కింగ్ అతి జాగ్రత్త.. ఫ్యాన్స్ నిరీక్షణ ఎన్నాళ్లు..?

కింగ్ నాగార్జున నా సామిరంగ హిట్ తో మరోసారి తన మాస్ స్టామినా చూపించారు. కేవలం మూడంటే మూడు నెలల్లో సినిమా చేసి సక్సెస్ అందుకున్నాడు మన కింగ్. సంక్రాంతికి తన హిట్ సెంటిమెంట్ ని మరింత బలం చేస్తూ నా సామిరంగ సక్సెస్ అందరిని సర్ ప్రైజ్ చేసింది. ఐతే ఆ సినిమా తర్వాత నాగార్జున నెక్స్ట్ సినిమా కోసం చాలా కథలు వింటున్నారు కానీ ఏది ఫైనల్ అవ్వట్లేదని తెలుస్తుంది. సోలో సినిమాకు బదులుగా ధనుష్ తో కుబేర సినిమాలో మంచి పాత్ర చేస్తున్నారు నాగార్జున. ఆ సినిమాలో నాగార్జున రోల్ ఆడియన్స్ ని సర్ ప్రైజ్ చేస్తుందని అంటున్నారు.

కింగ్ నాగార్జున సోలో సినిమా కోసం అక్కినేని ఫ్యాన్స్ ఈగర్ గా ఎదురుచూస్తున్నారు. కోలీవుడ్ డైరెక్టర్ తో కథా చర్చలు నిర్వహించిన నాగార్జున సినిమా అనౌన్స్ చేయడమే తరువాయి అనుకున్నారు మళ్లీ ఏమైందో ఏమో కానీ ఆ సినిమాకు బదులుగా నాగార్జున నా సామిరంగ కాంబినేషన్ నే మళ్లీ రిపీట్ చేసే ఆలోచనలో ఉన్నాడని అంటున్నారు.

నా సామిరంగ సినిమా టైం లోనే విజయ్ బిన్ని సొంత కథ నాగార్జునకు వినిపించాడు. నా సామిరంగ హిట్ అయితే అది చూద్దాం అన్నారట. సో అలా విజయ్ కి మరో ఛాన్స్ ఇస్తున్నట్టు తెలుస్తుంది. నాగార్జున విజయ్ బిన్ని మరోసారి హిట్ కాంబో రిపీట్ అవుతున్న సందర్భంగా అదే రిజల్ట్ అంచనా వేస్తున్నారు ఆడియన్స్.

నాగార్జున అఖిల్ తో ఒక మల్టీస్టారర్ సినిమా ప్లానింగ్ లో ఉందని టాక్. ఐతే ఆ సినిమా ఇంకా చర్చల దశల్లోనే ఉంది. మరి ఆ సినిమాను కథ సెట్ చేసి అది చేస్తారా లేదా విజయ్ బిన్ని కథతోనే నెక్స్ట్ సినిమా చేస్తారా అన్నది చూడాలి. నాగార్జున నెక్స్ట్ ఎలాంటి సినిమా చేసినా అన్ని వర్గాల ప్రేక్షకులను మెప్పించే కథతోనే వస్తారని తెలుస్తుంది. కుబేర సంక్రాంతికి రాకపోతే మాత్రం కచ్చితంగా నాగార్జున సోలో సినిమా పొంగల్ రేసులో ఉండే అవకాశం ఉంటుంది. నాగార్జున సినిమా కోసం ఫ్యాన్స్ మాత్రం నిరీక్షణ చేస్తున్నారు. సీనియర్ హీరోల్లో నాగార్జున ఒక్కడే కాస్త వెనుక పడినట్టు అనిపిస్తుండగా కింగ్ కూడా తిరిగి ట్రాక్ లోకి రావాలని చూస్తున్నాడు.