టాలీవుడ్‌లో మ‌రో నంద‌మూరి హీరో?

నందమూరి వంశం నుంచి మరో వారసుడు తెర‌కు ప‌రిచ‌య‌మవుతున్నాడు. రామ్, సాయి ధ‌ర‌మ్ వంటి హీరోల్ని వెండితెర‌కు ప‌రిచ‌యం చేసిన వైవియ‌స్ చౌద‌రి అత‌డి డెబ్యూ చిత్రానికి ద‌ర్శ‌క‌త్వం వ‌హించనున్నారు. చౌద‌రి చాలా గ్యాప్ త‌ర్వాత ఒక చిత్రానికి ద‌ర్శ‌క‌త్వం వ‌హిస్తూ, స్వ‌యంగా నిర్మిస్తున్నారు.

అయితే హీరో కాబోతున్న నంద‌మూరి యువ‌కుడు మరెవ‌రో కాదు..నందమూరి హరికృష్ణ మనవడు, హరికృష్ణ తనయుడు జానకిరామ్ కొడుకు ఈ కొత్త హీరో అని తెలుస్తోంది. అత‌డి పేరు కూడా నందమూరి తారక రామారావు. జానకిరామ్, హ‌రికృష్ణ ఇద్ద‌రూ వేర్వేరు ప్ర‌మాదాల్లో మరణించిన సంగతి తెలిసిందే. హ‌రికృష్ణ వార‌సుడిగా క‌ళ్యాణ్ రామ్ న‌ట‌న‌, నిర్మాణం రెండిటిలోను కొన‌సాగుతున్నాడు. ఇక యంగ్ టైగ‌ర్ ఎన్టీఆర్ టాలీవుడ్ అగ్ర హీరోలలో ఒక‌రిగా ఉన్నారు.

ఇదిలా ఉంటే వైవియ‌స్ చౌద‌రి చాలా కాలం త‌ర్వాత ద‌ర్శ‌కుడిగా కంబ్యాక్ కోసం ప్ర‌య‌త్నించ‌డం చ‌ర్చ‌నీయాంశంగా మారింది. వైవీఎస్ చౌదరి గత కొన్ని సినిమాల కారణంగా ఆర్థిక ఇబ్బందులను ఎదుర్కొన్నారు. దానివ‌ల్ల చాలా గ్యాప్ తీస్కున్నాడు. ఇప్పుడు మ‌రో కొత్త హీరోతో ద‌ర్శ‌క‌నిర్మాత‌గా కంబ్యాక్ కోసం ప్ర‌య‌త్నిస్తున్నారు. ఆయ‌న‌కు ఇది చాలా కీల‌క‌మైన సినిమా అన‌డంలో సందేహం లేదు. డెబ్యూ హీరో నిరూపించుకోవాల్సి ఉంటుంది.