అలా అవుతుందని అనుకోలేదు..విజయ్ పై నాని వైరల్ స్టేట్మెంట్..

వైవిధ్యమైన కథలతో ప్రేక్షకులను అలరించే నాచురల్ స్టార్ నాని త్వరలో సరిపోదా శనివారం మూవీతో సందడి చేయడానికి సిద్ధమవుతున్నాడు. ముక్కు సూటిగా మాట్లాడడంతో పాటు తన అభిప్రాయాలను నిర్భయంగా వెల్లడించడం నానికి బాగా అలవాటు. తాజాగా నాని తలపతి విజయ్ కు సంబంధించిన ఓ మూవీ గురించి తన అభిప్రాయాన్ని వ్యక్తం చేశారు. నాని చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి.

తమిళ్ సూపర్ స్టార్ తలపతి విజయ్ నటించిన చిత్రాలు చాలా వరకు సక్సెస్ సాధించాయి. రాజకీయ రంగ ప్రవేశం చేయబోతున్న విజయ్ గోట్ చిత్రం తర్వాత సినిమాలు చేసే అవకాశం లేదు అన్న విషయం తెలిసిందే. ఇక విజయ్ నటించిన సినిమాలలో బీస్ట్ మూవీ బాక్సాఫీస్ వద్ద పెద్ద డిజాస్టర్ గా మిగిలింది. కమర్షియల్ గా ఈ చిత్రం విఫలమైనప్పటికీ కంటెంట్ పరంగా తనకు ఎంతో నచ్చింది అని నాని పేర్కొవడం ఇప్పుడు వైరల్ అయింది.

తమిళ్ లో సుహాసిని తో ఇచ్చిన ఒక ఇంటర్వ్యూలో నాని బాక్సాఫీస్ వద్ద పెద్దగా సక్సెస్ సాధించకపోయినప్పటికీ బీస్ట్ చిత్రం తనకు బాగా నచ్చింది అని పేర్కొన్నారు. ఈ మూవీలో రా ఏజెంట్గా విజయ్ నటన అద్భుతంగా ఉందని.. యాక్షన్ సీన్స్ అధ్యంతం ఆకట్టుకునేలా ఉన్నాయని నాని పేర్కొన్నారు. ‘నిజానికి సాలిడ్ కంటెంట్ ఉన్న ఈ చిత్రం మంచి విజయం సాధించాల్సింది. కానీ ఎందుకో అభిమానుల అంచనాలకు ఇది రీచ్ కాలేక పోయింది ‘ అని నాని పేర్కొన్నారు.

సినీ ఇండస్ట్రీలో సాధారణంగా పక్క హీరోల గురించి మనసు విప్పి పొగడడం చాలా అరుదుగా జరుగుతుంది. కానీ నాని మొదటి నుంచి కూడా టాలెంట్ ను ప్రోత్సహించడంతోపాటు అవతల వాళ్ళలోని ప్రతిభను గుర్తించి ప్రశంసించడానికి వెనుకాడడు. ప్రస్తుతం నాని సరిపోదా శనివారం చిత్రంతో బాక్స్ ఆఫీస్ వద్ద సందడి చేయబోతున్నాడు.ఈ విజిలెంట్ యాక్షన్ థ్రిల్లర్ లో నాని ఓ వైవిధ్యమైన పాత్రలో నటించబోతున్నాడని టాక్.

90 కోట్ల బడ్జెట్ తో తెరకెక్కిన ఈ చిత్రంలో SJ సూర్య, ప్రియాంక మోహన్, అభిరామి, అదితి బాలన్, P. సాయి కుమార్ , శుభలేఖ సుధాకర్ కీలక పాత్రలు పోషిస్తున్నారు. అన్యాయాలకు వ్యతిరేకంగా పోరాడే ఓ యువకుడు.. అతని చుట్టూ నెలకొన్న కథ ఆధారంగా ఈ చిత్రం ముందుకు సాగుతుంది. ఆగస్టు 29న థియేటర్లలోకి రాబోతున్న ఈ మూవీపై అంచనాలు భారీగా ఉన్నాయి. అనుకున్న రేంజ్ లో ఈ మూవీ సక్సెస్ సాధిస్తే నాని మార్కెట్ వాల్యూ మరింత పెరుగుతుంది.