'నా సామి రంగ' నాగ్ కి క్లారిటీ వచ్చినట్లేనా...?

అక్కినేని ఫ్యాన్స్‌ చాలా కాలంగా సరైన హిట్ లేకపోవడంతో చాలా అసహనంతో ఉన్నారు. ఇలాంటి సమయంలో వచ్చిన సంక్రాంతి సినిమా నా సామి రంగ మంచి విజయాన్ని సొంతం చేసుకుంది. పాజిటివ్ టాక్ ను దక్కించుకున్న ఈ సినిమాకు కలెక్షన్స్ అనుకున్న దానికంటే ఎక్కువ వస్తున్నాయని బాక్సాఫీస్ వర్గాల వారు అంటున్నారు.

నా సామి రంగ సినిమాలో నాగార్జున కనిపించిన తీరుకు చాలా మంది ఫిదా అవుతున్నారు. గతంలో సోగ్గాడే చిన్ని నాయన మరియు బంగార్రాజు సినిమాల్లో కనిపించినట్లుగానే నా సామి రంగ సినిమా లో విభిన్నంగా మాస్ ఆడియన్స్ కి నచ్చే విధంగా కనిపించాడు.

నా సామి రంగ సినిమా విజయంతో నాగార్జున తదుపరి సినిమాల ఎంపిక విషయంలో ఒక క్లారిటీ కి వచ్చినట్లుగా తెలుస్తోంది. అందుకే మళ్లీ బంగార్రాజు తరహా కథ కోసం రచయితలతో సంప్రదింపులు జరుపుతున్నారని తెలుస్తోంది. వీలైతే బంగార్రాజు సీక్వెల్‌ కి కూడా నాగ్‌ సిద్ధం అంటున్నాడట.

తనను ప్రేక్షకులు, అభిమానులు ఇలా చూడాలి అనుకుంటూ ఉన్నప్పుడు ఎందుకు తాను యాక్షన్‌ సినిమాలు చేయాలని నాగార్జున భావిస్తున్నట్లుగా తెలుస్తోంది. అందుకే ఇక ముందు నుంచి నాగ్‌ కథల ఎంపిక సమయంలో నా సామిరంగ అంతకు ముందు వచ్చిన బంగార్రాజు పాత్రలను రిఫరెన్స్ గా తీసుకోవాలని భావిస్తున్నారట.

త్వరలో ధనుష్ తో కలిసి శేఖర్ కమ్ముల దర్శకత్వంలో సినిమా ను చేసేందుకు నాగార్జున రెడీ అవుతున్నాడు. ఆ సినిమాతో పాటు మరో సినిమాను కూడా నాగార్జున చేస్తాడు. ఇంకా ఆ సినిమా కు సంబంధించిన కమిట్‌మెంట్స్ అవ్వలేదు. త్వరలో నాగ్‌ కొత్త సినిమా ప్రారంభం అవ్వబోతుందని సమాచారం అందుతోంది. అది బంగార్రాజు సీక్వెల్ అయితే మరీ మంచిది అనే అభిప్రాయాన్ని ఫ్యాన్స్ వ్యక్తం చేస్తున్నారు.