అనిల్ తో మరో సినిమాకు రెడీ..!

సక్సెస్ ఫుల్ డైరెక్టర్ గా తన ఖాతాలో మరో సూపర్ హిట్ వేసుకున్నాడు దర్శకుడు అనిల్ రావిపుడి. పటాస్ నుంచి రీసెంట్ రిలీజ్ భగవంత్ కేసరి వరకు తను ఏ సినిమా చేసినా ఆడియన్స్ మెప్పు పొందుతూ సూపర్ అనిపించుకుంటున్నాడు అనిల్ రావిపుడి. ఈ క్రమంలో అతను చేసిన భగవంత్ కేసరి సినిమా మీద స్పెషల్ క్రేజ్ ఏర్పడింది. ఒక కమర్షియల్ సినిమాలో సోషల్ మెసేజ్ కూడా ఇవ్వడం అనేది చాలా అరుదు. అన్ని విభాగాలు పర్ఫెక్ట్ గా సెట్ అయితేనే అలాంటి అద్భుతాలు జరుగుతాయి.

భగవంత్ కేసరి విషయంలో అదే జరిగింది. అనిల్ రావిపుడి దర్శకత్వంలో బాలకృష్ణ చేసిన ఈ డిఫరెంట్ అటెంప్ట్ నందమూరి ఫ్యాన్స్ ని మాత్రమే కాదు సగటు సినీ ప్రేక్షకుడిని కూడా సర్ ప్రైజ్ చేసింది. ఈ సినిమాలో బాలకృష్ణ, శ్రీ లీల మధ్య వచ్చే సీన్స్ ప్రేక్షకులను ఆకట్టుకున్నాయి. బాలకృష్ణతో 100వ సినిమానే చేయాల్సిన అనిల్ రావిపుడి 108వ సినిమా చేయాల్సి వచ్చింది. అనిల్ మీద బాలకృష్ణ పెట్టుకున్న నమ్మకాన్ని నిజం చేశాడు.

భగవంత్ కేసరి సక్సెస్ జోష్ లో ఉన్న బాలయ్య అనిల్ తో మరో సినిమా చేసేందుకు రెడీ అంటున్నాడట. వరుస మాస్ అండ్ కమర్షియల్ సినిమాలు చేస్తూ వస్తున్న బాలయ్యకి భగవంత్ కేసరి లాంటి సినిమాలు కూడా చేసి ఆడియన్స్ ని కన్విన్స్ చేయొచ్చు అని ప్రూవ్ చేశాడు దర్శకుడు అనిల్. అందుకే భగవంత్ కేసరి కాంబోని మరోసారి రిపీట్ చేయాలని చూస్తున్నారు. హిట్ ఇచ్చిన డైరెక్టర్ తో వెంటనే సినిమా అనౌన్స్ చేయడం కామనే.

బాలకృష్ణ కు మెమరబుల్ హిట్ ఇచ్చిన అనిల్ రావిపుడితో వెంటనే మరో సినిమా చేసేందుకు బాలయ్య ఆసక్తి చూపిస్తున్నారట. భగవంత్ కేసరి తర్వాత బాబీ డైరెక్షన్ లో బాలయ్య సినిమా చేస్తున్నారు. ఆ తర్వాత మళ్లీ అనిల్ రావిపుడితోనే బాలకృష్ణ సినిమా ఉంటుందని చెబుతున్నారు. హిట్ కాంబో కాబట్టి ఈ సినిమాపై అంచనాలు భారీగా ఉంటాయి. ఈసారి అనిల్ బాలకృష్ణతో ఎలాంటి కథతో వస్తారన్నది ఫ్యాన్స్ ఎగ్జైటింగ్ గా ఉన్నారు.

బాబీ డైరెక్షన్ లో వస్తున్న సినిమా గురించి కూడా నందమూరి ఫ్యాన్స్ ఆసక్తిగా ఉన్నారు. డైరెక్షన్ టేకింగ్ పరంగా హీరో ఇమేజ్ ని బట్టి చూపించే బాబీ తప్పకుండా బాలకృష్ణని నెక్స్ట్ లెవెల్ లో చూపిస్తాడని అనుకుంటున్నారు. వాల్తేరు వీరయ్య సక్సెస్ తో బాబీ సినిమా అంటే మినిమం గ్యారెంటీ అన్న టాక్ ఉంది. సో బాలకృష్ణతో బాబీ చేస్తున్న సినిమా కూడా భారీ క్రేజ్ తో వస్తుందని చెప్పొచ్చు.