దేవరకొండ కోసం నందమూరి సౌండ్

రౌడీ స్టార్ విజయ్ దేవరకొండ హీరోగా గౌతమ్ తిన్ననూరి దర్శకత్వంలో తెరకెక్కుతోన్న మూవీ VD12. ఈ మూవీ షూటింగ్ ప్రస్తుతం జరుగుతోంది. భారీ బడ్జెట్ తో ఈ చిత్రాన్ని సితార ఎంటర్టైన్మెంట్స్ నిర్మిస్తోంది. విజయ్ దేవరకొండ ఈ చిత్రంలో రెండు భిన్నమైన గెటప్స్ లో కనిపించబోతున్నట్లు తెలుస్తోంది. ఇప్పటికే ఈ మూవీ నుంచి విజయ్ దేవరకొండ ఖైదీ గెటప్ లో ఉన్న లుక్ బయటకొచ్చింది. ఈ లుక్ లో ఆయన హెయిర్ స్టైల్ కూడా చాలా విభిన్నంగా ఉంది.

ఇప్పటి వరకు విజయ్ చేసిన సినిమాలలో రెగ్యులర్ లుక్ లోనే కనిపిస్తూ వచ్చారు. అయితే VD12 కోసం విజయ్ తన లుక్ కంప్లీట్ గా మార్చుకున్నట్లు తెలుస్తోంది. త్వరలో ఈ సినిమా టైటిల్ టీజర్ ని రిలీజ్ చేయడానికి చిత్ర యూనిట్ ఏర్పాట్లు చేస్తోంది. అయితే టైటిల్ టీజర్ ని డైలాగ్స్ తో కాకుండా వాయిస్ ఓవర్ తో కట్ చేయాలని అనుకుంటున్నారంట. అందుకోసమే ఈ మూవీ టైటిల్ టీజర్ కి వాయిస్ ఓవర్ నందమూరి హీరోలను సంప్రదిసృన్నట్లు తెలుస్తోంది. ఎవరో ఒకరితో వాయిస్ ఇప్పించాలని చేస్తున్నారట.

సితార ఎంటర్టైన్మెంట్స్ నాగ వంశీకి జూనియర్ ఎన్టీఆర్ తో ఇప్పటికే మంచి అనుబంధం ఉంది. త్రివిక్రమ్ తో ఎన్టీఆర్ అరవింద సమేత సినిమా చేసినప్పటి నుంచి వారి మధ్య బాండింగ్ ఉంది. అలాగే ప్రస్తుతం బాబీ దర్శకత్వంలో బాలకృష్ణ హీరోగా తెరకెక్కుతోన్న సినిమాని సితార ఎంటర్టైన్మెంట్స్ బ్యానర్ పై నాగవంశీ నిర్మిస్స్తున్నారు.

ఈ నేపథ్యంలో వీరిద్దరిలో ఎవరో ఒకరితో అయితే కచ్చితంగా VD12 మూవీకి వాయిస్ ఓవర్ చెప్పించే ఛాన్స్ ఉందనే మాట వినిపిస్తోంది. ఎన్టీఆర్ కి ఇప్పటికే వేరే సినిమాలకి వాయిస్ ఓవర్ చెప్పిన అనుభవం ఉంది. ఈ నేపథ్యంలో ఫస్ట్ ఛాయస్ గా గౌతమ్ తిన్ననూరి అతనిని ఏమైనా లైన్ లోకి తీసుకుంటాడా అనేది తెలియాల్సి ఉంది. ఈ సినిమాకి బాలకృష్ణ లేదంటే ఎన్టీఆర్ లలో ఎవరు వాయిస్ ఓవర్ ఇచ్చిన కూడా మూవీకి అదనపు బలం అవుతుందని చెప్పవచ్చు.

VD12 చిత్రాన్ని 2025 మార్చి 28న ప్రేక్షకుల ముందుకి తీసుకురాబోతున్నట్లు ఇప్పటికే ప్రకటించారు. ది ఫ్యామిలీ మెన్ తో డిజాస్టర్ అందుకున్న విజయ్ దేవరకొండ ఈ VD12 తో మాత్రం కచ్చితంగా బ్లాక్ బస్టర్ అందుకుంటాననే నమ్మకంతో ఉన్నారు. అలాగే ఈ సినిమా కోసం విజయ్ దేవరకొండ హార్డ్ వర్క్ చేస్తున్నట్లు తెలుస్తోంది. అనిరుద్ రవిచందర్ మ్యూజిక్ కూడా ఈ సినిమాకి మరో బలం. మరి అతను ఎలాంటి మ్యూజిక్ ఇస్తాడో చూడాలి.