నేచుర‌ల్ స్టార్ లైన‌ప్ వెరీ స్ట్రాంగ్ గురూ!

నేచుర‌ల్ స్టార్ నాని పుల్ స్వింగ్ లో ఉన్నాడు. 'ద‌స‌రా' త‌ర్వాత వ‌రుస విజ‌యాల‌తో దూసుకుపోతున్నాడు. 'హాయ్ నాన్న‌'తో డీసెంట్ హిట్ అందుకుంటే? 'స‌రిపోదా శ‌నివారం'తో బ్లాక్ బ‌స్ట‌ర్ అందుకున్నాడు. త‌దుప‌రి చిత్రాల లైన‌ప్ కూడా చాలా స్ట్రాంగ్ గా ఉంది. హిట్ డైరెక్ట‌ర్ల‌నే లైన్ లో పెట్టి సినిమాలు చేస్తున్నాడు. శైలేష్ కొల‌ను ద‌ర్శ‌క‌త్వంలో 'హిట్ ది థ‌ర్డ్ కేసు' లో న‌టిస్తున్నాడు. ఈసినిమాని నాని సొంత నిర్మాణ సంస్థ‌లోనే నిర్మిస్తున్నాడు.

ప్రాంచైజీ రైట్స్ కూడా నానివే కావ‌డంతో? మూడ‌వ భాగాన్ని మ‌రింత ప్ర‌తిష్టాత్మ‌కంగా ప‌ట్టాలెక్కించారు. ఈ క్రైమ్ థ్రిల్ల‌ర్ ప్రాంచైజీ పై భారీ అంచ‌నాలే ఉన్నాయి. మూడ‌వ భాగం ఎలా ఉంటుంది? అన్న అంచ‌నాలు అంత‌కంత‌కు పెరిగిపోతున్నాయి. అన్ని ప‌నులు పూర్తి చేసి మేలో ప్రేక్ష‌కుల ముంద‌కు తీసుకొస్తున్నారు. మ‌రోవైపు 'ద‌స‌రా' ఫేం శ్రీకాంత్ ఓదెలతో 'ది ప్యార‌డైజ్' చిత్రాన్ని కూడా ప‌ట్టాలెక్కించాడు.

'హిట్' సినిమాతో సంబంధం లేకుండా ఈ సినిమాకు ఏక కాలంలో డేట్లు కేటాయించి ముందుకెళ్తున్నాడు. ప్యార‌డైజ్ పైనా భారీ అంచ‌నాలున్నాయి. ఇద్ద‌రి కాంబినేష‌న్ లో తెరకెక్కిన 'ద‌స‌రా' బ్లాక్ బ‌స్ట‌ర్ అయింది. నాని వంద కోట్ల క్ల‌బ్ లో చేర్చిన తొలి చిత్ర‌మదే. దీంతో శ్రీకాంత్ ఈసారి ఎలాంటి మ్యాజిక్ చేస్తాడు? అన్న అంచ‌నా లున్నాయి. మ‌రోవైపు యంగ్ మేక‌ర్ సుజిత్ తోనూ ఓ చిత్రానికి క‌మిట్ అయ్యాడు. ఇటీవేల అధికారిక ప్ర‌క‌ట‌న కూడా వ‌చ్చింది. ఈ కాంబినేష‌న్ పైనా భారీ అంచ‌నాలున్నాయి.

సుజిత్ స్టార్ హీరోలే టార్గెట్ గా సినిమాలు చేస్తున్నాడు. ప్ర‌స్తుతం ప‌వ‌ర్ స్టార్ ప‌వ‌న్ క‌ళ్యాణ్ తో 'ఓజీ' తెర‌కె క్కిస్తున్నాడు. పాన్ ఇండియాలో భారీ అంచ‌నాల మ‌ధ్య రిలీజ్ అవుతుంది. ఈ సినిమా స‌క్సెస్ అయితే సుజిత్ రేంజ్ మ‌రింత మారిపోతుంది. ఇప్ప‌టికే 'సాహో'తో నార్త్ లో మంచి ఇమేజ్ సంపాదించుకున్నాడు. ఈ నేప‌థ్యంలో సుజిత్ తో ప్రాజెక్ట్ నాని కి బాగా క‌లిసొచ్చే అంశం. ఈ సినిమా ప‌ట్టాలెక్క‌డానికి మ‌రో ఆరు నెల‌లైనా స‌మ‌యం ప‌డుతుంది.