున్నాడు అంటూ నాగార్జున గురించి ఫ్యాన్స్ మాట్లాడుకుంటూ ఉంటారు. కానీ ఈసారి ఏకంగా వారిద్దరికీ తమ్ముడిగా నాగార్జున కనిపిస్తున్నాడు అంటూ నాగ్‌ లేడీ ఫ్యాన్స్‌తో పాటు అంతా మాట్లాడుకుంటూ ఉన్నారు. నాగార్జునను ఇంత యంగ్‌గా చూడటం ఆశ్చర్యంగా ఉందని పలువురు కామెంట్స్‌ చేస్తూ ఉన్నారు. ఇద్దరు కొడుకుల కంటే హ్యాండ్సమ్‌గా కనిపిస్తున్నారు అంటూ ఈ ఫోటోలను తెగ షేర్‌ చేస్తూ అక్కినేని అభిమానులతో పాటు ప్రతి ఒక్కరూ కామెంట్స్‌ చేస్తూ అభినందిస్తున్నారు. ఈ స్థాయి అందం కేవలం నాగ్‌ కే సొంతం అన్నట్లుగా కొందరు అభిప్రాయం వ్యక్తం చేస్తున్నారు.
2024 సంక్రాంతికి నా సామిరంగ సినిమాతో వచ్చారు. ఆ సినిమా ఆశించిన స్థాయిలో ఆకట్టుకోలేదు. దాంతో నాగార్జున గ్యాప్‌ తీసుకున్నారు. హీరోగా కొత్త సినిమాలకు కమిట్‌ కాకుండా ధనుష్ తో కలిసి శేఖర్‌ కమ్ముల దర్శకత్వంలో కుబేరా సినిమాలో నటిస్తున్నారు. నాగార్జున పాత్ర ఆ సినిమాలో చాలా విభిన్నంగా ఉంటుందని అంటున్నారు. ధనుష్ పాత్రకు ఏమాత్రం తీసి పోకుండా ఉంటుందని, సినిమాలో స్క్రీన్‌ ప్రజెన్స్‌ సైతం చాలా ఎక్కువగా ఉంటుంది అంటూ మేకర్స్ ద్వారా సమాచారం అందుతోంది. కుబేరా సినిమా కోసం ఫ్యాన్స్‌తో పాటు ప్రతి ఒక్కరు ఎంతో ఆసక్తిగా ఎదురు చూస్తూ ఉన్నారు.
కుబేరా సినిమాతో పాటు రజనీకాంత్‌ హీరోగా లోకేష్ కనగరాజ్‌ దర్శకత్వంలో రూపొందుతున్న కూలీ సినిమాలోనూ నాగార్జున నటిస్తున్నారు. హీరోగా ఎప్పుడు నాగ్‌ సినిమా ఉంటుందా అని ఎదురు చూస్తున్న ప్రేక్షకులకు కిక్‌ ఇచ్చే విధంగా ఈ లుక్‌ను షేర్‌ చేయడం జరిగింది. బిగ్‌ బాస్‌ కోసం ప్రతి వారం అంతకు మించి అన్నట్లుగా యంగ్‌ గా కనిపిస్తున్న నాగార్జున ఈసారి అంతకు మించి అన్నట్లుగా ఉన్నారు అంటూ ఫ్యాన్స్ అభిప్రాయం వ్యక్తం చేస్తున్నారు. నాగార్జున వచ్చే ఏడాదిలో అయినా హీరోగా సినిమా చేయాలని ఫ్యాన్స్ కోరుకుంటున్నారు. మరి నాగ్‌ సినిమా మొదలు పెట్టేనా చూడాలి.
