హిట్ 3: అర్జున్ సర్కార్ దీపావళి బ్లాస్ట్

నేచురల్ స్టార్ నాని వరుస హిట్స్ తో తన బాక్సాఫీస్ స్థాయిని అంతకంతకూ పెంచుకుంటూనే ఉన్నాడు. ప్రస్తుతం హిట్: ది 3rd కేస్ (HIT: The 3rd Case) లో బిజీగా ఉన్న విషయం తెలిసిందే. క్రైమ్ థ్రిల్లర్ సిరీస్ హిట్ లో మూడో చాప్టర్ గా తెరకెక్కుతున్న ఈ సినిమా, శైలేష్ కొలను దర్శకత్వంలో రూపొందుతోంది. వాల్ పోస్టర్ సినిమా మరియు నాని యునానిమస్ ప్రొడక్షన్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి.

గత చిత్రాలతో ప్రేక్షకుల నుంచి మంచి స్పందన అందుకున్న నాని, ఇప్పుడు ఈ హిట్ సిరీస్‌లో తన మాస్ మరియు పవర్‌ఫుల్ యాక్టింగ్ తో అదరగొట్టనున్నారు. దీపావళి సందర్భంగా సినిమా మేకర్స్ ఒక పవర్‌ఫుల్ పోస్టర్ ను విడుదల చేశారు. “ఇగ్నైట్ జస్టిస్ థిస్ దీపావళి” అనే క్యాప్షన్‌తో వచ్చిన ఈ పోస్టర్‌లో నాని ఆగ్రహంతో ఫైటర్లను చితకబాదుతూ కనిపిస్తున్నారు.

స్టైలిష్ లుక్ లో ఉన్న నాని, అద్భుతమైన యాక్షన్ సీన్ లో ఉన్నట్టు ఈ పోస్టర్ ద్వారా చూపించారు. ఈ పోస్టర్ విడుదలతో అభిమానుల్లో సినిమా పై అంచనాలు మరింత పెరిగాయి. ఇక ఈ చిత్రంలో హీరోయిన్ గా కేజీఎఫ్ ఫేమ్ శ్రీనిధి శెట్టి నటిస్తున్నారు. ఆమె కాస్త భిన్నంగా ఈ క్రైమ్ థ్రిల్లర్ లో అద్భుతమైన నటన ప్రదర్శించనున్నట్లు మేకర్స్ తెలిపారు. సినిమాలో మరో ప్రధాన ఆకర్షణగా నిలిచే నేపథ్య సంగీతం మిక్కీ జే మేయర్ అందిస్తున్నారు.

అలాగే సినిమాటోగ్రాఫర్ సాను జాన్ వర్గీస్, యాక్షన్ సీన్స్ ను హై క్వాలిటీ లెవెల్ లో అందించేందుకు అద్భుతమైన విజువల్స్ ను అందిస్తున్నారు. హిట్ సిరీస్ లో మూడో సినిమా అయిన ఈ చిత్రం, మొదటి రెండు సినిమాల కన్నా విభిన్నంగా భారీ బడ్జెట్ తో రూపొందుతోంది. ఈ సారి ఈ సినిమాను పాన్ ఇండియా లెవెల్ లో విడుదల చేసేందుకు చిత్ర యూనిట్ ప్రత్యేకంగా ప్లాన్ చేస్తోంది.

నాని ఈ సినిమాలో అర్జున్ సర్కార్ అనే పవర్‌ఫుల్ పోలీస్ ఆఫీసర్ పాత్రలో కనిపించనున్నారు. ఈ పాత్ర నానికి కెరీర్‌లో ఒక ప్రత్యేకమైన గుర్తింపును తీసుకురావడం ఖాయం అని అర్ధమవుతుంది. హిట్ 3 పై అభిమానుల్లో ఆసక్తి రేకెత్తించేలా ఈ పోస్టర్ ప్రభావం చూపుతోంది. ఈ సినిమా 2025 మే 1 ప్రపంచ వ్యాప్తంగా విడుదల కానుంది. మరి హిట్ సినిమాతో నాని బాక్సాఫీస్ రేంజ్ ఇంకా ఏ లెవెల్లో పెరుగుతుందో చూడాలి.