అసలు నాగార్జున గారి ప్లాన్ ఏంటో..?

కింగ్ నాగార్జున లేటెస్ట్ మూవీ నా సామిరంగ కొరియోగ్రాఫర్ విజయ్ బిన్ని డైరెక్షన్ లో వస్తుంది. అన్నపూర్ణ స్టూడియోస్ బ్యానర్ లో నాగార్జున నిర్మిస్తున్న ఈ సినిమాలో ఆషిక రంగనాథ్ హీరోయిన్ గా నటిస్తుంది. సినిమాలో అల్లరి నరేష్, రాజ్ తరుణ్ కూడా ఇంపార్టెంట్ రోల్స్ లో నటిస్తున్నారు. చాలాకాలం తర్వాత నాగార్జున నుంచి వస్తున్న మాస్ సినిమాగా నా సామిరంగ సూపర్ క్రేజ్ దక్కించుకుంది. సినిమా ఫస్ట్ లుక్ టీజర్ తోనే భారీ హైప్ తెచ్చుకోగా రీసెంట్ గా సినిమా నుంచి వదిలిన రెండో టీజర్ మరింత బజ్ పెంచింది.

సంక్రాంతి సెంటిమెంట్ తో పొంగల్ రేసులో సినిమా తీసుకు రావాలని చూస్తున్నారు నాగార్జున. ఈసారి పొంగల్ రేసులో స్టార్ సినిమాల సందడి ఓ రేంజ్ లో ఉండబోతుంది. మహేష్, వెంకటేష్, రవితేజ సినిమాలు వస్తున్నాయి. వారితో పర్ఫెక్ట్ ఫెస్టివల్ మూవీగా నా సామిరంగని తెలుస్తున్నారు నాగార్జున. అయితే ఈ సినిమా షూటింగ్ ఇంకా పూర్తి కాలేదని తెలుస్తుంది.

సినిమా జనవరి 5 వరకు షూటింగ్ జరుపుకుంటుందట. ఆ తర్వాత పోస్ట్ ప్రొడక్షన్ చేయాలి మరి జనవరి 5 నుంచి పండుగ కేవలం వారం రోజులు కూడా లేదు అలాంటిది పోస్ట్ ప్రొడక్షన్ హడావుడిగా చేయాల్సి ఉంటుంది. అంతేకాదు సినిమా ప్రమోషన్స్ కూడా చేయాల్సి ఉంటుంది. ఇవేమి చేయకుండా సినిమాను రిలీజ్ చేస్తే ఆ ఎఫెక్ట్ రిజల్ట్ మీద పడుతుంది.

సంక్రాంతికి రిలీజ్ చేయాలనే ఆలోచన ఉన్నప్పుడు షెడ్యూల్ పర్ఫెక్ట్ గా వేసుకోవాలి. అలా కాకుండా రిలీజ్ అనుకున్నాం కదా ఎలాగోలా చుట్టేద్దాం అనుకుంటే మాత్రం ఫలితం తేడా కొట్టేస్తుంది. సంక్రాంతి రిలీజ్ సందర్భంగా థియేటర్లు అడ్జెస్ట్ చేయలేక డిస్ట్రిబ్యూటర్ లు సతమతమవుతున్నారు. ఈ టైం లో నాగార్జున రిస్క్ తీసుకుంటారా లేదా అన్నది చూడాలి. నా సామిరంగ పొంగల్ రిలీజ్ అని చెబుతున్నా ఫైనల్ డెసిషన్ ఏంటన్నది తెలియాల్సి ఉంది.

రీసెంట్ గా బిగ్ బాస్ సీజన్ 7 పూర్తి చేసుకున్న నాగార్జున ఆ షోలో నా సామిరంగ ప్రమోషన్స్ తో అలరించారు. అయితే సినిమా సంక్రాంతికి వస్తే మాత్రం జనవరి 1 నుంచి ప్రమోషన్స్ షురూ చేయాల్సి ఉంటుంది. కానీ 5 వరకు షూటింగ్ ఉందని తెలిసి అక్కినేని ఫ్యాన్స్ కూడా షాక్ అవుతున్నారు. సంక్రాంతి సెంటిమెంట్ ఓకే కానీ సినిమాను అనుకున్న విధంగా పూర్తి చేసి రిలీజ్ చేస్తే ఎప్పుడొచ్చినా సినిమా సక్సెస్ అవుతుందని అంటున్నారు.