నాని దెబ్బకు​.. ఆ ఇద్దరిలో ఎవరు డ్రాప్ అవతారో?

నేచురల్ స్టార్ నాని నటించిన లేటెస్ట్ మూవీ 'హాయ్ నాన్న'. తాజాగా ఈ సినిమా నుంచి టీజర్​ రిలీజై మనసను తాకింది. అలానే సినిమా రిలీజ్​ డేట్​ను కూడా అఫీషియల్​గా అనౌన్స్​ చేశరు మేకర్స్​. అయితే వాస్తవానికి ఈ సినిమా క్రిస్మస్ కానుకగా రిలీజ్ అవ్వాల్సింది. కానీ ఇప్పుడు ప్రీ పోన్ అయింది. అనుకున్న షెడ్యూల్ కన్నా 2 వారాల ముందుగానే థియేటర్లలోకి వస్తోంది. డిసెంబర్ 7న థియేటర్లలో రానున్నట్లు మేకర్స్​ తెలిపారు.

ప్రభాస్ సలార్​.. ఊహించని విధంగా క్రిస్మస్ బరిలో దిగడంతో దెబ్బకు ఇతర సినిమా రిలీజ్ డేట్స్ అన్నీ తారుమరైపోయాయి. ముఖ్యంగా అప్పటికే క్రిస్మస్​ స్లాట్​లో ఉన్న హాయ్​ నాన్న, సైంధవ్​ ముందు వెనక్కి పరుగెత్తాయి. సైంధవ్ సినిమా పోస్ట్ పోన్ అయి సంక్రాంతికి బరిలోకి వెళ్లగా.. నాని హాయ్​ నాన్న ప్రీ పోన్ అయి 2 వారాల ముందుగా జరిగింది.

అయితే నాని హాయ్​ నాన్న డిసెంబర్ 8 స్లాట్​లోకి ఎంట్రీ ఇవ్వడంతో మరో కొత్త పోటీ మొదలైనట్టైంది. ఇప్పటికే ఆ విడుదల తేదీకి.. వరుణ్ తేజ్ నటిస్తున్న పాన్ ఇండియా సినిమా 'ఆపరేషన్ వాలంటైన్', నితిన్ 'ఎక్స్ ట్రా ఆర్డినరీ' ఖరారు చేసుకున్నారు. వీటికి సంబంధించిన రిలీజ్ డేట్ పోస్టర్లు కూడా వచ్చాయి.

ఇప్పుడేమో ఆ సినిమాలకు ఒక రోజు ముందుగా నాని హాయ్ నాన్న వచ్చేందుకు రెడీ అయిపోయింది. దీంతో వరుణ్ తేజ్, నితిన్ సినిమాల్లో ఒకటి డ్రాప్ అయ్యే సూచనలు కనిపిస్తున్నాయి. మరి ఏది డ్రాప్​ అవుతుందో పక్కాగా తెలీదు. అలానే ఈ పోటీలో విశ్వక్ సేన్ నటిస్తున్న గ్యాంగ్స్ ఆఫ్ గోదావరి రానున్నట్లు కొద్ది రోజుల నుంచి ప్రచారం సాగుతోంది. చూడాలి డిసెంబర్ 7-8తేదీల్లో ఏఏ సినిమాలు పోటీ పడతాయో..

ఇకపోతే నాని హాయ్ నాన్న విషయానికొస్తే.. తాజాగా రిలీజైన ట్రైలర్​ ఫీల్​ గుడ్ ఎమోషనల్​గా సాగింది. మృణాల్​ ఠాకూర్​ ఛార్మింగ్ ఫేస్​-పాప కియారా ఖన్నా క్యూట్​ యాక్టింగ్​ చాలా బాగుంది. ఈ చిత్రంతో నాని మరో హిట్​ను ఖాతాలో వేసుకుంటారని ఆయన అభిమానులు ఆశిస్తున్నారు.