నాని గట్టిగానే ప్లాన్ చేస్తున్నాడుగా..

నేచురల్ స్టార్ నాని, మృణాల్ ఠాకూర్ జోడీగా తెరకెక్కిన హాయ్ నాన్న మూవీ డిసెంబర్ లో రిలీజ్ కాబోతోంది. ఫీల్ గుడ్ ఎంటర్టైనర్ గా కూతురు సెంటిమెంట్ తో ఈ చిత్రాన్ని నూతన దర్శకుడు శౌర్యువ్ ఆవిష్కరించారు. ఇప్పటికే రిలీజ్ అయిన టీజర్, సాంగ్స్ మూవీపైన ఎక్స్ పెక్టేషన్స్ అమాంతం పెంచేశాయి. నాని కెరియర్ లో జెర్సీ బెస్ట్ మూవీ. ఆ సినిమా తరహాలోనే హాయ్ నాన్న కూడా కచ్చితంగా హిట్ అవుతుందనే అభిప్రాయం వ్యక్తం అవుతోంది.

వైరా ఎంటర్టైన్మెంట్స్ ఈ చిత్రాన్ని భారీ బడ్జెట్ తో నిర్మించారు. తెలుగుతో పాటుగా ఇతర భాషలలో కూడా ఈ మూవీ రిలీజ్ కాబోతోంది. మృణాల్ ఠాకూర్ హీరోయిన్ గా నటిస్తూ ఉండటంతో నార్త్ ప్రేక్షకులకి చేరువ అయ్యే అవకాశాలు ఉన్నాయనే మాట వినిపిస్తోంది. దసరా లాంటి బ్లాక్ బస్టర్ హిట్ తర్వాత వెంటనే కంప్లీట్ జోనర్ మార్చేసి హాయ్ నాన్న మూవీని నాని చేయడం విశేషమని చెప్పాలి.

ఇలా సినిమా సినిమాకి వేరియేషన్ చూపిస్తూ నాని తన కెరియర్ ని స్ట్రాంగ్ గా బిల్డ్ చేసుకుంటున్నారు. ఈ సినిమా ప్రమోషన్స్ ఇప్పటికే స్టార్ట్ చేసిన నేచురల్ స్టార్ట్ మీడియాకి ఇంటర్వ్యూలు ఇస్తున్నారు. మృణాల్ ఠాకూర్ తో కలిసి క్వశ్చన్ అండ్ ఆన్సర్స్ ఇంటర్వ్యూలో పార్టిసిపేట్ చేశారు. ఇప్పుడు మరింత స్పీడ్ పెంచి అన్ని ప్రాంతాలలో తిరగాలని డిసైడ్ అయినట్లు తెలుస్తోంది.

హాయ్ నాన్న రిలీజ్ అయ్యే రోజే వరుణ్ తేజ్ ఆపరేషన్ వేలంటైన్, నితిన్ ఎక్స్ట్రార్డినరీ, విశ్వక్ సేన్ గ్యాంగ్స్ ఆఫ్ గోదావరి సినిమాలు రిలీజ్ అవుతున్నాయి. ఈ సినిమాలు అన్ని దేనికవే ప్రత్యేకం. ఈ సినిమాల మధ్య పోటీలో నిలబడాలంటే స్ట్రాంగ్ గా ప్రమోషన్స్ చేయాలి. కంటెంట్ కూడా మాస్ ఆడియన్స్ కి రీచ్ అయ్యేది కాకపోవడం హాయ్ నాన్న సినిమాకి ఉన్న నెగిటివ్.

అయితే నేచురల్ స్టార్ నాని మూవీ అంటే కచ్చితంగా ఏదో కొత్తదనం ఉంటుందని ప్రేక్షకులు ఎక్స్ పెక్ట్ చేస్తూ ఉంటారు. అలాగే కొత్త దర్శకుడితో నాని రిస్క్ ఫ్యాక్టర్ చూసుకొని మరీ చేసిన సినిమా కావడంతో ఏదో ఇంటరెస్టింగ్ పాయింట్ టచ్ చేసి ఉంటారని భావిస్తున్నారు. నాని ఈ సినిమాని ప్రమోషన్ చేసి జనాల్లోకి బలంగా పంపిస్తే కచ్చితంగా సాలిడ్ ఓపెనింగ్స్ వస్తాయనే మాట ట్రేడ్ పండితుల నుంచి వినిపిస్తోంది.