నా సామి రంగ.. నాగ్ పక్కా లోకల్ మాస్

అక్కినేని నాగార్జున సంక్రాంతిని టార్గెట్ చేస్తూ నా సామి రంగ అనే సినిమాను విడుదల చేయబోతున్న విషయం తెలిసిందే. ఇక ఈ సినిమాకు సంబంధించిన ప్రమోషన్స్ హడావుడి కూడా మొదలైపోయింది. తప్పకుండా పొంగల్ బరిలో ఈ సినిమా సక్సెస్ అవుతుంది అని చిత్ర యూనిట్ ఎంతో నమ్మకంతో కనిపిస్తోంది.

ఇక సినిమాకు సంబంధించిన పాటలను కూడా విడుదల చేస్తూ ఉన్నారు. ఈ సినిమాకు ఎం ఎం కీరవాణి సంగీతం అందిస్తున్న విషయం తెలిసిందే. నా సామి రంగ సినిమాలో నాగార్జున నెవెర్ బిఫోర్ అనేలా కనిపించబోతున్నట్లు అర్థమవుతుంది. గతంలోనే బంగార్రాజు సోగ్గాడే చిన్నినాయన వంటి సినిమాల్లో పక్క పల్లెటూరి మాస్ హీరోగా కనిపించిన నాగార్జున ఈసారి మరింత డిఫరెంట్ గా ఆ రూట్లో ఆకట్టుకోబోతున్నట్లుగా అనిపిస్తోంది.

రీసెంట్గా సినిమాకు సంబంధించిన ఒక పోస్టర్ కూడా విడుదల చేశారు. అందులో స్టైలిష్ హెయిర్ స్టైల్ తో నాగార్జున పల్లెటూరి ట్రాక్టర్ పై కాలు పెట్టి లుంగీలో కనిపిస్తూ ఉన్నాడు. మరోసారి పల్లెటూరి వాతావరణానికి తగ్గట్టుగా పర్ఫెక్ట్ మాస్ ఎలిమెంట్స్ నాగార్జున నుంచి చూడబోతున్నట్లుగా ఈ పోస్టర్ చూస్తేనే క్లియర్ గా అర్థమవుతుంది.

ఇక రీసెంట్ గా ఎత్తుకెళ్లి పోవాలనిపిస్తుంది అనే పాటకు సంబంధించిన మ్యూజిక్ప్రోమో కూడా విడుదల చేశారు. అయితే ఈ పోస్టర్ ద్వారా లిరికల్ ప్రోమో కూడా విడుదల చేయబోతున్నట్లు క్లారిటీ ఇచ్చారు. ఎంఎం కీరవాణి మ్యూజిక్ ఈ సినిమాలో ప్రత్యేక ఆకర్షణగా ఉండబోతున్నట్లుగా తెలుస్తోంది. చాలా కాలం తర్వాత ఆయన నాగార్జున సినిమాకు మ్యూజిక్ అందిస్తూ ఉండడం విశేషం.

గతంలో వీరి కలయికలో వచ్చిన అన్నమయ్య శ్రీరామదాసు నేనున్నాను వంటి సినిమాలు మ్యూజికల్ గా ఏ స్థాయిలో గుర్తింపు అందుకున్నాయో ప్రత్యేకంగా చెప్పనవసరం లేదు. ఇక ఇప్పుడు నా సామి రంగా సినిమా నుంచి కూడా బెస్ట్ మ్యూజిక్ రాబోతున్నట్లుగా తెలుస్తోంది. ఈ సినిమాలో ఆశికా రంగనాథ్ నాగార్జునకు జోడిగా కనిపించబోతోంది. విజయ్ దీన్ని దర్శకత్వంలో రూపొందుతున్న ఈ సినిమాలో రాజ్ తరుణ్ అల్లరి నరేష్ కూడా ప్రత్యేకమైన పాత్రలలో కనిపించబోతున్నారు మరి ఈ సినిమాతో నాగార్జున సంక్రాంతి బాక్సాఫీస్ వద్ద ఎలాంటి కలెక్షన్స్ అందుకుంటాడో చూడాలి.