నాగార్జునని ఇప్పుడప్పుడే కదిలించడం కష్టం..?

స్క్రీన్ ఏదైనా సరే చెలరేగిపోవడమే తన పని అనేలా సత్తా చాటుతాడు మన కింగ్ నాగార్జున. సిల్వర్ స్క్రీన్ పై కింగ్ తన మాస్ స్టామినా చూపిస్తుంటే దానికి ఈక్వల్ గా స్మాల్ స్క్రీన్ పైన కూడా హోస్ట్ గా అదరగొట్టేస్తున్నాడు. అంతకుముందు మీలో ఎవరు కోటీశ్వరుడు షోకి హోస్ట్ గా చేసిన నాగార్జున ఆ అనుభవంతోనే బిగ్ బాస్ రియాలిటీ షోకి హోస్ట్ గా మారాడు. బిగ్ బాస్ తెలుగు సీజన్ 1 కు యంగ్ టైగర్ ఎన్.టి.ఆర్ హోస్ట్ గా చేయగా.. సీజన్ 2కి నాని హోస్ట్ గా తీసుకొచ్చారు. ఇక సీజన్ 3 నుంచి సీజన్ 7 వరకు వన్ అండ్ ఓనీల్ హోస్ట్ నాగార్జున హోస్ట్ గా కొనసాగుతున్నారు.

అటు సినిమాలు ఇటు బిగ్ బాస్ హోస్టింగ్ కాస్త కష్టమే కానీ కింగ్ ఈజీగా మ్యానేజ్ చేస్తూ వస్తున్నారు. ఇక సీజన్ సీజన్ కి ఆయన హోస్టింగ్ టాలెంట్ చూసి బిగ్ బాస్ ఫ్యాన్స్ ఫిదా అవుతున్నారు. సీజన్ 7 నాగార్జున హోస్టింగ్ మరోసారి వారెవా అనిపించింది. ఐతే ప్రతి సీజన్ మొదలయ్యే ముందు బిగ్ బాస్ కి కొత్త హోస్ట్ అని ప్రచారం కామనే. బిగ్ బాస్ సీజన్ 8 త్వరలో మొదలు కానుండగా ఇప్పుడు కూడా ఈ సీజన్ కొత్త హోస్ట్ వస్తారని అంటున్నారు.

కానీ రియాలిటీ ఏంటంటే బిగ్ బాస్ హోస్ట్ గా దాదాపు నాగార్జున పర్మినెంట్ అని తెలుస్తుంది. అంతేకాదు నాగార్జున తప్పుకున్నా మిగతా ఏ హీరో కూడా ఈ షోకు హోస్ట్ చేయడానికి ఆసక్తిగా లేరని తెలుస్తుంది. సెకండ్ సీజన్ నాని హోస్ట్ గా చేసినా మళ్లీ జన్మలో బిగ్ బాస్ హోస్ట్ గా చేయనని చెప్పుకొచ్చాడు. ఐతే హోస్ట్ గా నాగార్జున మాత్రమే పర్ఫెక్ట్ అని బిగ్ బాస్ ఆడియన్స్ కూడా చెబుతున్నారు.

సీనియర్ హీరోగానే కాదు తనకు ఇచ్చిన బాధ్యతని సమర్ధవంతంగా చేయగల నాగార్జుననే మాకు హోస్ట్ గా కావాలని అంటున్నారు. అసలైతే నాగార్జున కూడా ఒకటి రెండు సీజన్లకే హోస్ట్ గా అగ్రిమెంట్ చేసుకోగా అది కాస్త ఐదు సీజన్ల దాకా కొనసాగింది. బిగ్ బాస్ సీజన్ 8 హోస్ట్ విషయంలో ఎలాంటి డౌట్లు లేవు హోస్ట్ గా నాగార్జునని ఇప్పుడప్పుడే కదిలించడం కష్టమని అంటున్నారు. సో సీజన్ సీజన్ హౌస్ మెట్స్ ఎలాంటి వారు వస్తారా అన్న టెన్షన్ కామనే హోస్ట్ గా నాగార్జున మాత్రం పర్మినెంట్ అని ఫిక్స్ అవ్వొచ్చు.