అనీల్ ని బాల‌య్య ఓ ఆట ఆడుకున్నాడుగా!

యంగ్ డైరెక్ట‌ర్ అనీల్ రావిపూడి ఎన‌ర్జీ గురించి చెప్పాల్సిన ప‌నిలేదు. ఆయ‌న సినిమాల్లాగే ఆయ‌న కూడా బ‌య‌ట చాలా ఎన‌ర్జిటిక్ గా క‌నిపిస్తారు. చ‌లాకీగా ఉంటాడు. సెట్ లోనూ అంతే ఉత్సాహాన్ని చూపిస్తారు. న‌టీన‌టుల‌తో స‌ర‌దాగా ఉంటాడు. వాళ్ల‌ని ఆట ప‌ట్టించ‌డంలోనూ ముందుంటాడు. ప‌నితో పాటు ఎంట‌ర్ టైన్ చేయ‌డంలో అంతే ఉత్సాహం చూపిస్తాడు. అలాంటి ట్యాలెంటెడ్ కాబ‌ట్టే కాజ‌ల్ అగ‌ర్వాల్...శ్రీలీల‌తో ఆఫ్ ది సెట్స్ కూడా డాన్స్ చేయించాడు.

ఆ వీడియో నెట్టింట వైర‌ల్ అయిన సంగ‌తి తెలిసిందే. మ‌రి ఇలాంటి ఎన‌ర్జిటిక్ ప‌ర్స‌న్ కి బాల‌య్య లాంటి డ‌బుల్ ఎన‌ర్జీ ఉన్న న‌టుడు తోడైతే ఆ వెద‌ర్ ఎలా ఉంటుందో ప్ర‌త్యేకంగా చెప్పాలా? స‌రిగ్గా అదే స‌న్నివేశం చోటు చేసుకుంది `భ‌గ‌వంత్ కేస‌రి` సెట్స్ లో. ఇటీవ‌లే ఈ కాంబినేష‌న్ లో రిలీజ్ అయిన సినిమా బ్లాక్ బ‌స్ట‌ర్ అయిన సంగ‌తి తెలిసిందే. ఈ సంద‌ర్భంగా ఆన్ సెట్స్ అనుభ‌వాల్ని అనీల్ రివీల్ చేసాడు. చిన్ననాటి నుంచి బాల‌య్య బాబు అంటే ఎంతో అభిమానం.

ఆయ‌న‌తో సినిమా చేయ‌డం చాలా గ‌ర్వంగా అనిపించింది. ఆయ‌న సెట్ లో జోకులు తెగ పెల్చేవారు. నా మీద బోలెడ‌న్నీ సెటైర్లు వేసేవారు. ఆయ‌న వ‌చ్చారంటే నా ప‌నైపోయేది. ఆయ‌న నా మీద వేసే జోకులు..పంచ్ లు మామూలుగా ఉండేవి కాదు. అవ‌న్నీ చాలా స‌ర‌దాగా ఉండేవి. అలాగే ఓ ద‌ర్శ‌కుడిగా నాకు అంతే గౌర‌వాన్ని ఇచ్చేవారు. ఆయ‌న ఇచ్చిన గౌర‌వం అనేది ఎప్ప‌టికీ మ‌ర్చిపోలేనిది.

దర్శ‌కుడిగా మ‌రో మెట్టు ఎక్క‌డానికి ఆయ‌నే ఆస‌రా అయ్యారు. చిన్న పెద్ద తేడా లేకుండా అంద‌ర్నీ బాగా చూసుకుంటారు. తొటి వారికి డైలాగ్ డెలివిరీ విష‌యంలో స‌హాయ‌ప‌డుతుంటారు. భ‌గ‌వంత్ కేస‌రిలో ఆయ‌న‌తో పాటు ఎనిమిది నెల‌లు పాటు గ‌డ‌ప‌డాన్ని ఎప్ప‌టికీ మ‌ర్చిపోలేను` అని అన్నారు. బాయ‌ల్య పంచ్ లు ...సెటైర్లు వేస్తే ఎలా ఉంటుందో చెప్పాల్సిన ప‌నిలేదు. అన్ స్టాప‌బుల్ వేదిక‌గా ఆయ‌న లో గొప్ప పంచ్ మాస్ట‌ర్ ఉన్నాడ‌ని అంద‌రికీ తెలిసింది. షో స‌క్సెస్ అవ్వ‌డానికి కార‌ణం కూడా బాల‌య్య అన‌డంలో ఎలాంటి సందేహం లేదు.